Тонзиллит
Тонзиллит (күнүмүдүк жашоодо ангина, латын тилинен ango — «кысуу, жанды кысууу») — бадам сымал бездин сезгениши.
Түрлөрү
Тонзиллиттин катуу кармаган (Ангина) жана өнөкөт түрү бар. Ангинанын көп кайталанышы, мурун бүтүп, мурун менен дем алуу бузулганда, кеңилжээрдин өнөкөт сезгениши, тиш оорулары (Тиштин чириши) өнөкөт тонзиллитке алып келет. Сезгенүү негизинен бадам сымал бездин (тамак безинин) лакуналарын жабыркатат. Оорулуу шилекейин жута албай, кээде ооруганын сезет, тамагында бир нерсе тургандай болот. Денеси бир аз ысып (37,1—37,5°), көпкө кармалат, кээде жумалап, ал тургай айлап созулат. Мындай учурда адамдын алы кетип, шалдырайт, тамакка табити тартпайт, муундары, башы ооруйт. Тонзиллитти врач дарылайт. Бадам сымал безинин лакуналарындагы ириңди дезинфекциялоочу эритме менен тазалап, йод-глицерин эритмесин сыйпайт. Физиотерапия процедуралары сунуш кылынат.
Өнөкөт тонзиллит мезгил-мезгили менен кабылдап турат. Мындай кабылдоо жүрөк жана бөйрөктүн функциясын бузат, муунду оорутат.
Алдын алуу
Аны алдын алуу үчүн бадам сымал безин операция жасап алып салуу керек.
Колдонулган адабият
Кыргыз Совет Энциклопедиясынын Башкы редакциясы. «Ден - соолук» Медициналык энциклопедия. - Ф.:1991, ISBN 5-89750-008-8
This article uses material from the Wikipedia Кыргызча article Тонзиллит, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Башкача белгиленбесе, мазмун CC BY-SA 4.0 лицензиясына ылайык жеткиликтүү. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Кыргызча (DUHOCTRUNGQUOC.VN) is an independent company and has no affiliation with Wiki Foundation.