Źiśe: Młody luź

Muske źiśe pomjenjujo se gólc, mjaztym až jo źowćo žeńske źiśe. Někotare faze se mógu rozeznawaś, a to:

• nowo naroźone: až do źasetego žywjeńskego dnja
• seśeńske góle: prědne žywjeńske lěto
• góletko, małe góle: druge a tśeśe žywjeńske lěto
• do źiśownje chójźece góle: stwórte až do šestego žywjeńskego lěta
• šulske góle: 7. až do 14. žywjeńskego lěta

Pó konwenciji wó pšawach źiśi Zjadnośonych narodow jo źiśe luź w starstwje pód 18 lětami.

Źiśe móžo teke pótomnik byś, na pś. "Mój nan jo źiśe mójogo starkego."

Słowo źiśe jo pó Mukowem "Słowniku dolnoserbskeje rěcy a jeje narěcow" pśiswójźbne z górnoserbskim słowom dźěćo, ale teke z pólskim dziecię a českim dite.

Formy słowa źiśe něnto se w singularnem nominatiwje a akuzatiwje a cełem pluralu wužywaju, mjaztym až se za zbytne formy kazuse słowa góle wužywaju. Pó samskem słowniku góle jo pśiswójźbne ze słowom goły.

• syn
• źowka