လာလီဆာ မနိုဗန်(ထိုင်း: ลลิษา มโนบาล၊ အင်္ဂလိပ်: Lalisa Manoban; ၂၇ မတ် ၁၉၉၇ ~ ) အတိုကောက် လီဆာ(အင်္ဂလိပ်: Lisa)သည် ထိုင်းနိုင်ငံသူ ကေပေါ့ပ် အဆိုတော်၊ ရက်ပါ၊ အကသမားနှင့် မော်ဒယ် တစ်ဦး ဖြစ်ပြီး တောင်ကိုရီးယားအခြေစိုက် YG ဖျော်ဖြေရေးလုပ်ငန်းလက်အောက်ရှိ မိန်းကလေးကေပေါ့ပ်အဆိုတော်အဖွဲ့ ဘလက်ပင့်ခ်၏ အဖွဲ့ဝင်တစ်ဦးဖြစ်သည်။
လာလီဆာ | |
---|---|
ဇာတိ အမည် | ลลิษา มโนบาล |
မွေးဖွား | ပရန်ပရီယာ မနိုဗန် မတ် ၂၇၊ ၁၉၉၇ ဘူရီရမ်ပြည်နယ် ထိုင်းနိုင်ငံ |
အလုပ်အကိုင် | အဆိုတော် ၊ မော်ဒယ် ၊ အက ၊ ရက်ပါ |
ဂီတခရီးလမ်း | |
ဂီတဟန် | ကေပေါ့ပ် ၊ ဟစ်ဟော့ |
တူရိယာ | အဆို |
တက်ကြွသည့်နှစ်များ | ၂၀၁၆ - လက်ရှိ |
တေးသံသွင်း ကုမ္ပဏီ | YG ဖျော်ဖြေရေး ၊ အင်တာစကုပ် တေးသံသွင်း |
ပူးတွဲ ပါဝင်မှု | ဘလက်ပင့်ခ် ၊ YG မိသားစု |
လက်မှတ် | |
ပရန်ပရီယာ မနိုဗန် ကို ၁၉၉၇ ခုနှစ်၊ မတ်လ၊ ၂၇ ရက်နေ့၌ ထိုင်း နိုင်ငံ၊ ဘူရီရမ် ပြည်နယ် တွင် မွေးဖွားခဲ့သည်။ နောက်ပိုင်းတွင် ပရန်ပရီယာ မှ လာလီဆာ ဟု အမည်ပြောင်းလဲခဲ့သည် ။ လီဆာ သည် ထိုင်းလူမျိုး မိခင် နှင့် ဆွစ်လူမျိုး ဘထွေး တို့၏ တဦးတည်းသော သမီး ဖြစ်သည်။ လီဆာ သည် အထက်တန်းပညာကို အမှတ် ၁ ၊ ၂ ပရာဖာမွန်ထရီးကျောင်းတွင် လေ့လာဆည်းပူးခဲ့သည်။
၂၀၀၉ ခုနှစ် အစောပိုင်းကာလတွင် လာလီဆာသည် ကျောင်းကိုယ်စားပြု အနေဖြင့် ထိုင်းယဉ်ကျေးမှုဝန်ကြီးဌာန၏ စိတ်ဓာတ်မြှင့်တင်ရေးဗဟိုဌာနကဦးဆောင်ကျင်းပပြုလုပ်သော အဆိုပြိုင်ပွဲ တခု၌ ဝင်ရောက်ယှဉ်ပြိုင်ခဲ့သည်။ လီဆာသည် နံပါတ်တစ်ဖြစ်ရန် (To Be Number One) အပါအဝင် အကပြိုင်ပွဲများစွာကိုလည်း ပါဝင်ယှဉ်ပြိုင်ခဲ့သည်။ ထို့နောက်မကြာမီ အဖွဲ့ဝင် ၁၁ ဦးပါဝင်သော အကအဖွဲ့ We Zaa Cool တွင် ဝင်ရောက်ခဲ့သည်။ ဂေါ့တ်ဆဲဗင်း (Got7) အဖွဲ့ဝင် ဘမ်ဘမ် သည်လည်း We Zaa Cool အဖွဲ့ဝင်ဖြစ်သည်။ ၂၀၁၀ ခုနှစ်တွင် လီဆာသည် YG ဖျော်ဖြေရေးလုပ်ငန်း မှ ထိုင်းနိုင်ငံတွင် ပြုလုပ်သော လူရွေးချယ်ပွဲ သို့ဝင်ရောက်ခဲ့သည်။ လီဆာသည် ၂၀၁၁ခုနစ် ဧပြီလတွင် YG ဖျော်ဖြေရေးလုပ်ငန်း ၏ ပထမဦးဆုံး နိုင်ငံခြားသား သင်တန်းသားအဖြစ်တရားဝင် စတင်ခဲ့သည်။
လီဆာသည် မိခင်ဘာသာ ထိုင်းဘာသာ အပြင် အင်္ဂလိပ် ဘာသာ ၊ ကိုရီးယားဘာသာ တို့ကို ကျွမ်းကျင်စွာ ပြောဆိုနိုင်သည်။ ဂျပန်ဘာသာ နှင့် တရုတ် ဘာသာတို့ကိုလည်း အနည်းငယ်ပြောဆိုနိုင်သည်။ လီဆာ သည် အင်စတာဂရမ် တွင် followers အများဆုံးရှိသော ကေပေါ့ပ်အနုပညာရှင် ဖြစ်သည်။
This article uses material from the Wikipedia မြန်မာဘာသာ article လီဆာ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). အကြောင်းအရာများကို အခြားမှတ်ချက်မရှိပါက CC BY-SA 4.0 အောက်တွင် ရရှိနိုင်ပါသည်။ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki မြန်မာဘာသာ (DUHOCTRUNGQUOC.VN) is an independent company and has no affiliation with Wiki Foundation.