SistematikVikierikoiš
Lindud | ||||||
---|---|---|---|---|---|---|
Tedoklassifikacii | ||||||
| ||||||
Latinankel'ne nimi | ||||||
Aves (Linnaeus, 1758) | ||||||
|
Lindud (latin.: Aves) oma lämuzverižiden munijoiden sel'grodaižiden živatoiden klass. Vn 2017 vilukus tetas 10 672 eläbad linduiden erikod mail'mas.
Zoologijan alajaguz — ornitologii — om pühätadud linduiden tedoidusele.
Linduiden augotižlibund om ühthine penidenke dinozavridenke (Deinonychosauria). Lindud oma dinozavriden üks'jäine klass, kudamb om kaičenus elegil tähäsai. Elädas kuivman kaikil kontinentil i äjil saril.
Nägujad tundused oma n'ok da höunhišt. Ezilopused kändihe suugikš. Höunhed oma tarbhaižed hibjan lämuden kaičendas, ned kävutasoiš lendusen täht. Kaik erikod mahttas tehta lendust päiči erasiš kadotanuziš necidä voimust. Sömänsulatusen i hengaidusen organad sättudas lendusele.
Linduiden klassha mülüdas kur'ged, joucned, kajaged, kanad, vilulindud da toižed. Ned oma socialižed živatad, mecatas i kaičesoiš lihansöjid vaste ühtes. Äjad erikoišpäi oma kezalinduikš, letas tal'veks lämihe maihe parvehil da joukuil. Vepsänma om mugažo läm' ma pehmdanke tal'venke erasiden Edahaižen Pohjoižen erikoiden täht. Om kalajdajid-ki linduid.
- Aigaline linduine nenaižen sel'gitab, a möhäine linduine völ suugaižed oigendeleb.
- Aigaližel linduižel n'ok om puhtaz.
- Jogo lindule om ičeze peza kalliž.
- Kaikuččel linduižel ičeze pezaine.
- Kaikuččel lindul ičeze än'.
- Kana eile lind, ak eile ristit.
- Lind suugita ei lenda.
- Mitte linduine, mugoi(ne) i pajoine.
- Pahal lindul i pajod pahad oma.
Lindud Vikiaitas |
Nece kirjutuz om vaiše ezitegez. Tö voit abutada meile, ku kohendat sidä da ližadat sihe. |
This article uses material from the Wikipedia Vepsän article Lindud, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.