Concordia
Concordia is ’n dorp in Namakwaland, Noord-Kaap, 19 km noordoos van Springbok, wat onder die ou bedeling uitsluitlik vir bruin mense gereserveer was.
Concordia | |
|---|---|
Dorp | |
![Die lokomotief Pioneer wat net buite Okiep ontspoor het toe 'n Boerekommando die dorp aangeval het, is op 1 Mei 1902 vanaf Concordia geloods. [1]](/wiki/af/L%C3%AAer:NCC_Pioneer_0-4-0ST_b.jpg) Die lokomotief Pioneer wat net buite Okiep ontspoor het toe 'n Boerekommando die dorp aangeval het, is op 1 Mei 1902 vanaf Concordia geloods. | |
  Concordia Concordia se ligging in Noord-Kaap | |
| Koördinate: 29°32′S 17°57′O / 29.533°S 17.950°O 17°57′O / 29.533°S 17.950°O | |
| Land |  Suid-Afrika |
| Provinsie | Noord-Kaap |
| Distrik | Namakwa |
| Munisipaliteit | Nama Khoi |
| Oppervlak | |
| • Totaal | 4,83 km2 (1,86 vk. myl) |
| Bevolking (2011) | |
| • Totaal | 4 988 |
| • Digtheid | 1 033/km2 (2 680/vk. myl) |
| Rasverdeling (2011) | |
| • Wit mense | 0.3% |
| • Indiërs/Asiërs | 0.6% |
| • Bruin mense | 97.8% |
| • Swart mense | 1.0% |
| • Ander | 0.4% |
| Taal (2011) | |
| • Afrikaans | 98.5% |
| • Ander | 1.5% |
| Poskode (strate) | 8271 |
| Poskode (posbusse) | 8271 |
Concordia was een van die vyf kleurlingreservate in Klein-Namakwaland (die deel van Namakwaland suid van die Oranjerivier) en het 63 221 ha beslaan. Dit het ontstaan as ’n Rynse sendingstasie tydens die eerste helfte van die 19de eeu. In 1863 het die Nederduitse Gereformeerde Kerk tot die gebied toegetree en ’n sendingstasie tot stand gebring.
In 1940 het ’n Duitse mineraloog, Albert von Schlicht, uit Berlyn in Kaapstad aangekom, na Namakwaland gegaan as prospekteerder en die kopermyn ontdek wat later die naam Concordia gekry het. Maar die insinking in die koperprys het hom genoodsaak om die myn te sluit. In 1949 is dit heropen as die O’okiep-kopermaatskappy (OCC), waarin talle plaaslike mense gewerk het. Die inwoners van Concordia, wat omstreeks 1970 sowat 2 600 getel het, het tradisioneel ’n bestaan gevoer uit veeboerdery (skape en bokke) en die verbouing van Graan. Weens lae produktiwiteit het sowat ’n kwart van die volwasse bevolking as trekarbeiders in die mynbou, visserye en op die dorpie gewerk.
Volgens die sensus van 2011 was dorp se bevolking toe 4 988, van wie 4 878 (98%) bruin was. Die swart inwoners het 50 getel, die Indiërs of Asiërs 29, “ander” 19 en wittes 13.
Bron
- (en) Potgieter, D.J. (ed.) 1973. Standard Encyclopaedia of Southern Africa, volume 8. Cape Town: Nasionale Opvoedkundige Uitgewery (Nasou).
Verwysings
This article uses material from the Wikipedia Afrikaans article Concordia, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.