Cabhcas

The e suidhichte eadar A' Mhuir Dhubh agus a' Mhuir Chaspach. Tha an Cabhcas air a shìneadh air feadh shia dhùthchannan: Airmeinia, Asarbaideàn, A' Chairtbheil, Ioràn, An Ruis agus An Tuirc.

'S dòcha gur ann à Caucas, sinnsear miotasach daoine na sgìre, a tha an t-ainm. Air rèir beul-aithris, b' e mac Tofamah agus ogha Jafeth (mac Noah sa Bhìobaill) a bh' ann an Caucas. Bha seachdnar mic aige: Kartlos, sinnsear nan Cairtbheileach; Haik, sinnsear nan Airmeiniach; Lekos, sinnsear nan Lezgineach; Heros à Hereti; Movakos; Kavkas; agus Egros (air neo Egrisi). Tha teòiridh eile ann, a chanas gun tàinig an t-ainm à Kaukasos, buachaille miotasach Greugach, air a mharbhadh le Cronos anns na beanntan air an ainmeachadh an a dhèidh. Ann am miotas-eòlas nan Greugach, b' e aon dhe na colbhan a bheireadh an saoghal a bh' ann an Kaukasos. Chanadh gu robh Prometeus air a phrìosanachadh le Zeus anns na beanntan seo. Chithear liosta mar a chanar an ainm ann an cànan eile, mar a leanas:

• Abkhaz: Kawkáz
• Adyghe: Къавкъаз - Хэку (Qawqaz)
• Azeri: Qafqaz
• Arabais: القوقاز (al-Qawqāz)
• Hayeren: Կովկաս (Kovkas)
• Avar: Кавказ – كافكاز (Kawkaz)
• Noxçiyn: Кавказ (Kawkáz)
• kartuli: კავკასია (K'avk'asia)
• Greugais: Καύκασος (Kávkasos)
• Ğalğay: Кавказ (Kawkaz)
• Qabardejbza: Къавкъаз (Qawqaz)
• Qaraçay-Malqar: Кавказ (Kawkaz)
• Kurdî: Qefqasya - Qefqas
• Lezgin: Къавкъаз (K'awk'az)
• Lak: Ккавкказ (Kkawkkaz)
• Ævzag: Кавказ (Kavkaz)
• Farsi: قفقاز (Qafqaz)
• Ruisis: Кавказ (Kavkaz)
• Turcais: Kafkaslar - Kafkasya
• Ucràinis: Кавказ (Kaukaz)

Chuir Jarosław Dąbrowski seachad ceithir bliadhna bho 1855 gu ruige 1859 na oifigear san Arm is e a' sabaid ann an aghaidh nan Czerkess às leth an tsar. Fhuair e bonn leis cho gaisgeach 's a bha e.