Koera: Rivier In Transkaukasië
Die Koera (Armeens: Կուր, Kur, Azerbeidjans: Kür, Georgies: მტკვარი Mt'k'vari, Koerdies: rûbara kur, Turks: Kura) is die grootste rivier in die Kaukasus.
Die rivier, met 'n lengte van 1 515 km, vloei deur Turkye, Georgië en Azerbeidjan. Die rivier word matig besoedel deur groot industriële sentra soos Tbilisi en Roestawi in Georgië.
| Koera – Mtkwari | |
|---|---|
 | |
 Die stroomgebied van die Koera. | |
| Oorsprong | wes van Ardahan (Turkye) |
| Monding | suidwes van Bakoe (Azerbeidjan) in die Kaspiese See |
| Stroomgebied | Turkye, Georgië en Azerbeidjan |
| Lengte | 1 515 km (941 myl) |
| Oorspronghoogte | 2 740 m (8 990 voet) |
| Mondinghoogte | −26,5 m (−87 voet) |
| Gemiddelde afloop | 443 m³/s (15 644 ft/s³) |
| Stroomgebiedopp. | 198 300 km² (76 564 myl²) |
 Kaart van die Koera-bekken in die Kaukasus. | |
Die Koera ontspring wes van Ardahan in Oos-Anatolië, Turkye. Aansluitend vloei die rivier in 'n noordoostelike rigting en bereik Georgië, waar die rivier Mtkwari genoem word. Net suid van Suid-Ossetië naby Gori draai die Koera in suidoostelike rigting en vloei deur die Georgiese hoofstad Tbilisi. Daarna vloei die rivier verder in suidoostelike rigting deur Azerbeidjan, waar die Araks, die Koera se grootste sytak, naby Sabirabad in die rivier uitmond. Verder suidoos mond die Koera in die Kaspiese See uit.
Verwysings
Eksterne skakels
- Wiki Afrikaans
Wiki Commons het meer media in die kategorie Koera.
This article uses material from the Wikipedia Afrikaans article Koera, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.