Wiki မြန်မာဘာသာ
MYWiki Tiếng ViệtWiki English

အမျိုးသားအိုလံပစ်ကော်မတီ

အမျိုးသားအိုလံပစ်ကော်မတီ (အင်္ဂလိပ်: National Olympic Committee ;NOC) ဆိုသည်မှာ ကမ္ဘာလုံးဆိုင်ရာ အိုလံပစ်နှင့် ဆက်စပ်အားကစားလှုပ်ရှားမှုများအတွက် သက်ဆိုင်ရာ တိုင်းပြည်တစ်ခု၏ အမျိုးသားအဆင့် အားကစားအဖွဲ့အစည်းဖြစ်သည်။ အပြည်ပြည်ဆိုင်ရာ အိုလံပစ်ကော်မတီ၏ လက်အောက်တွင်ရှိပြီး နိုင်ငံ၏ တည်နေရာဒေသကိုမူတည်၍ အစုအဖွဲ့လိုက် ဖွဲ့စည်းထားသည်။ နေရာဒေသအပေါ်လိုက်၍ အာရှအိုလံပစ်ကောင်စီ၊ ဥရောပ အိုလံပစ်ကော်မတီများ၊ အာဖရိကတိုက် အမျိုးသားအိုလံပစ်ကော်မတီများ အသင်း၊ ပန်အမေရိကန် အားကစားအဖွဲ့ချုပ်၊ သမုဒ္ဒရာပိုင်းဇုန် အမျိုးသားအိုလံပစ်ကော်မတီများ ဟူ၍ ခွဲခြားထားသည်။

အမျိုးသားအိုလံပစ်ကော်မတီများသည် မိမိတို့နိုင်ငံမှ ပြည်သူများ အိုလံပစ်အားကစားနည်းများနှင့် အားကစားပွဲများတွင် ပါဝင်လာစေရန် လုပ်ဆောင်ကြရသည်။ ထို့အပြင် အားကစားသမားများအား လေ့ကျင့်ပေးခြင်း၊ ဒေသတွင်းအဆင့် နည်းပြများအား လေ့ကျင့်ပေးခြင်းများလည်း ပြုလုပ်ရသည်။ ထို့အပြင် အိုလံပစ် အားကစားပြိုင်ပွဲအပါအဝင် မိမိတို့ နေရာဒေသအလိုက် သက်ဆိုင်ရာ အားကစားပြိုင်ပွဲများကို လက်ခံကျင်းပမည့် အိမ်ရှင်နိုင်ငံကို မဲပေးရွေးချယ်ပိုင်ခွင့်ရှိသည်။

ဇုန်များနှင့် အားကစားပြိုင်ပွဲများ

ဇုန်များ

အမျိုးသားအိုလံပစ်ကော်မတီများအားလုံးသည် အမျိုးသားအိုလံပစ်ကော်မတီများအသင်း ၏ အဖွဲ့ဝင်များ ဖြစ်ကြသည်။ နေရာဒေသအပေါ်လိုက်၍ အမျိုးသားအိုလံပစ်ကော်မတီများကို တိုက် (၅) ခု ခွဲခြားထားသည်။ ထိုတိုက် (၅)ခုမှ အမျိုးသားအိုလံပစ်​ကော်မတီများ စု​ပေါင်း၍ သက်ဆိုင်ရာအဖွဲ့အစည်းများ ဖွဲ့စည်းထားသည်။

တိုက် အဖွဲ့ အဖွဲ့ဝင်
မြန်မာအမည် အင်္ဂလိပ်အမည် အတို​ကောက်
အာဖရိက အာဖရိကတိုက် အမျိုးသားအိုလံပစ်ကော်မတီများ အသင်း Association of National Olympic Committees of Africa ANOCA ၅၄
အ​မေရိက ပန်အမေရိကန် အားကစားအဖွဲ့ချုပ် Pan American Sports Organization PASO ၄၁
အာရှ အာရှအိုလံပစ်ကောင်စီ Olympic Council of Asia OCA ၄၄
ဥ​ရောပ ဥရောပ အိုလံပစ်ကော်မတီများ European Olympic Committees EOC ၅၀
အိုရှန်းနီးယား သမုဒ္ဒရာပိုင်းဇုန် အမျိုးသားအိုလံပစ်ကော်မတီများ Oceania National Olympic Committees ONOC ၁၇
အမျိုးသားအိုလံပစ်ကော်မတီ 
တိုက်ကြီးများအလိုက် ဇုန်များ
  ANOCA
  PASO
  OCA
  EOC
  ONOC

တိုက်ကြီးများအရ မဟုတ်ဘဲ မိမိတို့ ဒေသအလိုက်ဖြစ်စေ၊ ဘာသာရေးအရဖြစ်စေ သီးသန့်ဖွဲ့စည်းထားရှိသော အဖွဲ့အစည်းများလည်းရှိသည်။ ဥပမာ- အာရှတိုက်နှင့် အာဖရိကတိုက်တို့တွင် ပါဝင်သော အာရပ်ကမ္ဘာရှိ တိုင်းပြည်များစုပေါင်း၍ အာရပ်ပြည်ထောင်စု အမျိုးသားအိုလံပစ်ကော်မတီများ၊ အရှေ့တောင်အာရှနိုင်ငံများ စုပေါင်း၍ အရှေ့တောင်အာရှအားကစားအဖွဲ့ချုပ် တို့ကိုလည်း ဖွဲ့စည်းထားရှိသည်။

အားကစားပြိုင်ပွဲများ

အပြည်ပြည်ဆိုင်ရာ အိုလံပစ်ကော်မတီ သည် နွေရာသီနှင့် ဆောင်းရာသီ အိုလံပစ်ပြိုင်ပွဲများကို စီစဉ်ကျင်းပကာ တိုက်အလိုက်ဖွဲ့စည်းထားသော အဖွဲ့အစည်းများသည် တိုက်အလိုက် (သို့မဟုတ်) ဒေသအလိုက် အားကစားပြိုင်ပွဲများကို စီစဉ်ကျင်းပကြသည်။

  • ANOCA - အာဖရိကန် အားကစားပြိုင်ပွဲ
  • PASO - ပန်အမေရိက အားကစားပြိုင်ပွဲ၊ ပန်အမေရိက ဆောင်းရာသီ အားကစားပြိုင်ပွဲ
  • OCA - အာရှအားကစားပြိုင်ပွဲ၊ အာရှ ဆောင်းရာသီ အားကစားပြိုင်ပွဲ
  • EOC - ဥရောပ အားကစားပြိုင်ပွဲ
  • ONOC - ပစိဖိတ် အားကစားပြိုင်ပွဲ

ကော်မတီများ

၂၀၂၀ပြည့်နှစ်တွင် အမျိုးသားအိုလံပစ်ကော်မတီများ (၂၀၆) ခုရှိသည်။ ကုလသမဂ္ဂအဖွဲ့ဝင် နိုင်ငံများမှ (၁၉၃)ခု၊ ကုလသမဂ္ဂ လေ့လာဆဲနိုင်ငံ တစ်နိုင်ငံ (ပါလက်စတိုင်း)၊ အပြည့်အဝအသိအမှတ်ပြုမှုမရသေးသော နိုင်ငံ (၂)နိုင်ငံ (ကိုဆိုဗို နှင့် ထိုင်ဝမ်) တို့ ဖြစ်ကြသည်။ ထို့အပြင် အမေရိကန်၊ ဗြိတိန်၊ နယ်သာလန်၊ နယူးဇီလန်နှင့် တရုတ်တို့ လက်အောက်ရှိ နယ်မြေများမှ (၁၀)ခု (ဂူအမ်ကျွန်း၊ ဟောင်ကောင် စသည်) တို့သည်လည်း အမျိုးသားအိုလံပစ်ကော်မတီများ ရှိကြသည်။

အမျိုးသားအလိုလံပစ်ကော်မတီများစာရင်း

  • အမျိုးသားအိုလံပစ်ကော်မတီ (၂၀၆)ခုသည် အပြည်ပြည်ဆိုင်ရာ အိုလံပစ်ကော်မတီ (IOC)လက်အောက်တွင်ရှိကာ အမျိုးသားအိုလံပစ်ကော်မတီများအသင်း (ANOC) ၏ အဖွဲ့ဝင်များလည်း ဖြစ်ကြသည်။
  • အမျိုးသားအိုလံပစ်ကော်မတီ (၇) ခုသည် ၎င်းတို့သက်ဆိုင်ရာ တိုက်များရှိ ကော်မတီအဖွဲ့များမှ အသိအမှတ်ပြုသော်လည်း IOC က အသိအမှတ်ပြုမထားပေ။

ANOC အဖွဲ့ဝင်များသည် အိုလံပစ်ပြိုင်ပွဲများသို့ ဝင်ရောက်ယှဉ်ပြိုင်နိုင်သည်။ ANOC အဖွဲ့ဝင်မဟုတ်ဘဲ သက်ဆိုင်ရာတိုက်များရှိ ကော်မတီအဖွဲ့ဝင်များမှသာ အသိအမှတ်ပြုထားသော ကော်မတီများသည် အိုလံပစ်ပြိုင်ပွဲများသို့ ဝင်ခွင့်မရဘဲ သက်ဆိုင်ရာအဖွဲ့များမှ ကျင်းပသော ပြိုင်ပွဲများကိုသာ ယှဉ်ပြိုင်ခွင့်ရှိသည်။

အာဖရိက (ANOCA)

အ​မေရိက (PASO)

အာရှ (OCA)

ဥ​ရောပ (EOC)

အိုရှန်းနီးယား (ONOC)

ကိုးကား

Tags:

အမျိုးသားအိုလံပစ်ကော်မတီ ဇုန်များနှင့် အားကစားပြိုင်ပွဲများအမျိုးသားအိုလံပစ်ကော်မတီ ကော်မတီများအမျိုးသားအိုလံပစ်ကော်မတီ ကိုးကားအမျိုးသားအိုလံပစ်ကော်မတီအင်္ဂလိပ်ဘာသာစကား

🔥 Trending searches on Wiki မြန်မာဘာသာ:

အောက်ချင်းငှက်နတ်ပင့်ဂါထာတစ်သောင်းကျပ်တန် ငွေစက္ကူနာဂစ်မုန်တိုင်းအိုဇုန်းလွှာအိန္ဒြာကျော်ဇင်ခွန်ဆာကြိတ်မှန်ပင်အာဆီယံ အထွေထွေအတွင်းရေးမှူးချုပ်မောင်သာချို၃၂ ကောဋ္ဌာသငပလီကမ်းခြေကျောက်စိမ်းဥရောပခရေပင်ရက္ခိုင့်တပ်တော်မျိုးကြီးခြင်းလုံး ကစားခြင်းကျားလင်းနို့မြန်မာစာပေဦးနုမြောက်ပိုင်းတိုင်းစစ်ဌာနချုပ်မန္တလေး နန်းတော်လီဆာသရပါတံခါးအယ်လ်နီညိုအရက်တောင်သူလယ်သမားနေ့မြန်မာ့ လက်ဝှေ့ရမည်းသင်းမြို့အောင်ချိမ့်ကိုရီးယား ဒီမိုကရက်တစ် ပြည်သူ့သမ္မတနိုင်ငံဟင်္သာတမြို့နိဝရဏတရားငါးပါးယဉ်ကျေးမှုcxaieအမှတ်(၅၅)ခြေမြန်တပ်မဌာနချုပ်ကာလသားရောဂါနက္ခတ် ၂၇ လုံးဒေသကွပ်ကဲမှုစစ်ဌာနချုပ်ကျိုက်ထီးရိုးဘုရားဗုဒ္ဓဘာသာမင်းအောင်လှိုင်ဝန်ကြီးဌာန နှင့် အကြီးအကဲများ စာရင်းသောမတ် အက်ဒီဆင်ကာလာမသုတ်ဆီးချိုရောဂါပအိုဝ်းလူမျိုးတပ်မတော်နေ့ညောင်ရေသွန်းပွဲဆီးချိုရောဂါလက္ခဏာများကုလသမဂ္ဂနာဇီဂျာမနီမေတ္တေယျဘုရားဖွတ်မြန်မာနိုင်ငံ၏ ပြည်သူ့စစ်မှုထမ်းဥပဒေမွန်ဘာသာစကားထမနဲပွဲလင်ခန်းမယားခန်း ပြတ်စဲခြင်းအားတပ်မဟာ၉၉၉ဖားမြင့်မြတ်ဗြိတိသျှအင်ပါယာလက်ဖက်သုပ်ခင်ညွန့် (ဗိုလ်ချုပ်ကြီး)တောင်ကြီးမြို့သွေးမြန်မာသဒ္ဒါကေ (အက္ခရာ)သုတ္တန်ပိဋကတ်အောင်လတပ်မတော်၏ လက်မောင်းတံဆိပ်အဆောင်အယောင်များလျှပ်စစ်စွမ်းအား ဝန်ကြီးဌာန၃၈ ဖြာ မင်္ဂလာ🡆 More