Bruce Lee: Vegkunstenaar, vegkunsinstrukteur en vegkunsakteur (1940-1973)
Bruce Jun-fan Lee (27 November 1940 – 20 Julie 1973) was 'n Chinese vegkunstenaar, filosoof, vegkunsinstrukteur en vegkunsakteur.
Hy was ook die stigter van die vegkuns "Jeet Kune Do". Lee word algemeen beskou as die invloedrykste vegkunstenaar van die twintigste eeu. Hy was ook die vader van die akteur Brandon Lee en die aktrise Shannon Lee.
| Bruce Lee | |
 | |
Bruce Lee in 1973 | |
| Geboortenaam | Lee Jun-fan |
|---|---|
| Geboorte | 27 November 1940 San Francisco, Verenigde State |
| Sterfte | 20 Julie 1973 (op 32) Hongkong |
| Nasionaliteit | Chinees-Amerikaans |
| Beroep(e) | Vegkunstenaar, filosoof, vegkunsinstrukteur en vegkunsakteur |
| Internet-rolprentdatabasis-profiel | |
Lee is in San Francisco, Kalifornië gebore, maar het in Hongkong groot geword. Sy rolprente het die tradisionele Hongkong-vegkunsrolprent nuwe gewildheid en lof gebring en gesorg vir die eerste grootskaalse belang in Chinese vegkuns in die Weste. Die regie en toon van sy rolprente het vegkuns en vegkunsrolprente die wêreld oor beïnvloed.
Lee het 'n ikoniese figuur geword, veral vir die Chinese volk, siende dat hy Chinese nasionale trots en Chinese nasionalisme in sy rolprente uitgebeeld het. Hy het hoofsaaklik Chinese vegkuns (Koeng foe) beoefen, veral Wing Tsun.
Verwysings
- Wiki Afrikaans
Wiki Commons het meer media in die kategorie Bruce Lee.
This article uses material from the Wikipedia Afrikaans article Bruce Lee, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.