Bloumarlyn: Makaira nigricans, die bekendste sportvis
Die bloumarlyn (Makaira nigricans) is die bekendste sportvis en kom in al drie oseane van die wêreld voor.
In Suid-Afrika kom die vis meer aan die ooskusgebiede voor, veral noord van Durban, met Sodwanabaai een van die bekendste plekke van waar die vis gevang word. Die vis word beskou as die vinnigste van die marlyne. In Engels staan die vis bekend as Blue marlin.
| Bloumarlyn | |
|---|---|
 | |
| 'n Manlike bloumarlyn. | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Familie: | |
| Genus: | Makaira |
| Spesie: | M. nigricans |
| Binomiale naam | |
| Makaira nigricans Lacépède, 1802 | |
 | |
| Verspreiding | |
Voorkoms
Die vis is groot met 'n lang lyf wat donkerblou aan die bokant is terwyl die sye en pens silwerwit is. Die pektorale vinne kan weggevou word. Die swaard is lank en skerp en kan langer wees as die swartmarlyn se swaard. Daar is ook ligblou, vertikale lyne op die kant van die vis wat verdwyn na die vis gevrek het. Die swaarste bloumarlyn wat in Suid-Afrikaanse waters gevang is, het 219 kg geweeg.
Gewoontes
Die vis is alleenlopend en swem oor die oseane heen. Hulle vreet tussen die oseaan se oppervlakte en middeldiepwater en eet kleiner tuna en pensstreep-tuna. Soos alle swaardvisse gebruik hulle ook hul swaarde om hul prooi te verlam, beseer of selfs te dood. Hulle vreet vroeg tot laat in die oggende. Die vis is ook 'n gesogte eetvis.
Sien ook
Bron
- Top Angling Fishes of Southern Africa. Hennie Crous. 2010. ISBN 978 1 77007 403 3
Eksterne skakel
This article uses material from the Wikipedia Afrikaans article Bloumarlyn, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.