Die Liberaal-Demokrate (Engels: Liberal Democrats, ook bekend as die Lib Dems) is 'n sosiaal-liberale politieke party in die Verenigde Koninkryk.
Die party is in 1988 gestig deur Paddy Ashdown, deur die samesmelting van die Liberale Party en die Sosiale Demokratiese Party. Voor die tyd het die twee partye reeds sewe jaar lank 'n alliansie gevorm. Die Liberaal-Demokrate is die vierde grootste party in die Britse Laerhuis (House of Commons) na die Skotse Nasionale Party, die Arbeidersparty en die Konserwatiewe Party.
Liberal Democrats | |
Lib Dems | |
Leier | Ed Davey |
---|---|
Gestig | 3 Maart 1988 |
Samesmelting van | Liberal Party, Social Democratic Party, Pro-Euro Conservatives |
Hoofkwartier | 8-10 Great George Street, Londen, SW1P 3AE |
Jeugvleuel | Liberal Youth |
Ideologie | Liberalisme Sosiale liberalisme |
Internasionale affiliasie | Liberal International |
Amptelike kleure | Geel/oranje |
Webblad | libdems.org.uk |
Die party bevorder sosiale liberalisme, met sterk ondersteuning vir grondwetlike hervorming, kieshervorming, burgerlike vryhede en hoër belasting vir publieke dienste. Die party is teen staatsbeperkings op individuele regte en ten gunste van 'n welvaartstaat wat die voorsien aan die behoeftes en geriewe van die lewe. Hulle ondersteun 'n veelsydige buitelandse beleid, is gekant teen die Britse deelame aan die Irakse Oorlog en ondersteun die onttrekking van troepe uit dié land.
Uit die drie hoofpartye is die Liberaal-Demokrate is die meeste ten gunste van die Europese Unie. Hulle neem ook 'n sterk omgewingsvriendelike standpunt in: hulle is ten gunste van hernieubare krag en verbintenisse tot groter afnames in die uitstoting van kweekhuisgasse.
This article uses material from the Wikipedia Afrikaans article Liberaal-Demokrate, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.