'n Kind (meervoud: kinders) is 'n jong persoon wat nog nie volwassenheid bereik het nie, of 'n persoon wat nog nie puberteit bereik het nie.
'n Babatjie wat nog nie gebore is nie word soms al 'n kind genoem. Iemand kan ook sy/haar ouers se kind genoem word, ongeag van hoe oud die persoon is.
Elke kind het 'n biologiese pa en 'n ma (die ouers). As die ouers ook ander kinders het, is hulle broers en susters van mekaar. Soms word peetouers vir kinders aangewys. Indien die ouers nie meer na die kind kan omsien nie, neem die peetouers die verantwoordelikheid (voogskap) oor.
'n Kind wat beide sy ouers verloor het is 'n weeskind. Sulke kinders kan deur hulle peetouers of die res van die familie (soos 'n ouma, oupa, oom of tannie) grootgemaak word. Indien nie, word die kind in 'n weeshuis geplaas. Kinders kan ook deur 'n proses van aanneming na ander gesinne uitgeplaas word.
Wanneer twee mense trou, en een (of beide) het voor die troue 'n kind by iemand anders, word die kind deur sy nie-biologiese ouer 'n stiefkind genoem. As beide ouers kinders het, is die kinders van elke ouer stiefbroers of stiefsusters van mekaar.
In meeste lande word kinders op 'n voorafbepaalde ouderdom skool toe gestuur. Kleiner kinders kan na speelgroepe of kleuterskole gestuur word terwyl hulle ouers werk. In ander lande (minder algemeen) werk kinders in fabrieke of saam met hulle ouers of voogde op lande.
Sien kind in Wiktionary, die vrye woordeboek. |
This article uses material from the Wikipedia Afrikaans article Kind, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.