Die Dikkop-ghieliemientjie (Barbus anoplus) is 'n varswater vis wat in die meeste riviere van sentraal Suid-Afrika voorkom.
In Engels staan dit bekend as die Chubbyhead barb.
Dikkop-ghieliemientjie | |
---|---|
Wetenskaplike klassifikasie | |
Domein: | |
Koninkryk: | |
Filum: | |
Subfilum: | |
Infrafilum: | |
Superklas: | |
Klas: | |
Subklas: | |
Infraklas: | |
Superorde: | |
Orde: | |
Familie: | |
Genus: | |
Spesie: | B. anoplus |
Binomiale naam | |
Barbus anoplus M. C. W. Weber, 1897 |
Die wyfies (120 mm) word groter as die mannetjies (100 mm). Hulle het stomperige koppe met 'n klein mondjie. Daar is gewoonlik 'n paar baarde aan die mond vas. Gedurende broeityd is die mannetjies heldergoud van kleur anders is al die visse gryserig groen aan die bokant met 'n klein kol op die stertvin. Party mannetjies het 'n breë, bruin band op die sye.
Die vis kom wydverspreid voor in riviere vanaf die Hoëveld tot in KwaZulu-Natal, voormalige Transkei en die middel en boonste gedeelte van die Oranjerivier. Die spesie kom ook voor in die groot riviere van die Wes- en Oos-Kaap maar kom nie voor in riviere wat in die Kaapse Plooiberge ontspring nie.
Die vis verkies koeler waters om in te leef en kom voor in 'n verskeidenheid habitatte; van mere tot klein stroompies. Hier hou hulle in donker waters waar daar skadu's is, byvoorbeeld by omgevalle bome. Hulle broei gedurende die somer wanneer die riviere vol is na die reën.
Die wyfie lê haar eiers teenaan die plantegroei. Die larwes broei binne drie dae uit en begin om te swem en te eet na 6 tot 7 dae en bereik volwassenheid na een jaar. Die meeste mannetjies word slegs twee jaar oud en wyfies word tot drie jaar oud. Die spesie is 'n omnivoor en vreet insekte, soöplankton, groen alge en diatome. Hulle self is die prooi van groter visse en voëls.
Die vis is geskik vir kouewater akwariums en visdammetjies.
This article uses material from the Wikipedia Afrikaans article Dikkop-ghieliemientjie, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.