Michelle Obama: Prokureur en voormalige eerste dame van die Verenigde State
Michelle LaVaughn Robinson Obama (gebore 17 Januarie 1964) is 'n Amerikaanse prokureur en skrywer wat as die presidentsvrou van die Verenigde State gedien het van 2009 tot 2017.
Sy was die eerste Afro-Amerikaanse vrou wat in hierdie pos dien. Sy is die vrou van oudpresident Barack Obama.
| Michelle Obama | |
 Obama in 2013 | |
| Ampstermyn 20 Januarie 2009 – 20 Januarie 2017 | |
| President | Barack Obama |
|---|---|
| Voorafgegaan deur | Laura Bush |
| Opgevolg deur | Melania Trump |
Persoonlike besonderhede | |
| Gebore | 17 Januarie 1964 Chicago, Illinois, V.S.A. |
| Politieke party | Demokraat |
| Eggenoot/-note | Barack Obama (trou 1992) |
| Kind(ers) |
|
| Alma mater | Princeton-universiteit (BA) Harvard-universiteit (JD) |
Obama het aan die South Side of Chicago, Illinois, grootgeword, en het aan die Princeton-universiteit en Harvard se Regsskool gestudeer. In haar vroeë regsloopbaan het sy by die prokureursfirma Sidley Austin gewerk, waar sy Barack Obama ontmoet het. Sy werk daarna by niewinssoekende organisasies en as mededekaan van Studentedienste aan die Universiteit van Chicago, sowel as die vise-president vir gemeenskaps- en eksterne aangeleenthede by die Universiteit van Chicago se Mediese Sentrum. Michelle trou in 1992 met Barack, en saam het hulle twee dogters.
Obama het gedurende 2007 en 2008 haar beywer vir haar man se presidentsbod en het 'n toespraak gelewer tydens die Demokratiese Nasionale Konvensie van 2008. Sy het daarna bekroonde toesprake gelewer tydens die byeenkomste van 2012, 2016 en 2020.
As presidentsvrou was Obama 'n rolmodel vir vroue en voorstander van bewustheid van armoede, opvoeding, voeding, fisiese aktiwiteit en gesonde eetgewoontes. Sy ondersteun Amerikaanse ontwerpers en word beskou as 'n mode-ikoon.
Sy bly invloedryk na haar man se presidentskap; in 2020 was Obama vir die derde jaar agtereenvolgens volgens Gallup se meningspeiling Amerika se mees bewonderde vrou.
Bronne
- Colbert, David (2008). Michelle Obama, An American Story. Houghton Mifflin Harcourt. ISBN 978-0-547-24770-0.
- Lightfoot, Elizabeth (2008). Michelle Obama: First Lady of Hope. The Lyons Press. ISBN 978-1-59921-521-1.
- Mundy, Liza (2008). Michelle Obama, A Life. Simon & Schuster. ISBN 978-1-4165-9943-2.
- Chambers, Veronica (2017). The Meaning of Michelle: 16 Writers on the Iconic First Lady and How Her Journey Inspires Our Own. St. Martin's Press. ISBN 978-1-250-11496-9.
Eksterne skakels
- Wiki Afrikaans
Wiki Commons het meer media in die kategorie Michelle Obama.
| Eretitels | ||
|---|---|---|
| Voorafgegaan deur Laura Bush | Eerste Dame van die Verenigde State 2009–2017 | Opgevolg deur Melania Trump |
This article uses material from the Wikipedia Afrikaans article Michelle Obama, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.