Pucuak parancih adolah olahan dari tanah Minangkabau.
Manuruik panamoan sayua pucuak parancih ko, pado taun 1834 ado saurang residen (gubernur) Sumatera Barat banamo Emanuel Francis nan bausaho mancari simpati masyarakaiak Minang jo caro mambaok ubi kayu untuak dibudidayokan di Padang. Oleh masyarakaik Minang daun ubi kayu dimanfaatkan pulo untuak sayua. Untuak maingek maso tanaman iko dibaok dek Francis, makonyo masyarakaiak manyabuiknyo sayua parancih.
Adohpun resep pucuak parancih bahan-bahannyo: 200gr daun pucuak ubi mudo 1 potoang, (50gr) kapalo lauak asin, 750cc santan caia, 500cc santan pakek, sabatan sarai, daun kunik, sakarek asam kandih. Bahan-bahan nan dialuihan: 50gr lado merah, 6 incek bawang merah, 2 cm kunik, 2 cm sipadeh, 1 cm langkueh, garam sacukuiknyo.
Abuih daun pucuak parancih sampai lunak, sasudah itu angkek jo kariangan sampai aianyo abih.Kamudian panggang kapalo lauak sampai masak jo baun anyianyo hilang. Abuih santan caia jo bumbu nan lah sudah dialuihan sampai mandidiah, sasudah itu masuakan daun pucuak parancih. Sasudah mandidiah sakali lai, masuakan santan pakek. Aduak-aduak taruih sampai santan agak baminyak. Angkek jo hidangkan.
This article uses material from the Wikipedia Minangkabau article Pucuak parancih, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tasadio di bawah CC BY-SA 4.0 kacuali dinyatoan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Minangkabau (DUHOCTRUNGQUOC.VN) is an independent company and has no affiliation with Wiki Foundation.