Département
Département is die naam van die (oorspronklik 83) administratiewe distrikte waarin Frankryk tydens die Franse Rewolusie ingedeel is.
Elke département was naastenby ewe groot en is verder verdeel in arrondissements en kantons. Aan die hoof van die administrasie was 'n prefek. Gewoonlik kon elkeen van die bewoners die prefektuur binne 'n dagreis bereik.
Met die skepping van die départements het Abbé Emanuel Joseph Sieyès (wat ook die nuwe grondwet uitwerk) en die Assemblée Nationale (wat Sieyès se planne in 1789 goedkeur) beoog om die historiese teenstellings tussen die ou provinsies van die monargistiese ancien régime uit die weg te ruim. Hierdie maatreël was gegrond op die rasionale denke van die verligting en die idee van 'n Franse eenheidstaat.
Vandag is daar 100 départements wat oorwegend na riviere genoem is; die ou provinsies bly voortleef as streekname.
Die meeste départements het 'n oppervlakte van tussen 4 000 en 8 000 vierkante kilometer en 'n bevolking van tussen 'n kwartmiljoen en een miljoen. Gironde is die grootste département met 10 000 vierkante kilometer, die stad Parys die kleinste met net 105 vierkante kilometer (sy voorstede maak deel uit van ander départements). Die département Nord het die grootste inwonertal met meer as 2,5 miljoen mense, terwyl slegs 74 000 mense in die yl bevolkte Lozère woon.
Die 18 Franse Régions en 101 Départements:
This article uses material from the Wikipedia Afrikaans article Département, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.