Tomaik
Tomaik adolah tanaman buah nan mamiliki namo ilmiah Solanum lycopersicum.
| Tomaik | |
|---|---|
| Klasifikasi ilmiah | |
| Kingdom: | Plantae |
| Division: | Magnoliophyta |
| Class: | Magnoliopsida |
| Order: | Solanales |
| Family: | Solanaceae |
| Genus: | Solanum |
| Species: | Solanum Lycopersicum |
| Namo binomial | |
| lycopersicon esculentum L. | |
Nan patamo tomat biaso (L. Commune) adolah tomaik nan acok ditamui di pasa-pasa. Nan kaduo tomaik apel jo pir (L.pyriporme) nan buahnyo babantuk bulek jo saketek kareh, tomaik janih ko manyarupoi buah apel jo pir. Tomaik ko pun acok ditaui di pasa-pasa. Nan katigo tomaik kantang (L. grandifolium) nan ukuran buahnyo labih gadang dibanding tomaik apel. Salanjuiknyo tomaik gondol (L.Validum) nan bantuknyo agak lonjong, kareh dan agak tabah kuliknyo. Nan tarakhi tomaik ceri (L. esculentum var cerasifrme) nan bantuiknyo bulek dan taraso manih.
Manfaaik
Ado banyak manfaaik nan dimiliki oleh buah tomaik kok. Nan patamo tomaik dapek mancagah panyakik kanker karano tomaik adolah sumber kuek antioksidan jo vitamin C nan dapek mambantu malawan radikal bebas malawan kanker, itu karano kandungan lycopene nan tenggi pado tomat dapaik mambantu mancagah kanker. Tomaik pun dapek malindungi jantuang, karano kandungan kolin, potassium, serat jo vitamin C pado tomaik dapek maningkean fungsi jantuang. Tomaik dapek mancagah diabetes karano serat pado tomaik tenggi, sehinggo dapek manurunan resiko diabetes. Tomaik rancak untuak kulit karano mangandung vitamin C nan dibutuhkan untuk sintesis kolagen, nan mambuek kulit tatap kancang, dan bisa loh digunoan sabagai panyambuhan luko. Tomaik dapek mangurangi depresi, karano tomaik mangandung folat. Tomaik dapek maningkatan pancalikan karano tomaik mangandung beta karaton jo Vitamin A. Tomaik dapek maningkean sistem pencernaan Tomaik dapek malawan paradangan. Tomaik dapek mencagah infeksi saluran kemih.
Kandungan Gizi Tomaik
Vitamin C (23.4 mg / 100 gr, 26% Kabutuhan harian), vitamin A (883 IU / 100 gr, 17 % Kabutuhan harian), potasium (237 mg /100 gr, 7% Kabutuhan harian), mangan (0.1 mg/ 100gr, 6 % kabutuhan harian), Vitamin K (7.9 mcg / 100 gr, 10 % kabutuhan harian), serat (1.2 g / 100 gr, 5% kabutuhan harian), asam folat (15 mcg/100gr, 4 % kabutuhan harian), vitamin B6 (0.1 mg/ 100 gr, 4% kabutuhan harian), vitamin B3 (0.6 % / 100 gr, 3 % kabutuhan harian), zat besi (0.1 mg/ 100 gr, 3% kabutuhan harian.
Rujuakan
Pautan lua
Media tantang Tomaik di Wiki Commons
This article uses material from the Wikipedia Minangkabau article Tomaik, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tasadio di bawah CC BY-SA 4.0 kacuali dinyatoan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Minangkabau (DUHOCTRUNGQUOC.VN) is an independent company and has no affiliation with Wiki Foundation.