Daglelie
'n Daglelie (Hemerocallis) is 'n meerjarige plant met trompetvormige blomme.
Die plant se botaniese naam, Hemerocallis, is uit Grieks afgelei: ἡμέρα (hēmera) beteken "een dag" en καλός (kalos) beteken "mooi".
| Daglelies | |
|---|---|
 | |
| Gewone daglelie (Hemerocallis fulva) | |
| Wetenskaplike klassifikasie | |
| Koninkryk: | |
| Divisie: | |
| Klas: | Monocots |
| Orde: | |
| Familie: | |
| Subfamilie: | Hemerocallidoideae |
| Genus: | Hemerocallis |
| Spesies | |
| Sien teks. | |
Die blomme open as die son opkom en hou tipies net een dag lank. Omdat die bloeisteel talle blomknoppe het, blom die plant aaneen gedurende die somermaande. Die blomme kom in skakerings van geel, oranje, pers en bruin voor. Die blomme van sommige daglelies is eetbaar en word in Sjinese kombuise gebruik.
Die plant het nie 'n bol of risoom soos gewone lelies nie, maar het 'n eenvoudige wortelstelsel wat in 'n digte pol gekonsentreer is. Die blare kom uit die kroon en lyk baie soos breë grasblare. Hoewel hulle meerjarig is, is daar immergroen en bladwisselende spesies.
Daglelies is oorspronklik van Europa, China, Korea en Japan afkomstig, maar het sedertdien oor die hele wêreld versprei. Dit is gewild onder tuiniers, omdat dit maklik groei en 'n groot verskeidenheid kultivars beskikbaar is.
Daglelies aard goed in die meeste klimaatsones in Suid-Afrika. Dit kan in volle son geplant word en groei maklik in enige tipe grond. Dit is bykans plaagvry en word selde deur insekte gevreet. Die plante kan elke drie tot vier jaar verdeel en herplant word.
Spesies
- Hemerocallis altissima
- Hemerocallis aurantiaca
- Hemerocallis citrina
- Hemerocallis cordata
- Hemerocallis coreana
- Hemerocallis darrowiana
- Hemerocallis dumortierii
- Hemerocallis esculenta
- Hemerocallis exaltata
- Hemerocallis forrestii
- Hemerocallis fulva
- Hemerocallis hakuunensis
- Hemerocallis hongdoensis
- Hemerocallis japonica
- Hemerocallis lilioasphodelus
- Hemerocallis littorea
- Hemerocallis micrantha
- Hemerocallis middendorffii
- Hemerocallis minor
- Hemerocallis multiflora
- Hemerocallis nana
- Hemerocallis pedicellata
- Hemerocallis plicata
- Hemerocallis sempervirens
- Hemerocallis sendaica
- Hemerocallis serotina
- Hemerocallis sulphurea
- Hemerocallis taeanensis
- Hemerocallis thunbergii
- Hemerocallis vespertina
- Hemerocallis washingtonia
- Hemerocallis yezoensis
Verwysings
Eksterne skakels
- Wiki Afrikaans
Wiki Commons het meer media in die kategorie Daglelie. - Wiki Afrikaans
Wikispecies het meer inligting verwant aan Daglelie
This article uses material from the Wikipedia Afrikaans article Daglelie, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.