79360 Sila-Nunam, wat die voorlopige naam 1997 CS29 gehad het, is ’n dubbele, koue klassieke Kuipergordelvoorwerp (cubewano) met twee komponente van byna eenderse grootte wat anderkant Neptunus in die Sonnestelsel geleë is.
Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Die stelsel se naam is ’n kombinasie van die twee liggame s’n: Sila en Nunam.
Ontdekking | |
---|---|
Ontdek deur | Jane Luu David C. Jewitt Chadwick A. Trujillo Jun Chen |
Datum | 3 Februarie 1997 |
Plek van ontdekking | Mauna Kea-sterrewag |
Kleinplaneet-benaming | (79360) Sila-Nunam |
Alternatiewe name | 1997 CS29 |
Kleinplaneet-kategorie | TNV (cubewano) |
Wentelbaaneienskappe | |
Epog 13 Januarie 2016 | |
Afelium | 44,8452 AE |
Perihelium | 43,3862 AE |
Halwe lengteas | 44,1157 AE |
Wentelperiode | 293,02 jaar (107 026 dae) |
Gem. anomalie | 331,884° |
Baanhelling | 2,240951° |
Lengteligging van stygende nodus | 304,34152° |
Periheliumhoek | 222,597° |
Natuurlike satelliete | 1 |
Fisiese eienskappe | |
Afmetings | ≈ 250±30 km (Sila) ≈ 235±28 km (Nunam) (335+41−42 km (saam) |
Massa | 1,084 ± 0,022×1019 kg (saam) |
Gem. digtheid | 0,72+0,37−0,22 g/cm3 |
Rotasieperiode | 300,24 uur |
Sideriese rotasieperiode | 12,50995 ± 0,00036 dae |
Temperatuur | ~42 K |
Skynmagnitude | 21,54-21,78 (2014-2015) |
Absolute magnitude | (saam) 5,5, (individueel) 6,2 & 6,3 (verskil = 0,12), 5,2 |
Sila-Nunam is op 3 Februarie 1997 by die Mauna Kea-sterrewag in Hawaii ontdek en is op 22 Oktober 2002 deur die Hubble-ruimteteleskoop as ’n dubbele voorwerp geëien. Die twee komponente is genoem na gode van die Inuïete. Sila is die god van die lug, weer en lewenskrag. Nunam is die aardgodin, in sommige tradisies Sila se vrou.
Sila-Nunam is ’n dinamies koue klassieke stelsel (cubewano). Dit wentel baie na aan ’n 4:7-resonansie met Neptunus.
Sedert dit bekend geword het dat dit ’n dubbelstelsel is waarvan die een liggaam 95% so groot soos die ander is, word die deursnee bereken op 243 en 230 km. Die liggame is baie rooi in sigbare lig en het ’n plat spektrum in die naby-infrarooi.
Sila en Nunam se grootte is so naby mekaar dat dit as ’n dubbele cubewano beskou kan word. Hulle wentel op ’n afstand van 2 777 km van mekaar en voltooi ’n omwenteling elke 12,51 dae. Albei se oppervlak is blykbaar aangevul deur stof van die ander vanweë botsings met mekaar.
This article uses material from the Wikipedia Afrikaans article 79360 Sila-Nunam, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.