Lakandranon' I Panama

Ny Lakandranon' i Panamá dia lakandrano namboarina eo anelanelan' ny Ranomasimbe Pasifika sy ny Ranomasimbe Atlantika, ao Panamá no misy azy. Ny fanamboarana azy dia anisan' ny tetikasa ho an' ny injenieria anisan' ny sarotra indrindra natao. Ny vokany teo amin' ny varotra miampita ranomasina dia goavana be, satria tsy mila miampita ny lalana makany amin' ny Tanjona Horn intsony ny sambo; ny Tanjona Horn dia tanjona any amin' ny farany atsimon' i Amerika Atsimo. Ny sambo avy ao New York makany San Francisco noho ilay lakandrano, dia manao 9 500 km monja kanefa 22 500 km no tokony hataony reha tsy manaraka an' ilay lakandrano.

Ny fomba nanamboarana ny Lakandranon' i Panamá dia efa noeritreretina tamin' ny taonjato faha-16, fa tamin' ny taona 1880 ilay lakandrano vao nanomboka namboarina, ambanin' ny fambosian' ny Fantsay. Rehefa tsy nahomby ny Frantsay dia i Etazonia no namita ilay lakandrano ary i G. W. Goethals no nitondra ilay tetikasa. Nisokatra tamin' ny taona 1914 ilay lakandrano. Ny fanamboarana ny 77 km amin' ilay lakandrano dia nisy olana isan-karazany: aretina, fihotsahan-tany sns. Misy 27 500 any ho any ny isan' ny olona matin' ny aretina sy matin' ny loza isan-karazany nandritra ny fanamboarana ilay lakandrano.

Hatry ny fanokafana azy tamin' ny taona 1914 dia betsaka ny tombontsoa azo amin' ilay lakandrano ary matetika andalovan' ny sambo mavesatra izy. Isan-taona dia sambo 14 000 mahery no mandalo amin' io lakandrano io, ary 203 tapitrisa taonina ny tontalin' ny entana entin' ireo sambo ireo. Hatry ny fanokafana azy hatramin' ny taona 2002 dia sambo valo hetsy mahery no efa nandalo tamin' io lakandrano io. Ny asa momba ny fanitarana ilay lakandrano dia natomboka tamin' ny taona 2007 ary mety ho vita amin' ny 2014, mba hahafahan' ny sambo mavesatra handalo ao.

 

Ny Lakandranon' i Panamá dia lakandrano eo anelanelan' ny Hoalan' i Panamá ao amin' ny Ranomasimbe Pasifika, sy ny Ranomasina Karaiba, eo amin' ny Ranomasibe Atlantika. Ny endriky ny Andilan-tanin' i Panamá, mivilavila, dia mampikoriana ny lakandrano avy any avaratra-andrefana makany atsimo-atsinanana. Mba tsy hifangaro, ny fahefana momba ilay lakandrano dia nanasokajy ny fiampitana anaty sokajy roa: ny makany avaratra (Pasifika makany Atlantika) ary ny makany atsimo (Atlantika makany Pasifika).

Rohy ivelany

• ((en))((es)) Sehatry ny fahefan' ny lakandrano
• ((en)) Panama Canal History Museum
• ((fr)) Structurae : Lakandranon'i Panamá
• ((fr)) Canal de Panamá (Site du jour) Archived Jiona 20, 2006 at the Wayback Machine
• ((en)) Canal Zone Brats, nombreuses informations sur le canal et la zone attenante.
• ((en)) Latin Business Chronicle Archived Mey 13, 2006 at the Wayback Machine — Contrôle chinois du canal ?

Mbola ambangovangony ity lahatsoratra ity ary tokony hofenoina. Azonao atao ny mandray anjara eto amin'ny Wikipedia amin'ny alàlan'ny fanitarana azy. Jereo koa ny pejy Ahoana ny manao takelaka rehefa te-hijery hoe ahoana no fanaovana azy.