Rietbok
Die rietbok (Redunca arundinum) is 'n wildsbok wat in Angola, Zimbabwe, Zambië, Mosambiek en die noordelike dele van Suid-Afrika voorkom.
Hulle word veral in digbegroeide rietkolle en grasvleie naby riviere aangetref.
| Rietbok | |
|---|---|
,_Kruger_National_Park.jpg) | |
| Ram in die Krugerwildtuin | |
| Wetenskaplike klassifikasie | |
| Koninkryk: | |
| Filum: | |
| Klas: | |
| Orde: | |
| Familie: | |
| Genus: | Redunca |
| Spesie: | R. arundinum |
| Binomiale naam | |
| Redunca arundinum (Boddaert, 1785) | |
 | |
| verspreiding | |
Volwasse rietbokke weeg ongeveer 70 kg en kan gemiddeld 90 cm hoog word. Die rietbok se horings groei met 'n klein draai na buite, sodat dit soos 'n vet "V" op die bok se kop lyk. Die langste aangetekende horinglengte by 'n rietbok is 46 cm. Hulle het kort kwassterte met 'n wit onderkant.
Wanneer 'n rietbok skrik, sal hy 'n skerp fluitgeluid maak en met 'n skommelende beweging weghardloop, kwasstert in die lug, sodat die wit onderkant wys.
Die ooi is 7,5 tot 8 maande dragtig, waarna daar in Augustus of September 'n enkele lammetjie gebore word. Rietbokke het 'n moontlike lewensduur van 9 jaar.
Sien ook
Bronnelys
- IUCN SSC Antelope Specialist Group (2008). Redunca arundinum. 2008 IUBN Rooi Lys van bedreigde spesies. Internasionale Unie vir die Bewaring van die Natuur 2008. Verkry op Januarie 2009.
- Soogdiere van die Krugerwildtuin en ander Nasionale Parke (1979). Saamgestel deur Die Nasionale Parkeraad. 'n Publikasie van die Raad van Kuratore vir Nasionale Parke van die Republiek van Suid-Afrika. ISBN 0-86953-027-5.
Eksterne skakels
Wikiwoordeboek het 'n inskrywing vir rietbok.
This article uses material from the Wikipedia Afrikaans article Rietbok, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.