Verenigde Koninkryk Konserwatiewe Party
Die Konserwatiewe Party, amptelik die Conservative and Unionist Party, is 'n sentrum-regse politieke party in die Verenigde Koninkryk.
Dit is tans die meerderheidsparty in die Britse Laerhuis, die House of Commons, nadat dit in die algemene verkiesing van 2015 330 van altesaam 650 setels verower het, en was ook die grootste enkele party met 303 setels in die 55ste Parlement van die Verenigde Koninkryk tussen 2010 en 2015 toe dit 'n koalisieregering met die Liberaal-Demokrate gevorm het. Ook op plaaslike regeringsvlak is dit die grootste party met 8 296 raadslede.
| Conservative and Unionist Party | |
| Tories | |
 | |
| Leier | Elizabeth Truss |
|---|---|
| Gestig | 1834 |
| Voorafgegaan deur | Tory Party |
| Hoofkwartier | Conservative Campaign HQ, 4 Matthew Parker Street, Londen, SW1H 9NP, Engeland |
| Jeugvleuel | Conservative Future |
| Ideologie | Konserwatisme (Brits) Ekonomiese liberalisme Britse unionisme Sagte Euroskeptisme |
| Internasionale affiliasie | International Democrat Union |
| Amptelike kleure | Blou |
| Webblad | conservatives.com |
2.jpg)
Die Konserwatiewe Party is in 1834 gestig uit die geledere van die Tory-party - van daar die bynaam Tories - en was naas die Liberale Party die oorheersende krag in die politieke lewe van die 19de eeu. Nadat die Liberale Party deur steeds minder kiesers gesteun is, het die Britse Arbeidersparty (Labour Party) vanaf die 1920's die grootste politieke mededinger van die Konserwatiewes geword.
Konserwatiewe eerste ministers het gedurende die 20ste eeu altesaam 57 jaar as regeringsleiers gedien, insluitende Sir Winston Churchill wat dié amp vir twee termyne gevul het (1940–45, 1951–55), en Margaret Thatcher (1979–90). Gedurende mev. Thatcher se ampstermyne het die Britse ekonomie as gevolg van 'n beleid van ekonomiese liberalisering dramatiese omwentelinge ondergaan, terwyl Konserwatiewes toenemend euroskepties geword het.
Die huidige partyleier is sedert 23 Julie 2019 Boris Johnson wat ook die amp van eerste minister van die Verenigde Koninkryk beklee.
Verwysings
Eksterne skakels
- Wiki Afrikaans
Wiki Commons het meer media in die kategorie Konserwatiewe Party (Verenigde Koninkryk). - (en) Amptelike webwerf
This article uses material from the Wikipedia Afrikaans article Konserwatiewe Party (Verenigde Koninkryk), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.