Кура: река Во Закавказ

Извира во североисточна Турција, па тече низ неа, Грузија и Азербејџан, каде ѝ се придружува притоката Аракс, па завршува во Каспиското Езеро. Има вкупна должина од 1.515 км.

Мтквари Мтквари
Кура, Ќур, Кир
Река
Кура (Мтквари) во Тбилиси
Земји	Турција, Грузија, Азербејџан
Регион	Кавказ
Дел од	Касписки слив
Притоки
- леви	Лијахви, Арагви, Иори, Алазани
- десни	Алгети, Храми, Тертер, Аракс
Градови	Хашури, Гори, Тбилиси, Рустави, Мингечевир, Зердаб, Сабирабад, Нефтчала
Извор	Мал Кавказ
- место	кај ез. Карцахи, Карс, Турција
- височина	2.740 м
- координати	40°40′31″N 42°44′32″E / 40.67528° СГШ; 42.74222° ИГД / 40.67528; 42.74222
Утока	Касписко Езеро
- местоположба	Нефтчала, округ Нефтчала, Азербејџан
- височина	−26,5 м
- координати	39°19′32″N 49°20′07″E / 39.32556° СГШ; 49.33528° ИГД / 39.32556; 49.33528
Должина	1.515 км
Слив	198.300 км2
Истек	во веднаш низводно од утоката на Аракс
- просечен	443 м3/с
- максимален	2.250 м3/с
- минимален	206 м3/с
Сливот на Кура

Кавкаскиот регион е населен уште од најстари времиња, а земјоделство во долината на Кура почнало да се развива пред повеќе од 4.500 години. По течение подоцна се јавиле големи и развиени цивилизации, но во средновековието (околу 1200 г.) населените места се опустошиле поради природни непогоди и освојувања од други народи. Со сè поголемата експлоатација и општетувања на шумите и степите во сливното подрачје, почнале да се јавуваат зачестени поплави, кои имале особен замав во XX век. Во 1950-тите советските власти почнале со изградба на голем број брани и канали. Денес реката е многу побавна и поплитка поради присуството на разни хидроелектрани, а некогаш била пловна до градот Тбилиси во Грузија.

Поимот Кура е поврзан со името на персискиот цар Кир Велики, или пак со зборот кур, кој значи „водосклад“ на стариот говор на Кавкаските Албанци. Грузискиот назив е Мтквари, што или значи „добра вода“, или е грузиска варијанта на мегрелскиот поим тквар-уа што значи „разјадување“, во смисла дека реката течејќи ги разјадува планините). Според некој поимувања, Кура ја исцртува границата помеѓу Европа и Азија.

Реката извира во североисточна Турција, во долинка на висорамнината Карс на Мал Кавказ. Тече на запад, па на север и на исток, минува крај Ардахан, па влегува во Грузија. Се извива во лак во северозападен правец, и влегува во кањон кај Ахалцихе, каде свртува свртува на североисток и така тече некои 75 км, па ги напушта планините кај Хашури. Потоа се свива на исток, свртува малку југоисточно и така тече 120 км, минува крај Гори, а потоа и кај Мцхета, па тече на југ низ краткиот кањон и по западната страна на главниот град Тбилиси. Оттука теренот станува стрмен и реката го одминува Рустави, па врти на исток кај утоката на реката Храми, навлегувајќи во Азербејџан. Од овде тече по степите и влегува во акумулацијата Шемкир, а потоа и во акумулацијата Јеникенд.

Потоа се влева во акумулацијата Мингечевир (најголема водна површина во Азербејџан). Порано реките Иори (Кабири) и Алазани се влевале во Кура, но денес нивните устија се покриени од езерото. Потоа Кура ја напушта акумумацијата и кривулесто тече на југоисток, каде ја прима реката Тертер во округот Барда и продолжува да тече неколку стотини колометри по широка наводнувана рамница, па врти на исток кај Сарису и набргу, кај Сабирабад, ја прима најголемата притока Аракс. Утоката со Аракс образува голем лак на север, и потоа тече на југ во должина од 60 км, минува по западната страна на националниот парк Ширван, па свртува на исток и се празни во Каспиското Езеро кај Нефтчала.

•  
  Кура во Азербејџан
•  
  Кура во Метехи, Тбилиси
•  
  Панорама на Кура в Тбилиси
•  
  Кура во Тбилиси на крајот на XIX век
•  
  Кура во Тбилиси
•  
  Утока на Кура и Арагви кај Мцхета
•  
  Виножито над Кура во Тбилиси
•  
  Кура кај Уплисцихе
•  
  Кура кај Ширван

• Кура (појаснување)
• Географија на Азербејџан
• Географија на Грузија
• Список на реки во Азербејџан
• Список на реки во Грузија

• Кура — Енциклопедиски речник „Брокхаус и Ефрон“ (1890—1907) (руски)