Lelara virus ebola (EVD) utawa demam berdarah Ebola (EHF) iku lelara manungsa sing disebabaké déning virus Ebola.
Gejalané lumrahé diwiwiti rong dina nganti telung minggu sawisé kejangkit virus, kanthi anané demam, lara tenggorokan, nyeri otot, lan ngelu. Lumrahé diiloni rasa mual, muntah, lan diare, sarta mudhuné fungsi liver lan ginjel. Ing wektu iku, sawatara wong wiwit ngalami masalah pendarahan.
Ebola virus disease | |
---|---|
Classification and external resources | |
ICD-10 | ICD-10 Chapter A|A984 |
ICD-9 | 065.8 |
DiseasesDB | 18043 |
MedlinePlus | 001339 |
eMedicine | med/626 |
MeSH | D019142 |
Virus manawa tinular liwat kontak karo getih utawa cuwèran tubuh kéwan sing kainfeksi (lumrahé kethèk utawa kalong). Panyebaran liwat udara durung naté kacathet ing lingkungan alami. Kalong diyakini bisa nggawa lan nyebaraké virus tanpa ketaman larané. Bareng manungsa kena infeksi, lelara iki bisa nyebar marang wong-wong liya. Pria sing slamet saka lelara iki bisa nularaké liwat semen sajeroning amèh rong sasi. Kanggo gawé diagnosis, lumrahé lelara liya kanthi tandha-tandha sing padha, kaya déné malaria, kolèra lan demam berdarah virus liyané kudu dilirwakaké luwih dhisik. Kanggo mesthèkaké diagnosis, sampel darah diuji ngenani antibodi virus, RNA virus, utawa virusé iku dhéwé.
Upaya pancegahan kalebu upaya ngurangi panyebaran lelara saka kethèk lan babi sing kainfeksi menyang manungsa. Bab iki bisa diayahi kanthi mriksa kéwan mau terhadap infeksi, sarta membunuh lan membuang kéwan dengan benar jika ditemukan lelara mau. Masak daging kanthi bener lan nganggo sandhangan pelindhung nalika ngolah daging uga mbokmanawa migunani, semono uga kanthi nganggo sandhangan pelindhung lan wijik nalika ana ing saubengé wong sing nandang lelara mau. Sampel cuwèran lan jaringan tubuh saka penderita lelara kudu ditangani kanthi ati-ati banget.
Durung ana pangobatan mligi turap lelara iki; upaya kanggo mbantu wong sing ketaman kalebu diwènèhi terapi rehidrasi oral (banyu sing rada legi lan asin diombèkaké) utawa cuwèran intravena. Lelara iki duwé tingkat kematian sing dhuwur: kerep niwasaké antara 50% nganti 90% wong sing kainfeksi virus. EVD sepisanan diidentifikasi ing Sudan lan Republik Demokratik Kongo. Lelara iki lumrahé mewabah ing tlatah tropis Afrika Sub-Sahara. Wiwit taun 1976 (nalika sepisanan diidentifikasi) nganti taun 2013, kurang saka 1.000 jiwa saben taun wis kainfeksi. Wabah gedhé dhéwé nganti saiki ya iku wabah Ebola Afrika Kulon 2014 sing pinuju kadadéan, lan nyerang Guyana, Sierra Leone, Liberia lan kemungkinan Nigeria. Nganti sasi Agustus 2014, punjul 1600 kasus wis diidentifikasi. Upaya pinuju diayahi kanggo ngembangaké vaksin; nanging, durung nuduhaké asil.
This article uses material from the Wikipedia Basa Jawa article Panyakit ebola, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.