120347 Salacia: Asteroïde
120347 Salacia (uitspraak sa.laː.kja), met die voorlopige naam 2004 SB60, is ’n trans-Neptunus-voorwerp (TNV) in die Kuipergordel, met ’n deursnee van sowat 850 km en byna vir seker ’n dwergplaneet.
Sy huidige afstand van die Son is sowat 44,2 AE en sy skynbare magnitude sowat 20,5.
 Salacia se wentelbaan is soortgelyk aan dié van Pluto. | |
| Ontdekking | |
|---|---|
| Ontdek deur | H.G. Roe M.E. Brown K.M. Barkume |
| Datum | 22 September 2004 |
| Plek van ontdekking | Palomar-sterrewag |
| Kleinplaneet-benaming | (120347) Salacia |
| Alternatiewe name | 2004 SB60 |
| Kleinplaneet-kategorie | TNV Cubewano |
| Etimologie | ’n Romeinse seegodin |
| Wentelbaaneienskappe | |
| Epog 16 Februarie 2017 | |
| Afelium | 46,476 AE |
| Perihelium | 37,27 AE |
| Halwe lengteas | 41,87 AE |
| Wentelperiode | 270,98 jaar (98 974 dae) |
| Gem. anomalie | 122,66° |
| Baanhelling | 23,93° |
| Lengteligging van stygende nodus | 280,04° |
| Periheliumhoek | 308,48° |
| Natuurlike satelliete | Actaea (286±24 km) |
Fisiese eienskappe | |
| Afmetings | 854±45 km (dieselfde albedo's) |
| Massa | 4,38±0,16×1020 kg (stelsel) |
| Gem. digtheid | 1,29+0,29−0,23 g/cm3 (stelsel) |
| Rotasieperiode | 6,09 uur |
| Sideriese rotasieperiode | 6,09 uur |
| Absolute magnitude | 4,360±0,011 (stelsel) 4,476±0,013 (Salacia) 6,850±0,053 (Actaea) 3.9 |
.svg){kind=small}
Beskrywing
Salacia is op 22 September 2004 by die Palomar-sterrewag in Kalifornië ontdek deur die Amerikaanse sterrekundiges Henry Roe, Michael Brown en Kristina Barkume. Beelde van voor sy ontdekking strek terug tot 25 Julie 1982. Salacia se wentelbaan is effens groter as Pluto s'n. Dit het een bekende maan, Actaea.
Sy wentelbaan het ’n gematigde eksentrisiteit van 0,107 en ’n groot helling van 23,9° – dit maak dit ’n uitgebreide verstrooideskyfvoorwerp volgens die Deep Ecliptic Survey en ’n klassieke Kuipergordelvoorwerp volgens Gladman et al. Salacia se wentelbaan is binne die parameterruimte van die Haumea-familie, maar is nie deel daarvan nie omdat dit nie die sterk waterys-absorpsielyne het wat eie aan die familie se lede is nie.
Die totale massa van die Salacia-Actaea-stelsel is 4,38±0,16×1020 kg, waarvan sowat 96% moontlik dié van Salacia self is. Salacia het sover bekend die laagste albedo en digtheid van enige groot TNV. Op Mike Brown se webtuiste word Salacia gelys as byna vir seker ’n dwergplaneet, maar die Internasionale Astronomiese Unie (IAU) erken dit nog nie as een nie.
Verwysings
Eksterne skakels
- 120347 Salacia by die JPL Small-Body Database
- (120347) Salacia by Johnston's Archive
Hierdie artikel is vertaal uit die Engelse Wiki
This article uses material from the Wikipedia Afrikaans article 120347 Salacia, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.