Buruang

Bajinih-jinih buruang iduik di saluruah dunia, ukuran tubuahnyo bakisa antaro 5 cm (2 in) pado buruang kolibri labah inggo 2,75 m (9 kaki) pado buruang unta. Sarupo jo sabagian gadang spesies iduik lainnyo, sadonyo jinih buruang kiro-kiro sabanyak sapuluah ribu spesies tamasuak dalam kaleh tetrapoda, di mano labiah satangahnyo tagolong sabagai buruang pangicau, nan takadang sacaro indak akurat disabuik juo buruang panyanyi. Sakitar 1.500 jiniah diantaronyo ditamuan di Indonesia. Babagai jinih buruang iko sacaro ilmiah digologan ka dalam kelas Aves.

Buruang Temporal range: Periode Kapua Akia - Kini, 85–0 Ma PreЄ Є O S D C P T J K Pg N
Klasifikasi ilmiah
Unrecognized taxon (fix):	Avialae/skip
Class:	{{{1}}} Linnaeus, 1758
Ordo nan masih iduik
Infrakelas Palaeognathae Struthioniformes Rheiformes Tinamiformes Casuariiformes Apterygiformes Infrakelas Neognathae Superordo Galloanserae Galliformes Anseriformes Superordo Neoaves Phoenicopteriformes Podicipediformes Columbiformes Mesitornithiformes Pteroclidiformes Apodiformes Caprimulgiformes Cuculiformes Otidiformes Musophagiformes Opisthocomiformes Gruiformes Charadriiformes Gaviiformes Procellariiformes Sphenisciformes Ciconiiformes Suliformes Pelecaniformes Eurypygiformes Phaethontiformes Accipitriformes Strigiformes Coliiformes Leptosomiformes Trogoniformes Bucerotiformes Coraciiformes Piciformes Cariamiformes Falconiformes Psittaciformes Passeriformes
Sinonim
Neornithes Gadow, 1883

Kini ko, buruang dikatahui turunan dari kalompok dinosaurus theropoda babulu, dek karano tuh buruang iolah satu-satunyo anggota dinosaurus nan masih hiduik. Dek bakitu pulo karabaik dakek buruang nan masih hiduik adolah buayo. Buruang adolah katurunan aviala purba (nan anggotanyo tamasuak Archeopteryx) nan partamo kali muncua sakitaran 160 juta taun nan lampau di Cino. Manuruik bukti DNA, buruang modern (Neornithes) barevolusi pado periode Kapur Partangahan hinggo Akhir, dan malakuan diversifikasi sacaro capek jo mancolok sakitar waktu peristiwa kapunahan Kapur-Paleogen 66 juta taun lalu, nan mambunuah pterosaurus jo sadoalah dinosaurus non buruang.

Klasifikasi ilmiah buruang partamo kali dikambangan dek Francis Willughby jo John Ray pado taun 1676 dalam edisi Ornithologiae. Carolus Linnaeus mangubah klasifikasi tasabuik di taun 1758 untuak marancang tato namo biologi nan digunoan kini ko.

Buruang hiduik jo bakambang biak pado sabagian gadang habitat daraik dan pado tujuah banua, hinggo mancapai koloni ekstrem inyo pado koloni pakambangbiakan Petrel Salju hinggo pado katinggian 440 kilometer (270 mi) di padalaman Antarktika. Diversitas tatinggi buruang tadapek di wilayah tropis. Iko juo alah dipikiaan sabalumnyo karagaman tatinggi buruang adolah hasil dari tingkek spesiasi di daerah tropis, bagaimanopun studi tabaru manamuan spesiasi tatinggi di lintang tinggi nan diimbangi jo tingkek kapunahan labiah gadang daripado di daerah tropis. Babarapo familia buruang alah baradaptasi tahadok kahidupan baiak di lautan dunia jo pado diri inyo, jo babarao spesies buruang lauik datang ka daraik hanyo untuak bakambangbiak dan babarapo pinguin alah tacatat manyalam hinggo kadalaman 300 meter (980 ft).

Banyak spesies buruang nan alah mambangun populasi pakambangbiakan di wilayah inyo nan diintroduksi dek manusia. Babarapo introduksi disangajo; contoh Puyuah Biaso, diintroduksi ka saluruah dunia sabagai buruang buruan. Nan lain karano indak sangajo, sarupo pambantuakan populasi Parkit Pandeta lia di babarapo kota di Amerika Utara sasudah palarian inyo dari panangkaran. Babarapo spesies, tamasuak Kuntul Kabau, Karakara Kapalo-Kuniang jo Kakatua Galah, alah manyeba sacaro alami malampaui rantang asli inyo sabagai praktik agrikultural nan mambuek habitat baru inyo nan sasuai.

Sabagian gadang buruang manampati babagai lokasi dalam ekologi. Samantaro babarapo buruang umum nan lain manampati tampek nan kusus di habitatnyo atau badasa di mano latak jinih makanannyo barado. Bahkan di dalam sabuah habitat tunggal, sarupo hutan, area iko bisa ditampekan dek babagai jinih buruang, jo babarapo spesies hiduik dalam utan kanopi, babarapo di bawah kanopi itu surang, sarato babarapo lainnyo dalam utan. Buruang nan hiduik di sakitar parairan umumnyo mancari makanan jo mamanciang, mamakan tanaman, jo mambajak makanan hewan lain. Buruang pamangso mangkususan diri pado baburu hewan atau buruang lain.

Babarapo buruang nan mamakan sari bungo, baperan dalam panyabuakan bungo nan banyak buruang mamakan buahnyo juo punyo peran pantiang dalam panyebaran biji. Buruang-buruang panyerbuk acok saliang bagantuang jo badampiangan jo tumbuahan, jo dalam babarapo kasus kadang kejadian hanyo ado spesies buruang tatantu nan sampai ka dalam nektar jo hanyo marupokan panyerbuk primer/tunggal dari spesies bungo tatantu.

•   Media tantang Buruang di Wiki Commons