ಜೀವವಿಜ್ಞಾನ ರೀತ್ಯಾ, ಮಗುವು ಜನನ ಮತ್ತು ಪ್ರೌಢಾವಸ್ಥೆಯ ಹಂತಗಳ ನಡುವಿನ ಮಾನವ ಜೀವಿ.
ಮಗುವಿನ ಕಾನೂನಾತ್ಮಕ ವ್ಯಾಖ್ಯಾನವು ಅಪ್ರಾಪ್ತವಯಸ್ಕನನ್ನು ನಿರ್ದೇಶಿಸುತ್ತದೆ, ಇನ್ನೊಂದು ರೀತಿ ಹೇಳಬೇಕೆಂದರೆ ಪ್ರಾಪ್ತ ವಯಸ್ಸಿಗಿಂತ ಚಿಕ್ಕವನಿರುವ ವ್ಯಕ್ತಿ. ಅನೇಕ ಸಾಮಾಜಿಕ ಸಮಸ್ಯೆಗಳು ಮಕ್ಕಳನ್ನು ಬಾಧಿಸುತ್ತವೆ, ಉದಾಹರಣೆಗೆ ಬಾಲ್ಯದ ಶಿಕ್ಷಣ, ಪೀಡನೆ, ಬಾಲ್ಯದ ಬಡತನ, ಅಪಸಾಮಾನ್ಯ ಕುಟುಂಬಗಳು, ಬಾಲಕಾರ್ಮಿಕತೆ, ಹಸಿವು, ಮತ್ತು ಬಾಲ್ಯ ನಿರಾಶ್ರಿತತೆ. ಮಕ್ಕಳನ್ನು ತಂದೆತಾಯಿಗಳು, ಸಾಕು ತಂದೆತಾಯಿಗಳು, ಪೋಷಕರು ಬೆಳೆಸಬಹುದು ಅಥವಾ ದಿವಾಪಾಲನಾ ಕೇಂದ್ರದಲ್ಲಿ ಭಾಗಶಃ ಬೆಳೆಸಬಹುದು.
ಸಾಮಾನ್ಯವಾಗಿ ವಯಸ್ಕರಿಗಿಂತ ಮಕ್ಕಳು ಕಡಿಮೆ ಹಕ್ಕುಗಳನ್ನು ಹೊಂದಿರುತ್ತಾರೆ ಮತ್ತು ಅವರನ್ನು ಗಂಭೀರ ತೀರ್ಮಾನಗಳನ್ನು ಮಾಡುವಲ್ಲಿ ಅಸಮರ್ಥರೆಂದು ವರ್ಗೀಕರಿಸಲಾಗುತ್ತದೆ. ಕಾನೂನಾತ್ಮಕವಾಗಿ ಮಕ್ಕಳು ಯಾವಾಗಲೂ ಒಬ್ಬ ಜವಾಬ್ದಾರಿಯುತ ವಯಸ್ಕ ಅಥವಾ ಮಕ್ಕಳ ಸುಪರ್ದಿಯ ಆರೈಕೆಯಲ್ಲಿ ಇರಬೇಕು, ಅವರುಗಳ ತಂದೆತಾಯಿಯರು ವಿಚ್ಛೇದನ ಪಡೆದರೂ ಅಥವಾ ಪಡೆದಿದ್ದರೂ. ವಯಸ್ಕತೆಯಿಂದ ಭಿನ್ನವಾಗಿರುವ ಸ್ಥಿತಿಯಾಗಿ ಬಾಲ್ಯವನ್ನು ಗುರುತಿಸುವುದು ೧೬ನೇ ಮತ್ತು ೧೭ನೇ ಶತಮಾನಗಳಲ್ಲಿ ಉದಯಿಸಲು ಪ್ರಾರಂಭವಾಯಿತು. ಸಮಾಜವು ಮಗುವಿನೊಂದಿಗೆ ಕಿರು ವಯಸ್ಕನಾಗಿ ಅಲ್ಲದೇ ವಯಸ್ಕರ ರಕ್ಷಣೆ, ಪ್ರೀತಿ ಮತ್ತು ಪಾಲನೆಯ ಅಗತ್ಯವಿರುವ ಕಡಿಮೆ ಪರಿಪಕ್ವತಾ ಮಟ್ಟದ ವ್ಯಕ್ತಿಯೆಂದು ಸಂಬಂಧ ಕಲ್ಪಿಸಲು ಆರಂಭಿಸಿತು. ಈ ಬದಲಾವಣೆಯನ್ನು ವರ್ಣಚಿತ್ರಗಳಲ್ಲಿ ಪತ್ತೆಹಚ್ಚಬಹುದು: ಮಧ್ಯಯುಗದಲ್ಲಿ, ಕಲೆಯಲ್ಲಿ ಮಕ್ಕಳನ್ನು ಯಾವುದೇ ಮಗುವಿನಂಥ ಗುಣಲಕ್ಷಣಗಳಿಲ್ಲದ ಕಿರು ವಯಸ್ಕರಾಗಿ ಬಿಂಬಿಸಲಾಗಿತ್ತು. ೧೬ನೇ ಶತಮಾನದಲ್ಲಿ, ಮಕ್ಕಳ ಚಿತ್ರಗಳು ವಿಶಿಷ್ಟ ಮಗುವಿನಂಥ ನೋಟವನ್ನು ಪಡೆಯಲು ಪ್ರಾರಂಭವಾಯಿತು. ೧೭ನೇ ಶತಮಾನದ ಕೊನೆಯಿಂದ ಮುಂದಕ್ಕೆ, ಆಟಿಕೆಗಳೊಂದಿಗೆ ಆಡುತ್ತಿರುವಂತೆ ಮಕ್ಕಳನ್ನು ತೋರಿಸಲಾಯಿತು ಮತ್ತು ನಂತರ ಈ ಸಮಯದಲ್ಲಿ ಮಕ್ಕಳ ಸಾಹಿತ್ಯವು ಬೆಳೆಯಲು ಆರಂಭವಾಯಿತು.
ಪ್ರತಿಯೊಂದು ಮಗುವು ಸಾಮಾಜಿಕ ಬೆಳವಣಿಗೆಯ ಅನೇಕ ಹಂತಗಳ ಮೂಲಕ ಸಾಗುತ್ತದೆ. ಒಂದು ಶಿಶು ಅಥವಾ ಬಹಳ ಚಿಕ್ಕ ಮಗುವು ಒಂಟಿಯಾಗಿ ಖುಶಿಯಿಂದ ಆಡುತ್ತದೆ. ಆ ಪರಿಸ್ಥಿತಿಯಲ್ಲಿ ಮತ್ತೊಂದು ಮಗುವು ಬಂದರೆ, ಆ ಮಗುವನ್ನು ಇತರ ಮಗುವು ದೈಹಿಕವಾಗಿ ದಾಳಿ ಮಾಡಬಹುದು ಅಥವಾ ದಾರಿಯಿಂದ ಹೊರಗೆ ಸರಿಸಬಹುದು. ನಂತರ, ಮಗುವು ಮತ್ತೊಂದು ಮಗುವಿನ ಜೊತೆ ಆಡಬಹುದು, ಮತ್ತು ಕ್ರಮೇಣವಾಗಿ ಹಂಚಿಕೊಳ್ಳುವುದು ಮತ್ತು ಸರದಿಗಾಗಿ ಕಾಯುವುದನ್ನು ಕಲಿಯಬಹುದು. ಅಂತಿಮವಾಗಿ, ಗುಂಪು ದೊಡ್ಡದಾಗುತ್ತದೆ, ಮತ್ತು ಮೂರು ಅಥವಾ ನಾಲ್ಕು ಮಕ್ಕಳು ಇರಬಹುದು. ಒಂದು ಮಗುವು ಶಿಶುವಿಹಾರವನ್ನು ಪ್ರವೇಶಿಸುವ ವೇಳೆಗೆ, ಅದು ಸಾಮಾನ್ಯವಾಗಿ ಗುಂಪುಗಳಲ್ಲಿ ಸೇರಿಕೊಂಡು ಗುಂಪು ಅನುಭವಗಳನ್ನು ಆನಂದಿಸಬಲ್ಲದು. ಮಗುವಿನ ಬೆಳವಣಿಗೆಯಲ್ಲಿ ಮಗುವಿನ ಸಾಮಾಜಿಕ ಆರ್ಥಿಕ ಮತ್ತು ಸಾಂಸ್ಕೃತಿಕ ಪರಿಸರ ಪ್ರಮುಖ ಪಾತ್ರ ವಹಿಸುತ್ತವೆ.ಮಗುವಿನ ಎಲ್ಲಾ ತರಹ ಬೆಳವಣಿಗೆಗಳಲ್ಲಿ ಪೋಷಕರ ಪಾತ್ರ ಪ್ರಮುಖವಾಗುತ್ತದೆ.ಪೋಷಕರು ಮಗುವಿನ ನಡವಳಿಕೆಗಳನ್ನು ಬದಲಾಯಿಸಲು ಬಯಸಿ ಮಗುವನ್ನು ದಂಡಿಸುವ ಮೊದಲು ತಮ್ಮ ನಡೆ ನುಡಿಗಳನ್ನು ಮಗುವಿಗೆ ಮಾದರಿಯಾಗುವಂತೆ ಬದಲಾಯಿಸಿಕೊಂಡರೆ ಮಾತ್ರವೇ ಮಗುವನ್ನು ದಂಡಿಸುವ ಪ್ರಮೇಯವೆ ಬರದು.
This article uses material from the Wikipedia ಕನ್ನಡ article ಮಗು, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ವಿಶೇಷವಾಗಿ ಟಿಪ್ಪಣಿ ಮಾಡದಿದ್ದ ಹೊರತು ಪಠ್ಯ "CC BY-SA 4.0" ರಡಿ ಲಭ್ಯವಿದೆ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ಕನ್ನಡ (DUHOCTRUNGQUOC.VN) is an independent company and has no affiliation with Wiki Foundation.