Mofhartbees
Die mofhartbees (Alcelaphus lichtensteinii) is 'n wildsbok wat in die noordooste van Suid-Afrika, die suidooste van Zimbabwe en die sentrale gebied van Mosambiek voorkom.
Die boksoort staan ook bekend as die Lichtenstein-hartbees.
| Mofhartbees | |
|---|---|
 | |
| 'n Mofhartbees, Zambië | |
| Wetenskaplike klassifikasie | |
| Koninkryk: | |
| Filum: | |
| Klas: | |
| Orde: | |
| Familie: | |
| Subfamilie: | |
| Genus: | |
| Spesie: | A. lichtensteinii |
| Binomiale naam | |
| Alcelaphus lichtensteinii Peters, 1849 | |
| Sinonieme | |
| Sigmoceros lichtensteinii | |
Bou en kleur
Die wildsbok is oorwegend dof gekleurd, van geelbruin of kastaiingkleurig. Aan die agterkant van die boude is 'n ligbruin kol. Die hare aan die stert en die skene is swart. Bulle en koeie dra albei horings. Hulle verskil van rooihartbeeste omdat hulle ligter van kleur is, nie 'n swart bles het nie, en die horings korter en by die basis verder uitmekaar is.
Geslagsverskille
Die bulle weeg tot 204 kg en die horinglengte is gemiddeld 52 cm, met 'n rekord van 61,91 cm. Die koeie weeg tot 181 kg. Die koeie se dratyd is sowat 8 maande, met een lammetjie wat tussen Junie en September gebore word.
Ander feite
Die boksoort hou van droë vloedvlaktes en vorm kuddes van 3 tot 15 diere. Sommige bulle loop alleen. Sy natuurlike vyand is die gevlekte hiëna, luiperd, leeu en die wildehond. Die boksoort het uitgesterf in Suid-Afrika, maar is in 1985 in die Krugerwildtuin hervestig.
Sien ook
Bron
- Die Soogdiergids van Suider-Afrika. Burger Cillié. 2009. ISBN 978-1-875093-46-5
Verwysings
Eksterne skakels
Wikiwoordeboek het 'n inskrywing vir mofhartbees.
This article uses material from the Wikipedia Afrikaans article Mofhartbees, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.