Кавказ — област во Евроазија коjа на север граничи со Русија, на југоисток со Турција, на запад со Црно Море, на исток со Касписко Море и на југ со Иран.
Во Кавказ спаѓа и планинскиот венец Кавказ (Кавкаски Пл.) и околните низини.
Кавказ се граница помеѓу Европа и Азија, а за териториите во тој регион различно се смета дека му припаѓаат на еден или и на двата континента. Највисок врв на Кавказ е Елбрус (5.642 м) кој се смета и за највисок врв во Европа.
Кавказ е еден од лингвистички и културно најразновидните региони во светот. Денешните национални држави на Кавказ се пост-советските држави: Грузија, Ерменија, Азербејџан и делови од Русија. Руските делови се Ставрополски крај, Краснодарски крај а исто така и автономните републики Адигеја, Калмикија, Карачаево-Черкесија, Кабардино-Балкарија, Северна Осетија-Аланија, Ингушетија, Чеченија и Дагестан. Три територии во регионот тврдат дека се независни, но не се меѓународно признати: Абхазија, Нагорно-Карабах и Јужна Осетија.
Кавказ има огромно еколошко значење. На Кавказ има повеќе од 6400 видови растенија од кои 1300 се ендемски во регионот. Меѓу кавкаските животни спаѓаат леопардот, кафеавата мечка, волци, европскиот бизон, планински кози и златниот орел. Во кавкаскиот пејзаж преовладува мешана шума и значајни површини од карпеста површина над шумскиот појас.
This article uses material from the Wikipedia Македонски article Кавказ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Содржината е достапна под CC BY-SA 4.0 освен ако не е поинаку наведено. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Македонски (DUHOCTRUNGQUOC.VN) is an independent company and has no affiliation with Wiki Foundation.