Kawa (Piper methysticum; Latyn vir peper en Grieks vir bedwelmende) is 'n plant van die Pasifiese Eilande.
Die naam kawa kom van Tongaans en Marquesaans en beteken "bitter"; ander name sluit in ʻawa (Hawais), ʻava (Samoaans), yaqona of yagona (Fidjiaans), ensovoorts. Kawa word gebruik vir sy kalmerende uitwerking in kulture dwarsdeur die Stille Oseaan.
Kawa | |
---|---|
Die blare van Piper methysticum. | |
Wetenskaplike klassifikasie | |
Domein: | Eukaryota |
Koninkryk: | Plantae |
Klade: | Tracheofiete |
Klade: | Angiospermae |
Klade: | Magnoliids |
Orde: | Piperales |
Familie: | Piperaceae |
Genus: | Piper |
Spesie: | P. methysticum |
Binomiale naam | |
Piper methysticum |
Die wortel van die plant word gebruik om 'n drankie te maak met kalmerende, verdowende en euforiese eienskappe. Die aktiewe bestanddele word kawaloktone genoem.
Die Wêreldgesondheidsorganisasie meen die matige gebruik van kawa in sy tradisionele vorm, dus as 'n watergebaseerde suspensie van kawawortels, hou 'n "aanvaarbaar lae vlak van gesondheidsrisiko" in. Kawa-ekstrakte gemaak met organiese oplosmiddels en kawa van swak gehalte hou 'n groter risiko in, insluitende van lewerskade.
This article uses material from the Wikipedia Afrikaans article Kawa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.