Laps' om ristit laps'aigan pordos.
Lapsiden kaičendan päiv znamoičese joga voden 1. päiväl kezakud mail'madme.
Erased muštatišed oma ottud «Mi meles, se i keles»-kogodusespäi.
- Abuta mehele mäges, a lapsele künduses.
- Anda, Jumal, laps, a lapsele mel't.
- Čapa hot' mitte sorm — kaikutte om kibed. (lapsiš)
- Ei ole sur' mez', da kaikid vanhemboičeb. (lapses)
- Hüvä om lapsen olda, konz vanhemb last kacub.
- Hüväl mamal da tatal hüvä laps'-ki lähteb.
- Ičeze lapsed oma armhad.
- Kaikuččel lapsel om ičeze än'.
- Ku laps' vajeht ei kule, ka löndad-ki ei varaida.
- Kut lapsen kazvatad, ka sidä lapsespäi varasta-ki.
- Laps' ei väriže, ka mam ei kacuhta.
- Laps' om kuti živat.
- Laps' sündub, hänen oza-ki sündub.
- Lapsen kazvatada, kuti palabidme hilidme kävelta.
- Lapsen kazvatades näged zor'an noustes.
- Lapsen kündlihe ed upta.
- Lapses om äi ližad: kalan sab, kaks' söb.
- Laskav laps' kaks' mamad imeb.
- Mam sötab lapsen nižal, ma leibäl.
- Maman heng palab lapsehe, a lapsen kivehe. (lapsiš kitändata)
- Ojatin lapsed seičemen üht ei varaikoi.
- Openda last, kuni mučuine (kuni om nor').
- Openda last kuni poikpoli sijas magadab.
- Ozr orahaižes, a laps' vagahaižes.
- Pahemb laps' paimnehe.
- Pen't ed kazvata, ka surt ed homaiče.
- Pästa Jumal paimeta verhid živatoid da kacta verhid lapsid.
- Radod ei ole — ka laps' tege, hol't ei ole — ka drug tege.
- Sündutada last om kibed, a kazvatada om jüged.
- Vagahašt söta näčotesel, a last — opendusel.
- Ühtespäi kaht ei linne. (ala anda vaudad lapsele)
Laps' Vikiaitas |
Nece kirjutuz om vaiše ezitegez. Tö voit abutada meile, ku kohendat sidä da ližadat sihe. |
This article uses material from the Wikipedia Vepsän article Laps', which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.