Samba Buruak
Samba buruak marupoan jinih masakan nan tadiri dari campuran panganan lain sarupo taruang, patai, jo ikan tri.
Jinih samba ko barasa dari Sumatera Barat. Salain bahan-bahan tadi, ado pulo nan manambahan tempe jo tahu ka dalam samba buruak ko. Dinamoan samba buruak karano mancaliak bantuaknyo nan bacampua-campua jo indak baraturan. Ado pulo nan manamoan samba buruak ko samba campua-campua dek manyampuan jo bahan-bahan lain. Samba buruak-buruak banyak dijua di kadai nasi atau rumah makan nan manyadioan masakan rumahan.
 Samba buruak | |
| Asa | |
|---|---|
| Namo lain | Samba campua-campua |
| Nagara | Indonesia |
| Daerah | Sumatera Barat |
| Detail | |
| Jinih idangan | Utamo |
| Panyajian | Angek atau suhu ruangan |
| Bahan utamo | Patai, taruang, ikan teri, lado |
Caro mambuek
Bahan-bahan untuak mambuek samba buruak tadiri dari patai, taruang, ikan tri, lado merah, bawang merah, bawang putiah, tomat, gulo, jo garam. Mulonyo goreng patai, taruang, jo ikan teri. Giliang lado, bawang merah, bawang putiah, jo tomat, agiah pulo garam jo gulo. Tumih bumbu nan alah digiliang tadi, masuakan patai, taruang jo ikan teri nan alah digoreng sabalunnyo. Aduak sampai marato.
Rujuakan
This article uses material from the Wikipedia Minangkabau article Samba buruak, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tasadio di bawah CC BY-SA 4.0 kacuali dinyatoan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Minangkabau (DUHOCTRUNGQUOC.VN) is an independent company and has no affiliation with Wiki Foundation.