Driespletige Newel: Emissie- en refleksienewel in die sterrebeeld Boogskutter
Die Driespletige Newel (ook bekend as onder meer Messier 20 en NGC 6514) is ’n H II-gebied in die sterrebeeld Boogskutter.
Dit is ’n ongewone kombinasie van ’n oop sterreswerm, ’n emissienewel (die onderste rooi deel), ’n refleksienewel (die boonste blou deel) en ’n donker newel (die oënskynlike gapings in die emissienewel wat aan die struktuur sy driespletige voorkoms gee). Laasgenoemde word ook Barnard 85 genoem.
| Driespletige Newel | ||||
 | ||||
| Die drie "dele" van die newel kan duidelik op dié foto gesien word. (Bron: ESO) | ||||
| Soort newel | Emissie-/refleksienewel | |||
| Sterrebeeld | Boogskutter | |||
| Waarnemingsdata (Epog J2000) | ||||
| Regte klimming | 18h 02m 23s | |||
| Deklinasie | -23º 01' 48" | |||
| Skynmagnitude (m) | 6,3 | |||
| Besonderhede | ||||
| Afstand (ligjaar) | 5 200 | |||
| Skynbare grootte | 28' | |||
| Ander name | ||||
| NGC 6514, Sharpless 30, RCW 147, Gum 76 | ||||
| ||||
Eienskappe
Die Driespletige Newel is in 1997 deur sterrekundiges ondersoek deur middel van die Hubble-ruimteteleskoop. Filters is gebruik wat emissies van waterstofatome, geïoniseerde swaelatome en dubbelgeïoniseerde suurstofatome isoleer. Die beelde is saamgevoeg vir ’n foto om te wys hoe die newel dalk vir ’n waarnemer sal lyk.
Die nabyskote wys ’n digte wolk van stof en gas wat die geboorteplek van nuwe sterre is. Dié wolk is sowat 8 ligjare van die newel se sentrale ster. ’n Straal van sowat 0,75 ligjare peul uit die kop van die wolk. Die bron van die straal is ’n jong stellêre voorwerp diep binne-in die wolk. Sulke strale is die uitlaatgasse van stervorming. Straling van die newel se sentrale ster laat die straal gloei.
In Januarie 2005 het Nasa se Spitzer-ruimteteleskoop 30 sterre in wording en 120 nuut gevormde sterre ontdek wat nie op foto's met sigbare lig gesien is nie.
Die newel is sowat 5,2 kilo-ligjare van die Aarde af en het ’n magnitude van 6,3.
Galery
-
M20 deur ’n amateur-teleskoop. -
Die Driespletige Newel. Die deel in die blok word regs vergroot. (Bron: Nasa/ESA). -
Hubble-foto van ’n sterrestraal in die newel. (Bron: Nasa/ESA). -
Die newel in infrarooi soos gesien deur Spitzer.
Verwysings
Eksterne skakels
- Spitzer-ontdekkings Geargiveer 9 Mei 2008 op Wayback Machine
- Messier 20, SEDS: Messier 20
- ESA/Hubble
- Driespletige Newel op WikiSky: DSS2, SDSS, GALEX, IRAS, Hydrogen α, X-Ray, Astrophoto, Sky Map, Artikels en foto's
- Wiki Afrikaans
Wiki Commons het meer media in die kategorie Driespletige Newel. 
Hierdie artikel is vertaal uit die Engelse Wiki
This article uses material from the Wikipedia Afrikaans article Driespletige Newel, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.