மலேசியா எயர்லைன்சு விமானம் 17

போயிங் 777 ரக விமானம் உக்ரைனின் தோனெத்ஸ்க் வட்டாரத்தில் கிராபோவ் நகருக்கு அண்மையில் உருசிய எல்லையில் இருந்து கிட்டத்தட்ட 40 கிமீ தொலைவில் வீழ்ந்தது. விமானத்தில் பயணம் செய்த அனைத்து 283 பயணிகளும், 15 பணியாளர்களும் உயிரிழந்தனர்.

மலேசியா எயர்லைன்சு விமானம் 17

ரோமின் பியுமிசினொ விமான நிலையத்தில் 2011ஆம் ஆண்டு அக்டோபர் மாதத்தில் சம்பந்தப்பட்ட விமானம் நின்றிருந்தபோது எடுக்கப்பட்ட ஒளிப்படம்
Incident சுருக்கம்
நாள்	17 சூலை 2014 (2014-07-17)
சுருக்கம்	Under investigation. Fired at with surface-to-air missile.
இடம்	ஹ்ரபோவே அருகே ,டநிட்ஸ்க் ஒப்லாஸ்து , உக்ரைன் 48°7′56″N 38°39′19″E / 48.13222°N 38.65528°E / 48.13222; 38.65528
பயணிகள்	283
ஊழியர்	15
உயிரிழப்புகள்	(மொத்தம்) 298
தப்பியவர்கள்	0
வானூர்தி வகை	போயிங் 777-200ER
இயக்கம்	மலேசியா எயர்லைன்சு
வானூர்தி பதிவு	9M-MRD
பறப்பு புறப்பாடு	ஆம்ஸ்டர்டம் வானூர்தி நிலையம் ஸ்கைபோல்
சேருமிடம்	கோலாலம்பூர் பன்னாட்டு வானூர்தி நிலையம்

உக்ரைனில் உருசிய-சார்புக் கிளர்ச்சியாளர்களுக்கும், அரசுப் படையினருக்கும் இடையில் இடம்பெற்று வரும் போர்ப் பகுதியிலேயே விமானம் வீழ்ந்துள்ளது. அமெரிக்கப் புலனாய்வுத்துறை அறிக்கைகளின் படி, இவ்விமானம் ஏவுகணைத் தாக்குதலுக்கு உள்ளாகியதாகக் கூறப்படுகிறது. ஆனாலும், யார் இதனைச் சுட்டு வீழ்த்தினார்கள் என்பது உறுதிப்படுத்தப்படவில்லை. உக்ரைனியப் பிரச்சினையில் உருசியா சம்பந்தப்பட்டிருப்பதால் அதன் மீது அமெரிக்கா பல பொருளாதாரத் தடைகளை அறிவித்த அடுத்த நாள் விமானம் சுட்டு வீழ்த்தப்பட்டுள்ளது.

விமானம் 10,000 மீட்டர் உயரத்தில் வைத்து பூக் நில வான் ஏவுகணை மூலம் சுட்டு வீழ்த்தப்பட்டிருப்பதாக உக்ரைனின் உட்துறை அமைச்சு அறிவித்தது. உக்ரைனிய அரசுத்தலைவர் பெத்ரோ பொரொசென்கோ இதனை ஒரு "பயங்கரவாதத் தாக்குதல்" எனக் கூறியுள்ளார். உக்ரைனியப் படையினரே விமானத்தை சுட்டு வீழ்த்தினர் என கிளர்ச்சியாளர்கள் குற்றம் சுமத்தினர். தாம் ஒரு பயணிகள் விமானத்தை சுட்டு வீழ்த்தியதாக கிளர்ச்சியாளர்கள் இருவர் தமக்குள் தொலைபேசியில் உரையாடியதைத் தமது புலனாய்வுப் பிரிவு ஒட்டுக் கேட்டதாக உக்ரைனிய அரசு அறிவித்தது.

11 செப்டம்பர் 2001 தாக்குதலுக்குப் பிறகு நடந்த மிகவும் மோசமான வானூர்தித் தொடர்பான தாக்குதலாக இந்நிகழ்வு கருதப்படுகிறது.

 

நெதர்லாந்தின் தலைநகர் ஆம்ஸ்டர்டாமிலிருந்து மலேசியத் தலைநகர் கோலாலம்பூருக்கு சூலை 17, 2014 அன்று 12:15 (நெதர்லாந்து நேரம்) மணியளவில் விமானம் புறப்பட்டது. பயண அட்டவணைப்படி இவ்விமானம் காலை 06:10 (மலேசிய நேரம்) மணியளவில் கோலாலம்பூர் சென்று சேரவேண்டும். ஆனால் 17:15 (உக்ரைன் நேரம்) மணியளவில் கிழக்கு உக்ரேனின் வான்வெளிப் பகுதியில் விமானம் எரிந்து விழுந்தது. கடைசித் தொடர்பின்போது விமானம் 10,000 மீட்டர் உயரத்தில் பறந்துள்ளது.

விமானத்தின் காலக்கெடு

நாடு வாரியாகப் பயணிகள்

நாடு	எண்ணிக்கை
Netherlands	192
Malaysia	44
Australia	27
Indonesia	12
United Kingdom	10
Belgium	4
Germany	4
Philippines	3
New Zealand	1
Canada	1
மொத்தம்	298

விமானத்தில் பயணம் செய்த அனைத்து 283 பயணிகளும், 15 மலேசியப் பணியாளர்களும் உயிரிழந்தனர். இவர்களில் 192 பேர் நெதர்லாந்து நாட்டவர். சூலை 19 இல் அனைத்து 298 பேரினதும் விபரங்களை மலேசியா ஏர்லைன்சு நிறுவனம் வெளியிட்டது.

ஆத்திரேலியாவின் மெல்பேர்ண் நகரில் நடைபெறும் 20வது பன்னாட்டு எயிட்சுக் மாநாட்டில் கலந்து கொள்ளவென விமானத்தில் போய்க்கொண்டிருந்த கிட்டத்தட்ட 100 எயிட்சு வல்லுநர்களும், பன்னாட்டு எயிட்சு நிறுவனத்தின் முன்னாள் தலைவர் ஜோயிப் லாங்கேயும் இதில் கொல்லப்பட்டனர். இவர்களுடன் டச்சு மேலவை உறுப்பினர் வெல்லெம் விட்டெவீன், ஆத்திரேலிய எழுத்தாளர் லியாம் டேவிசன், மலேசியத் தமிழ் நடிகை சுபா ஜெய், மலேசியப் பிரதமர் நஜீப் துன் ரசாக்கின் பாட்டியார் சிறீ சித்த அமீரா ஆகியோரும் இறந்த பிரபலங்களில் அடங்குவர்.

•  
  எஸ்தோனியா நாட்டிலுள்ள நெதர்லாந்து தூதரகத்தின் நுழைவாயிலில் பொதுமக்களின் மெழுகுவர்த்தி அஞ்சலி
•  
  ருசிய அதிபர் விலாடிமிர் புடின் தனது அரசு அதிகாரிகளுடன் மவுன அஞ்சலி

• வகை: போயிங் 777 – 2H6ER
• வரிசை எண்: 28411
• பதிவு எண்: 9M-MRD
• தயாரிப்பு விவரம்: போயிங் 777 வகையில் 84 ஆவது விமானம்.
• முதல்முறையாக பறந்த நாள்: 17 சூலை 1997
• மலேசிய ஏர்லைன்சுக்கு விற்கப்பட்ட நாள்: 29 சூலை 1997
• என்ஜின்கள்: இரண்டு Rolls-Royce Trent 800
• விமானத்தின் பயணிகள் கொள்ளளவு: 282

• மலேசியா எயர்லைன்ஸ் விமானம் 370

 

விக்கிமீடியா பொதுவகத்தில்,
Malaysia Airlines Flight 17
என்பதில் ஊடகங்கள் உள்ளன.

• Malaysia Airlines Flight 17^{[தொடர்பிழந்த இணைப்பு]} – மலேசியா எயர்லைன்ஸ்
• "Investigation crash MH17, 17 July 2014 Donetsk." Dutch Safety Board.
• "Malaysia Airlines Flight 17 பரணிடப்பட்டது 2015-04-28 at the வந்தவழி இயந்திரம் - Malaysia Ministry of Transport
• "2014-07-18 :: Розслідування катастрофи літака Boeing 777 பரணிடப்பட்டது 2014-08-10 at the வந்தவழி இயந்திரம்." National Bureau of Air Accidents Investigation of Ukraine. (உக்ரைனிய மொழி)
• Malaysia Airlines flight MH17 crashes in Ukraine – live updates
• MH17 17 July 2014 on FlightAware
• Official declaration by pro-Russian separatists
• Images and videos, New York Daily News
• Outrage in the skies - தி இந்து நாளிதழின் தலையங்கம்
• The interview with Ukraine Ambassador - தி இந்து நாளிதழில் வெளியானது