Fk 03 Pirmasens

FK 03 Pirmasens

Volledige naam	Fußballklub 03 Pirmasens e.V.
Stigtingsdatum	5 Junie 1903
Tuisveld	Sportpark Hüsterhöhe, Pirmasens
Kapasiteit	10 000
Kompetisie	Regionalliga Suid

Die klub is as FC Pirmasens in 1903 gestig, maar in 1905 stig SK 1905 Pirmasens by die klub af net om in 1919 weer by die klub aan te sluit, maar splits in dieselfde jaar weer af as SG 05 Pirmasens. In 1925 neem die klub sy huidige naam aan.

In Suidwes-Duitsland was Pirmasens een van die groot spanne en na die oprigting van die Gauliga in 1933 word die klub 3 keer visekampioen (1934-1936). In 1942 onttrek die klub egter na 'n 0-26 nederlaag teen 1. FC Kaiserslautern, nadat die klub heelwat spelers aan die Tweede Wêreldoorlog verloor het.

Met die oprigting van die Bundesliga in 1963 was Pirmasens in die Regionalliga ingedeel en het daar vir 11 seisoene meegeding tot met die oprigting van die 2. Bundesliga. Die klub het altyd in die boonste helfte van die punteleer geëindig en 4 keer deelgeneem aan die eindronde om promosie na die Bundesliga, maar kon nooit promoveer nie. Sedertdien kon die klub nog nie weer die hoogtes van weleer bereik nie.

• Amptelike klubblad
• Abseits Guide to German Soccer