Ռոնալդինյո: իսպանացի ֆուտբոլիստ
Ռոնալդո դե Ասիս Մորեյրա (պորտ.՝ Ronaldo de Assis Moreira, մարտի 21, 1980(1980-03-21), Պորտու Ալեգրի, Բրազիլիա), առավել հայտնի է որպես Ռոնալդինյո Գաուշո (Ronaldinho Gaúcho) կամ պարզապես՝ Ռոնալդինյո (Ronaldinho), բրազիլացի նախկին ֆուտբոլիստ, հարձակվող։ 2004 և 2005 թվականներին արժանացել է ՖԻՖԱ-ի «Ոսկե գնդակ» տիտղոսին։
 | |||
|---|---|---|---|
 | |||
| Անձնական տվյալներ | |||
| Ամբողջական անուն | Ռոնալդո դե Ասիս Մորեյրա | ||
| Քաղաքացիությունը |  Բրազիլիա և  Իսպանիա | ||
| Ծննդյան ամսաթիվ | մարտի 21, 1980 (41 տարեկան) | ||
| Ծննդավայր | Պորտու Ալեգրի, Բրազիլիա | ||
| Հասակ | 181 սմ | ||
| Քաշ | 76 կիլոգրամ | ||
| Դիրք | Հարձակվող / կիսապաշտպան | ||
| Ակումբային տեղեկություններ | |||
| Ներկա ակումբ | ազատ գործակալ | ||
| Պատանեկան կարիերա | |||
| 1987-1991 1991-1995 1995-1998 | Լանժենդոնկ Բելու-Օլիզոնտի Գրեմիո | ||
| Մասնագիտական կարիերա* | |||
| Տարի | Ակումբ | Խաղ | (Գոլ) |
| 1998-2001 2001-2003 2003-2008 2008-2011 2011-2012 2012-2014 2014-2015 2015 | Գրեմիո Պարի Սեն Ժերմեն Բարսելոնա Միլան Ֆլամենգո Ատլետիկ Մինեյրո Կերետարո Ֆլումինենսե | 52(21) 55(17) 145(70) 76(20) 33(15) 47(17) 25(8) 7(0) | |
| Ազգային հավաքական | |||
| 1996 1999 1999-2013 2000-2008 | Բրազիլիա (մինչև 17) Բրազիլիա (մինչև 20) Բրազիլիա Բրազիլիա (օլիմպիական) | 6(2) 14(6) 97 (33) 27(18) | |
| | |||
| * Մասնագիտական կարիերայում ընդգրկված են միայն առաջնության խաղերը և գոլերը: | |||
Ռոնալդինյոն ծնվել է Ռիու Գրանդի դու Սուլ (պորտ.՝ Rio Grande do Sul) նահանգի Պորտու Ալեգրի քաղաքում։
Ռոնալդինյոն խաղացել է «Պարի Սեն Ժերմենում», «Բարսելոնայում» և «Միլանում»։ «Բարսելոնայի» կազմում Ռոնալդինյոն հաղթել է 2006 թվականի չեմպիոնների լիգան։
Կենսագրություն
Ռոնալդինյոն ծնվել է 1980 թվականի մարտի 21-ին, Սան Լուկաս հիվանդանոցում, Ռիու Գրանդի դու Սուլ նահանգի մայրաքաղաք Պորտու Ալեգրիում. ընտանիքի երրորդ երեխան է։ Նրա մայրը՝ Դոնա Միգուելինան, աշխատում էր վաճառողուհի, ինչպես նաև, սովորում էր բուժքույրի դասընթացներում։ Հայրը՝ Ժուան դա Սիլվա Մորեյրա, բանվոր էր նավաշինարանում և պահակ «Գրեմիո» ակումբի ավտոկանգառում, ինչպես նաև, նախկինում խաղացել է տեղական սիրողական «Կրուզեյրո» թիմում։ Հենց հայրն է դառնում Ռոնալդինյոյի առաջին մարզիչը՝ նրան սովորեցնելով ֆուտբոլ խաղալ, որը նա կիրառում էր Վիլա Նովա փողոցում, որտեղ ապրում էր ընտանիքը։ 1987 թվականին Ռոնալդինյոն սկսում է սովորել Ալբերտո Տորես դե Վիլա Նովա քոլեջում, սակայն ֆուտբոլի հանդեպ սերը վեր էր ամենից, Ռոնալդինյոն կարող էր այն խաղալ ամբողջ օրը և նույնիսկ այն ժամանակ, երբ նրա ընկերները հոգնածության պատճառով չէին կարողանում շարունակել խաղալ, նա խաղում էր իր շուն Բոմբոնի հետ, ինչպես իրենց բակում, այնպես էլ տանը։
7 տարեկան հասակում Ռոնալդինյոն ընդունվում է Լանժենդոնկի ֆուտբոլային դպրոցը։ Հենց այդ ժամանակ է նա ստանում իր «Ռոնալդինյո» մականունը, որը նշանակում էր «փոքրիկ Ռոնալդո»՝ հանդիսանալով «Գրեմիո» պատանեկան ակումբի (որտեղ նա դիմել էր)՝ ամենափոքրիկը։ 1988 թվականին, երբ Ռոնալդինյոն 8 տարեկան էր, ընտանիքի հայրը մահանոմ է սրտի նոպայից, ընտանեկան լողավազանում լողալու ժամանակ։ Երբ Ռոնալդինյոյի ավագ եղբայր Ռոբերտո դե Ասիսը պայմանագիր է կնքում «Գրեմիո» ակումբի հետ, ընտանիքը տեղափոխվում է Պորտու Ալեգրիի ավելի բարենպաստ թաղամաս՝ Գուարուա։ Այդ թաղամասում բնակարանը նվեր էր «Գրեմիո» ակումբի կողմից ընտանիքին, այն բանի համար, որ Ռոբերտոն չհեռանա ակումբից։ Հետագայում Ռոնալդինյոն ասում է.
 | «Իմ եղբայրը ինձ համար իսկական հերոս է։ Հենց նա է հանդիսանում օրինակ՝ որպես հայր, եղբայր և ֆուտբոլիստ» |  |
1991 թվականին նա սկսում է խաղալ «Բելու Օրիզոնտի» թիմի կազմում։ Մեծ ֆուտբոլի հետ միաժամանակ Ռոնալդինյոն սկսում է զբաղվել մինի ֆուտբոլով և լողափնյա ֆուտբոլով, որը նրան օգնում է մեծ ֆուտբոլի խաղերում։ 1993 թվականին՝ 13 տարեկան հասակում, Ռոնալդինյոն առաջին անգամ հիշատակվում է բրազիլական լրատավամիջոցներում, երբ նա տեղական թիմի հետ խաղերից մեկի ժամանակ, որը ավարտվում է 23-0 հաշվով հօգուտ «Բելու Օրիզոնտիի», հեղինակն է դառնում բոլոր 23 գնդակների։
Ակումբային կարիերա
Գրեմիո
Ռոնալդինյոյի կարիերան «Գրեմիոյում» սկսվում է 1995 թվականին՝ երիտասարդական թիմից, որտեղ նա թիմի գլխավոր մարզիչ Լիամա Հիգինսի ղեկավարությամբ, մասնակցում էր Գուաշուի լիգայի երիտասարդական առաջնությունում։ 1997 թվականի փետրվարին նա ստորագրում է իր առաջին պրոֆեսիոնալ պայմանագիրը թիմի հետ։ Նույն թվականին Եգիպտոսում կայացած մինչև 16 տարեկանների աշխարհի առաջնությունից հետո, որտեղ նա երկու գնդակ է խփում 11 մետրանոցից, Ռոնալդինյոն սկսում է համարվել բրազիլական ֆուտբոլի ծագող աստղ։ Այդ մրցաշրջանում Ռոնալդինյոն մասնակցում էր մարզաշապիկին «Ռոնալդո» անունով։
Մեկ տարի անց Ռոնալդինյոն իր նորամուտն է նշում ակումբի առաջին թիմի կազմում՝ Լիբերտադորեսի գավաթի խաղարկությունում։ 1998 թվականի ապրիլի 11-ին Ռոնալդինյոն թիմի կազմում առաջին խաղն է խաղում Ռիու Գրանդի դու Սուլ նահանգի առաջնության խաղում՝ «Սանտա Կրուզ» թիմի դեմ, որն ավարտվում է ոչ-ոքի՝ 1-1: Նույն թվականի հուլիսի 26-ին Ռոնալդինյոն առաջին խաղն է խաղում Բրազիլիայի առաջնությունում՝ «Ինտերնասիոնալ» ակումբի դեմ խաղում, որում «Գրեմիոն» պարտվում է 0-1 հաշվով։ Մեկ տարի անց Ռոնալդինյոն հաղթում է իր առաջին լուրջ մրցաշարում՝ Ռիու Գրանդի դու Սուլ նահանգի առաջնությունում, որի խաղարկության ժամանակ նա դառնում է 15 գոլի հեղինակ՝ 14 խաղերում, որոնցից մեկը եզրափակիչում՝ գրավելով «Ինտերնասիոնալ» ակումբի դարպասը։ Ընդհանուր առմամբ, «Գրեմիոյում» խաղալու 4 տարիների ընթացքում Բրազիլիայի առաջնությունում Ռոնալդինյոն անց է կացնում 35 խաղ և դառնում 14 գոլի հեղինակ։
2001 թվականին լոնդոնյան «Արսենալ» ակումբը հետաքրքրվում է Ռոնալդինյոյով։ Սակայն գործարքը տեղի չի ունենում, քանի որ բրազիլացին չի կարողանում աշխատանքի թույլտվություն ստանալ՝ Բրազիլիայի հավաքականի կազմում շատ քիչ խաղեր անց կացնելու պատճառով։ Ձախողվում է նաև շոտլանդական «Սենտ Միրեն» ակումբի հետ 6 միլիոն ֆունտ արժողությամբ վարձակալական պայմանագիրը, կեղծ անձնագրի հետ կապված սկանդալին Ռոնալդինյոյի առնչության պատճառով, որի պատճառով Ռոնալդինյոյին թույլատրվում է տեղափոխվել շոտլանդական ակումբ միայն տրասֆերային պատուհանի փակումից հետո։ Նաև լուրեր էին պտտվում Ռոնալդինյոյի նկատմամբ «Լիդս Յունայթեդ» ակումբի հետաքրքրության մասին 40-ից մինչև 80 միլիոն դոլար արժողությամբ հնարավոր տրասֆերի շուրջ, սակայն այդ լուրերը չեն հաստատվում։
2000 թվականի դեկտեմբերի 22-ին Ռոնալդինյոն գաղտնի, նախնական պայմանագիր է ստորագրում ֆրանսիական «Պարի Սեն Ժերմեն» ակումբի հետ։ Որոշ ժամանակ անց «Գրեմիոյի» նախագահը թերթում առաջարկություն է հրապարակում փարիզցիների համար՝ 6,4 միլիոն եվրո արժողությամբ՝ նախատեսված 2 տարի ժամանակով, Ռոնալդինյոյի 150 000 եվրո աշխատավարձով առաջին մրցաշրջանում և 213 000 եվրո երկրորդ մրցաշրջանում։ Չնայած այդ առաջարկին՝ 2001 թվականի հունվարի 17-ին, փարիզյան ակումբը հայտարարում է Ռոնալդինյոյի տրանսֆերի մասին 5,1 միլիոն եվրոյ արժեքը, որը ստորագրվել է հինգ տարի ժամանակով, ինչը լիովին չէր բավարարում բրազիլական ակումբին։ Վերջին ամիսը բրազիլացին անց կացրեց «Գրեմիոյում», որի երկրպագուները պատերազմ սկսեցին խաղացողի դեմ, հագնելով սև թևկապներ, Ռոնալդինյոյի եղբայր Ռոբերտո Ասիսը հայտարարվեց դավաճան, իսկ Ռոնալդինյոյի բոլոր գործողությունները միշտ ուղեկցվում էին սուլոցով։
«Պարի Սեն Ժերմեն»
2001-2002 թվականների մրցաշրջան
2001 թվականի փետրվարի 15-ին Ռոնալդինյոն հինգ տարվա պայմանագիր է ստորագրում ֆրանսիական «Պարի Սեն Ժերմեն» ակումբի հետ։ Փարիզյան ակումբը ֆուտբոլիստի տրանսֆերի համար վճարում է 5 միլիոն եվրո։ Փարիզ ժամանելուն պես Ռոնալդինյոն ստանում է 21 համարի մարզաշապիկը և տեղակայվում է թիմի հարձակման գծում, հարձակվողներ Ալոիզիոյի և կիսապաշտպաններ Միկել Արտետայի և Ջեյ-Ջեյ Օկոյայի հետ։ Ռոնալդինյոն նոր ակումբի կազմում իր նորամուտը նշում է ֆրանսիական լիգայի առաջնության «Օսերի» դեմ խաղում՝ 2001 թվականի օգոստոսի 4-ին, որն ավարտվում է ոչ-ոքի՝ 1-1: Ռոնալդինյոն 2001-2002 թվականների մրցաշրջանն անց է կացնում՝ հերթափոխելով պահեստայինի դերը հիմնական կազմի խաղացողի դերի հետ։ Ակումբի կազմում առաջին գնդակը խփում է հոկտեմբերի 13-ին, «Լիոնի» դեմ մրցամարտում (2-2)՝ իրացնելով 11 մետրանոց հարվածը և, ընդ որում, խաղադաշտ դուրս գալով ընդամենը 10 րոպե առաջ։ Ձմեռային արձակուրդներից վերադառնալուն պես Ռոնալդինյոն ցուցադրում է հիանալի սերիա՝ գոլ խփելով չորս խաղ անընդմեջ։ Նա իր հաշվին է գրանցում հիանալի գնդակներ «Մոնակոյի», «Ռենի», «Լանսի» և «Լորյանի» դեմ խաղերում։ 2002 թվականի մարտի 16-ին նա իր հաշվին է գրանցում ակումբի կազմում առաջին դուբլը, երկու անգամ աչքի ընկնելով «Տրուայի» դեմ խաղում (3-1)։ Մրցաշրջանում իր վերջին գնդակը նա խփում է ապրիլի 27-ին «Մեցի» հետ խաղում (2-0)։
2002-2003 թվականների մրցաշրջան
Նոր մրցաշրջանի սկզբում Ռոնալդինյոն իր 21 համարի մարզաշապիկը փոխարինում է 10 համարով։ Բրազիլացի հարձակվողը սկսում է ավելի հաճախ հայտնվել մեկնարկային կազմում։ Չնայած երկրորդ մրցաշրջանում նրա մասնակցությունը ակումբում երկրպագուներին հիացմունք չէին պատճառում, Ռոնալդինյոն դառնում է մրցաշրջանում ակումբի լավագույն խաղացողը։ 2002 թվականի հոկտեմբերի 26-ին դառնում է երկու գոլի հեղինակ՝ այդպիսով իր մասնակցությունն ունենալով փարիզցիների հաղթանակին Լե Կլասիկոյում «Մարսելի» հետ խաղում (3-1)։ Առաջին գնդակը Ռոնալդինյոն խփում է հիանալի տուգանային հարվածից, վերևից՝ շրջանցելով «Մարսելի» մի քանի խաղացողների 18 յարդից։ Պատասխան խաղում նա նորից գոլ է խփում, և նրա թիմը հաղթում է 3-0 հաշվով։ Ռոնալդինյոն նաև գովասանքի է արժանանում Ֆրանսիայի գավաթի խաղարկության կիսաեզրափակիչ խաղում, երբ նա դառնում է երկու գոլի հեղինակ և օգնում է թիմին 2-0 հաշվով հաղթանակ տոնել «Բորդո» թիմի նկատմամբ և «Պարի Սեն Ժերմենին» ուղեգիր նվաճել դեպի եզրափակիչ։ Սակայն եզրափակիչում փարիզցիները տանուլ են տալիս «Օսերին» 1-2 հաշվով՝ գոլ ընդունելով խաղի վերջին րոպեներին։ Չնայած Ռոնալդինյոյի հիասքանչ ելույթին՝ «Պարի Սեն Ժերմենը» առաջնության մրցաշարային աղյուսակում զբաղեցնում է ընդամենը 11-րդ հորիզոնականը։ Մրցաշրջանի ավարտից հետո Ռոնալդինյոն հայտարարում է, որ պատրաստ է լքելու ակումբը, որովհետև այն եվրագավաթների խաղարկության փուլ չի անցել։
Ընդամենը ակումբի կազմում. Երկու մրցաշրջան (2001-2003 թվականներ), 86 խաղ, 25 գնդակ, 18 գոլային փոխանցում։
«Բարսելոնա»
2003-2004 թվականների մրցաշրջան
Սկզբնապես «Բարսելոնայի» նախագահ Ժոան Լապորտան խոստացել էր ակումբի համար ձեռք բերել անգլիացի Դևիդ Բեքհեմին, սակայն այն բանից հետո, երբ վերջինս տեղափոխվեց «Ռեալ Մադրիդ», իր ջանքերը կենտրոնացնում է Ռոնալդինյոն գնելու վրա։ 2003 թվականի հուլիսի 19-ին՝ շատ ծանր բանակցություններց հետո, Ռոնալդինյոն դառնում է «Բարսելոնայի» խաղացող, որը բրազիլացու տրանսֆերի համար վճարում է 32,25 միլիոն եվրո գումար։ Նա թիմի կազմում նորամուտը նշում է «Միլանի» հետ ընկերական հանդիպման ժամանակ՝ դառնալով գոլի հեղինակ, և նրա ակումբը հաղթում է 2-0 հաշվով։ Պաշտոնական խաղում նա առաջին ելույթն ունենում է «Ատլետիկ» (Բիլբաո) թիմի հետ խաղում, որտեղ Բարսելոնան հաղթում է 1-0 հաշվով։ Պաշտոնական խաղերում առաջին գոլը խփում է «Սևիլյայի» դարպասը։ Երկրորդ շրջանում Ռոնալդինյոն վնասվածք է ստանում և որոշ ժամանակ ելույթ չի ունենում։ Ընդհանուր առմամբ, առաջին մրցաշրջանում Ռոնալդինյոն «Բարսելոնայի» կազմում անց է կացնում 45 հանդիպում և դառնում է 22 գնդակի հեղինակ։ «Բարսելոնան» Իսպանիայի առաջնությունում զբաղեցնում է երկրորդ հորիզոնականը։ Մրցաշրջանի ավարտին Ռոնալդինյոն ճանաչվում է Իսպանիայի առաջնության լավագույն օտարերկրյա ֆուտբոլիստ։ Նույն թվականին նա արժանանում է ՖԻՖԱ-ի վարկածով աշխարհի լավագույն ֆուտբոլիստի կոչմանը, որը նրան է հանձնվում 2004 թվականի դեկտեմբերի 20-ին։ Սակայն «Ոսկե գնդակի» հարցման արդյունքներում Ռոնալդինյոն զբաղեցնում է միայն երրորդ հորիզոնականը՝ հավաքելով 133 միավոր, զիջելով Անդրեյ Շևչենկոյին (175 միավոր) և Դեկուին (139 միավոր)։
2004-2005 թվականների մրցաշրջան
2004-2005 թվականների մրցաշրջանում Ռոնալդինյոն ակումբի հետ միասին ֆառնում է Իսպանիայի առաջնության չեմպիոն, սակայն Չեմպիոնների Լիգայում ակումբը պարտվում է 1/8 փուլում «Չելսիին», չնայած այն բանին, որ Ռոնալդինյոն երկու գնդակ է խփում արտագնա խաղում (ընդհանուր հաշիվը 4-5)։ Մրցաշրջանի ավարտին Ռոնալդինյոն արժանանում է Պրոֆեսիոնալ ֆուտբոլիստների ասոցիացիայի միջազգային ֆեդերացիայի վարկածով աշխարհի լավագույն ֆուտբոլիստի կոչման, ինչպես նաև, «Ոսկե գնդակի» (հավաքելով 225 միավոր, որը 77 միավորով առավել էր երկրորդ տեղը զբաղեցրած Ֆրենկ Լեմպարդից)։ Այդ նույն մրցաշրջանում նա երկարացնում է իր պայմանագիրը ակումբի հետ մինչև 2010 թվականը, ըստ որի նա կարող էր լքել «կապտա-նռնագույնների» շարքերը 85 միլիոն ֆունտով, չնայած այն բանին, որ ակումբը առաջարկում էր պայմանագիրը երկարացնել մինչև 2014 թվականը։
2005-2006 թվականների մրցաշրջան
2005-2006 թվականների մրցաշրջանում նոյեմբերի 19-ին Ռոնալդինյոն դուբլի հեղինակ է դառնում «Ռեալ Մադրիդի» հետ հանդիպման ժամանակ, «Սանտյագո Բեռնաբեու» մարզադաշտում։ Խաղի վերջում, երբ բրազիլացին փոխարինվում էր, նա արժանանում է «Արքայական ակումբի» երկրպագուների ծափահարություններին։ Նույն թվականին «Բարսան» դուրս է գալիս Չեմպիոնների Լիգայի եզրափակիչ, որտեղ ակումբը հաղթանակ է տանում «Արսենալի» նկատմամբ՝ 2-1 հաշվով։ Դրանից մեկ շաբաթ առաջ կապտա-նռնագույնները 1-0 հաշվով «Սելտայի» դեմ տարած հաղթանակից հետո Իսպանիայի առաջնությունում հաղթանակ են տոնում։ Ռոնալդինյոն ճանաչվում է Չեմպիոնների Լիգայի լավագույն ֆուտբոլիստ (մրցաշարի խաղերի ընթացքում դարձել է 7 գոլի հեղինակ և կատարել 4 գոլային փոխանցում) և Իսպանիայի առաջնության լավագույն օտարերկրյա ֆուտբոլիստ։ Նույն մրցաշրջանում նա ռեկորդ է սահմանում իր խփած գոլերի քանակով խփելով՝ 26 գնդակ։
2006-2007 թվականների մրցաշրջան
Հաջորդ մրցաշրջանի սկզբում Ռոնալդինյոն սկսում է հաճախ ենթարկվել քննադատության, այդ թվում նաև «կապտա-նռնագույնների» մարզիչ Ֆրանկ Ռայկարդից, որը համարում էր, որ բրազիլացին լավ ֆիզիկական պատրաստվածություն ձեռք չի բերել։ Ֆուտբոլիստի եղբայրը և գործակալը ասում էին, որ հարձակվողի ֆիզիկական պատրաստվածության վատացումը կապված է հետապնդումով՝ կազմակերպված մամուլի կողմից։ Նոյեմբերի 25-ին Ռոնալդինյոն խփում է Իսպանիայի առաջնությունում իր 50-րդ գնդակը՝ գրավելով «Վիլյառեալի» դարպասը, այդ նույն խաղում նա գոլ է խփում անկումով իր վրայից։ Հետագայում Ռոնալդինյոն թղթակիցներին հայտնում է, որ այդպիսի գնդակ խփել նա երազել է դեռևս երեխա եղած ժամանակ։ 2006 թվականի նոյեմբերին Ռոնալդինյոն չորրորդ տեղն է զբաղեցնում «Ոսկե գնդակի» քվեարկությունում, իսկ մեկ ամիս անց երրորդ տեղն է զբաղեցնում ՖԻՖԱ-ի աշխարհի լավագույն ֆուտբոլիստի հարցման արդյունքում։ 2006 թվականի դեկտեմբերի 14-ին Ռոնալդինյոն գոլ է խփում և կատարում երկու գոլային փոխանցում աշխարհի ակումբային առաջնության կիսաեզրափակիչում «Ամերիկայի» հետ խաղում, սակայն եզրափակիչում «Բարսան» պարտություն է կրում բրազիլական «Ինտերնասիոնալից»՝ 0-1: Հունվարին Ռոնալդինյոն ընդգրկվում է ՈՒԵՖԱ-ի տարվա թիմի կազմում, հավաքելով ամենաբարձր՝ 292 000 անվանակարգ։ Մարտին Ռոնալդինյոն, «Ռեալի» հետ խաղում (3-3) ստացած վնասվածքի պատճառով, բաց է թողնում բարեգործական հանդիպումը։ Գարնանը Ռայկարդը սկսում է թիմի խաղի համար նոր մարտավարական ծրագրեր փնտրել, որի պատճառով Ռոնալդինյոն ստիպված է լինում խաղալ և կենտրոնական հարձակվողի դիրքում, և ձախ կիսապաշտպանի դիրքում, որտեղ նա չէր խաղացել շատ տարիներ։ 36-րդ տուրում, «Խետաֆեի» հետ խաղում, Ռոնալդինյոն կարմիր քարտ է ստանում, որից հետո նա դաշտը լքում է հիստերիկայի մեջ, քանի որ նա չի կարողանալու մասնակցել «Բարսելոնայի» և «Էսպանյոլի» միջև «ոսկե խաղին»։ Աշնանը «Չելսին» 70 միլիոն եվրո է առաջարկում Ռոնալդինյոյի տրանսֆերի համար, սակայն «Բարսան» մերժում է։
2007-2008 թվականների մրցաշրջան
2007-2008 թվականների մրցաշրջանի սկիզբը Ռոնալդինյոյի համար անհաջող է սկսվում, հասնում է նրան, որ «Բարսայի» երկրպագուները սկսում են սուլել բրազիլացում, ընդ որում մրցաշրջանին նախապատրաստվելուն խանգարում է ձկնամկանի վնասվածքը, որի պատճառով նա բաց է թողնում մեկնարկային մի քանի խաղեր։ 2008 թվականի փետրվարի 3-ին Ռոնալդիոնյոն անց է կացնում իր հոբելյանական 200-րդ հանդիպումը «Բարսելոնայի» կազմում՝ «Օսասունայի» դեմ խաղում։ Մրցաշրջանի կեսին Ռայկարդը, դժգոհ մարզումների հանդեպ բրազիլացու վերաբերմունքից, Ռոնալդինյոյին հանում է թիմի կազմից։ Ռայկարդը Ռոնալդինյոյին մեկնարկային կազմում տեղ վստահում է սեփական հարկի տակ «Ռեալի» դեմ հանդիպման ժամանակ, սակայն բրազիլացին արտակարգ անհաջող է անցկացնում հանդիպումը, որում «կապտա-նռնագույնները» պարտություն են կրում, իսկ պարտության մեղքը հասարակությունը գցում է նրա վրա։ Ապրիլի 3-ին Ռոնալդինյոն ստանում է ջիղի պատռվածք աջ ոտքին, որի պատճառով նա շարքից դուրս է գալիս 6 շաբաթ ժամկետով և արդյունքում մրցաշրջանը նրա համար ավարտվում է։ Մայիսի 19-ին Լապորտան հայտարարում է, որ «Ռոնալդինյոյին անհրաժեշտ է նոր կանչ», պնդելով, որ բրազիլացում անհրաժեշտ է նոր ակումբ, որպեսզի վերականգնի իր ելույթների մակարդակը։ «Մանչեսթեր Սիթիի» տեր Թաքսին Չիննավատը հունիսի 6-ին հայտարարում է, որ իր ակումբը հետաքրքրվում է Ռոնալդինյոով։ «Բարսելոնայի» կազմում իր վերջին հանդիպումը Ռոնալդինյոն անց է կացնում հունիսի 28-ին Վենեսուելայում, ռասիզմի դեմ ցուցադրական խաղում, որում նա խփում է երկու գնդակ, իսկ խաղն ավարտվում է 7-7 հաշվով։ 2008 թվականի հուլիսի սկզբին «Մանչեսթեր Սիթին» նորից փորձ է ձեռնարկում գնելու Ռոնալդինյոյին 25,5 միլիոն ֆունտով, սակայն ֆուտբոլիստը ցանկություն չի հայտնում տեղափոխվելու Անգլիա։
«Միլան»
2008-2009 թվականների մրցաշրջան
Ռոնալդինյոն «Միլանի» կողմից գնվել է 2008 թվականի հուլիսի 15-ին։ Միլանյան ակումբը «Բարսելոնային» վճարում է 21 միլիոն եվրո գումարած 4 միլիոն այն դեպքում, եթե «ռոսսոները» անցնեն Չեմպիոնների Լիգայի մրցաշար։ Նոր ակումբում Ռոնալդինյաի տարեկան աշխատավարձը կազմում է 6,5 միլիոն եվրո։ Հուլիսի 17-ին հարձակվողը պաշտոնապես ներկայացվում է որպես «Միլանի» ֆուտբոլիստ, մինչև 2011 թվականի հունիսի 30-ը պայմանագիր ստորագրելով ուղիղ հեռուստատեսային եթերում։ Նույն երեկոյան նա «Սան Սիրո» մարզադաշտում, որտեղ հավաքվել էին 40 000 հանդիսատես, ներկայացվում է «ռոսսոների» երկրպագուներին։ «Միլանում» Ռոնալդինյոն վերցնում է 80 համարի մարզաշապիկը, այն պատճառով, որ 10 համարի մարզաշապիկը պատկանում էր հոլանդացի Կլարենս Զեեդորֆին, իսկ Ռոնալդինյոն 1980 թվականի ծնունդ էր։.
Ռոնալդինյոն «Միլանի» կազմում իր նորամուտը նշում է 2008 թվականի օգոստոսի 31-ին, «Բոլոնիայի» հետ հանդիպման ժամանակ, որը «ռոսսոներիները» տանուլ են տալիս 1-2 հաշվով։ Սեպտեմբերի 28-ին նա խփում է իր առաջին գոլը ակումբի կազմում, գլխով, իր հայրենակից Կակաի փոխանցումից հետո, «Ինտերի» դարպասը և հաղթանակ է բերում իր թիմին (1-0)։ 2008 թվականի հոկտեմբերի 19-ին Ռոնալդինյոն առաջին դուբլն է կատարում ակումբի կազմում, երկու գնդակ խփելով «Սամպդորիայի» դարպասը։ Նոյեմբերի 6-ին Ռոնալդինյոն գոլի հեղինակ է դառնում ՈՒԵՖԱ-ի գավաթի խաղարկությունում, «Բրագայի» դարպասը, հաղթանակ պարգևելով իր թիմին՝ 1-0: Չնայած բավականին հաջող մեկնարկին, մրցաշրջանի կեսերին Ռոնալդինյոն դադարում է խաղադաշտ դուրս գալ թիմի մեկնարակային կազմում, հաճախ խաղադաշտ դուրս գալով պահեստայինների նստարանից։ Ընդհանուր առմամբ, «Միլանում», առաջին մրցաշրջանի ընթացքում, Ռոնալդինյոն անց է կացնում 36 հանդիպում և խփում 10 գնդակ։
| | Առաջին իտալական մրցաշրջանը շատ դժվարին էր՝ նոր լեզու, կյանքի կենսակերպ, նոր մարդիկ։ Ամանորից առաջ ես վնասվածք ստացա, իսկ երբ վերադարձա, Անչելոտտին դադարեց ինձ մեկնարկում խաղացնել։ Ինձ մնում էր միայն աշխատել և փորձել ապացուցել, որ նա ճիշտ չէ։ - Ռոնալդինյո | |
2009-2010 թվականների մրցաշրջան
«Միլանում» երկրորդ մրցաշրջանի սկիզբը Ռոնալդինյոյի համար շատ հաջող դասավորվեց, ինչը դուր էր գալիս թիմի մարզիչ Լեոնարդոին.
| | «Ցավոք, նա դեռ ցույց չի տալիս իր լավագույն որակները։ Եթե նա լինի լավ մարզավիճակում, իրոք կկարոտի ֆուտբոլը, ապա միայն այդ ժամանակ նա կարող է օգտակար լինել թիմին։ Գործը նրանում չէ, Ռոնալդինյոն ինձ դուր է գալիս թե չէ, սակայն մենք ակումբի տիրոջ հետ տարբեր կերպ ենք նայում բրազիլացու հետ կապված իրավիճակին։ Բերլուսկոնին գիտի, որ իր թիմի կազմում ունի ադամանդ և ցանկանում է, որ այն որքան հնարավոր է վառ փայլի։ Իսկ ես Ռոնալդինյոյին տեսնում եմ ամեն օր և այլ կերպ եմ համարում։ Ըստ իս, այժմ Ռոնալդինյոյի կարիերայում առանցքային պահ է։ Ամեն օր նա հիանալի մարզվում է։ Հարկավոր է, որ այդ դրսևորվի նաև խաղերում, որպեսզի նա այդ պահերը աշխատեցնի նորից ու նորից։ Այդ ժամանակ մեզ սպասում է հաջողություն։ Նրան հարկավոր է փոխել վերաբերմունքը խաղերի նկատմամբ և անել ամեն ինչ, որպեսզի ցուցադրի կայուն ֆուտբոլ»։ | |
Շուտով լուր է հայտնվում խաղացողի կարիերան ավարտելու Ռոնալդինյոյի ցանկության մասին, սակայն ֆուտբոլիստի եղբայրը հայտարարում է, որ այդ հաղորդագրությունը հանդիսանում է մտացածին։ Հոկտեմբերին, Չեմպիոնների Լիգայում «Ցյուրիխի» դեմ «Միլանի» խաղից առաջ, բրազիլացուն նկատում են գիշերային ակումբում, ժամը 2.30, որի համար նրան տուգանում են։ 2009-2010 թվականների մրցաշրջանի սկզբում Ռոնալդինյոյին է հանձնվում «Golden Foot» մրցանակը, որը շնորհվում է 29-ը անց Եվրոպայի լավագույն ֆուտբոլիստին։ Հոկտեմբերի 21-ին, Չեմպիոնների Լիգայում «Ռեալի» հետ հանդիպման ժամանակ, Ռոնալդինյոն հարվածում է «Արքայական ակումբի» հարձակվող Ռաուլին գլխով՝ թիմերի խաղացողների ընդհարման ժամանակ։ Շուտով Ռոնալդինյոն լավ մարզավիճակ է ձեռք բերում, իսկ «Սամպդորիայի» հետ հանդիպումից հետո, որում Ռոնալդինյոն հանդիպման լավագույն ֆուտբոլիստն էր, «Միլանի» նախագահ Սիլվիո Բերլուսկոնին ասում է, որ Ռոնալդինյոն վերածնվել է որպես խաղացող։ Ինքը՝ Ռոնալդինյոն, համաձայնվում է այդպիսի գնահատականի հետ. «Ես, նույնիսկ, ավելի եմ լավնացել, քան նախկինում էր։ Ես մեկ տարի եմ ծախսել, որ սովորեմ, ընդ որում, ոչ միայն ֆուտբոլային խաղադաշտում։ Դրանից հետո ինձ ավելի հեշտ էր, ամեն ինչ սկսվում է դասավորվել և, նույնիսկ, անկախ իմ կամքից։ Ես ցանկանում եմ ՀԱՀ-ի Աշխարհի առաջնությունում լինել գլխավոր աստղ։ Դա իմ ուժերի սահմանում է։ Ես, առանց այն էլ, բաց եմ թողել ընտրական ժամանակաշրջանը, որը ինձ հետ երբեք չէր կատարվել, հարկավոր է լրացնել բաց թողածը»:
2010 թվականի հունվարին Միլան-ի ղեկավարությունը ցանկանում է երկարացնել Ռոնալդինյոյի հետ պայմանագիրը։ Հունվարի 10-ին Ռոնալդինյոն երկու գնդակ է խփում «Յուվենտուսի» հետ խաղում, խաղից հետո նա ասում է, որ գոհ է իր խաղից և երջանիկ է թիմում. «Ես երջանիկ եմ։ «Միլանը» ստեղծել է բոլոր պայմանները, որպեսզի լավ աշխատեմ։ Այժմ ես խաղադաշտ եմ դուրս գալիս ավելի վստահ և մեծ ցանկությամբ անելու այն, ինչ ուզում եմ։ Ես դժգոհ էի, երբ չէի խաղում։ Սակայն Լեոնարդոյի հետ ես մշտապես խաղային փորձ եմ ձեռք բերում։ Գտնվում եմ լավ մարզավիճակում, այնպես որ, ամեն ինչ հիանալի է։ Ես միայն ցանկանում եմ ցուցադրել լավագույնը, ինչի ունակ եմ և օգնելու «Միլանին» հաղթել»։ 2010 թվականի հունվարի 17-ին Ռոնալդինյոն դառնում է հեթ-տրիկի հեղինակ «Սիենայի» դարպասին, Իտալիայի առաջնության 20-րդ տուրի խաղում։ «Ինտերի» հետ 21-րդ տուրի հանդիպումից առաջ, որում «Միլանը» պարտվում է 0-2 հաշվով, Ռոնալդինյոն երեք օր անընդմեջ զվարճանում էր Միլանի հյուրանոցներից մեկում, որի համար տուգանվում է ակումբի կողմից։
2010 թվականի ապրիլի 13-ին Ռոնալդինյոն երկարաձգում է «Միլանի» հետ պայմանագիրը մինչև 2014 թվականը։ Մայիսի 16-ին՝ առաջնության վերջին տուրում, Ռոնալդինյոն երկու գնդակ է խփում «Յուվենտուսի» դարպասը՝ հաղթանակ պարգևելով իր ակումբին 3-0 հաշվով։ Առաջնության արդյունքներով «Միլանը» գրավում է երրորդ հորիզոնականը։ Ռոնալդինյոն 15 գոլային փոխանցումով դառնում է Ա Սերիայի լագագույն ասիստենտը, գոլ+փոխանցում համակարգով նա զբաղեցնում է երրորդ տեղը՝ 12 գոլ և 15 գոլային փոխանցում։ Ընդհանուր առմամբ, մրցաշրջանի ընթացքում Ռոնալդինյոն կատարում է 18 գոլային փոխանցում։
2010-2011 թվականների մրցաշրջան
Հաջորդ մրցաշրջանի սկզբում լուրեր են շրջանառվում «Միլանից» Ռոնալդինյոյի մոտալուտ հեռանալու մասին։ Այդ ամենին գումարած՝ նա դադարում է ցուցադրել նախորդ մրցաշրջանի խաղային մակարդակը և դժգոհություն է հայտնում թիմի նոր գլխավոր մարզիչ Մասսիմիլիանո Ալլեգրիի մարտավարությունից։ Նոյեմբերին Ռոնալդինյոյին նկատում են բարերից մեկում, ինչը առաջացնում է թիմի գլխավոր մարզչի դժգոհությունը, որը նրան դուրս է հանում «ռոսսոների» մեկնարկային կազմից։ Ինքը՝ բրազիլացին, ասում է, որ պատրաստ է պայքարելու թիմի մեկնարկային կազմում տեղ գտնելու համար։ Սակայն, չնայած այդ խոսքերին՝ ֆուտբոլիստը սկսում է բանակցություններ վարել «Պալմեյրաս» կամ «Գրեմիո» տեղափոխվելու մասին։ 2010 թվականի դեկտեմբերի 30-ին «Միլանի» փոխնախագահ Ադրիանո Գալլիանին ասում է, որ «Ռոնալդինյոն կհեռանա «Միլանից» հունվարին։ Այժմ նրա մոտ ցանկություն չկա մարզվելու թիմի հետ, որովհետև նա իրեն այլևս չի համարում նրա մասնիկը»։ 2011 թվականի հունվարի 8-ին բրազիլական SporTV ալիքի եթերում Գալլիանին հայտարարում է, որ Ռոնալդինյոն 99,99 %-ով հանդիսանում է «Ֆլամենգոյի» ֆուտբոլիստ։
«Ֆլամենգո»
2011 թվականի մրցաշրջան
2011 թվականի հունվարի 10-ին Ռոնալդինյոն տեղափոխվում է «Ֆլամենգո», ընդ որում ակումբի նախագահ Պատրիսիա Ամորին շնորհակալություն է հայտնում կառավարիչների խորհրդին «բանակցությունների ընթացքում ցուցաբերած խորաթափանցության և իմաստության համար»։ Պայմանագիրը ստորագրվում է 4 տարով։ 2011 թվականի փետրվարի 2-ին նորամուտն է նշում «rubro-negro-ի» կազմում, սեփական հարկի տակ Գուանաբարի Գավաթի 5-րդ տուրում, «Նովա Իգուասու» թիմի դեմ հանդիպման ժամանակ։ 2011 թվականի փետրվարի 6-ին, Գուանաբարի Գավաթի 6-րդ տուրի «Բոավիստայի» հետ արտագնա խաղում, բացում է «Ֆլամենգոյի» կազմում իր խփած գոլերի հաշիվը (23-րդ րոպեին իրացնելով 11 մետրանոց հարվածը՝ տանտերերի դարպասապահ Տիագո Շմիդտի կողմից տուգանայինի սահմաններում Դեյվիդին գցելու համար)։ 2011 թվականի փետրվարի 16-ին, Բրազիլիայի Գավաթի առաջին ռաունդի «Մուրիսիի» դեմ խաղում, Ռոնալդինյոն բացում է «Ֆլամենգոյի» կազմում խաղից խփած գոլերի հաշիվը (66-րդ րոպեին բացում է խաղի հաշիվը, հեռավոր անկյունը գլխով խփած գնդակով)։ Խաղն ավարտվում է 3-0՝ հօգուտ «Ֆլամենգոյի»։ Փետրվարի 27-ին խփում է միակ գնդակը Գուանարաբի Գավաթի խաղարկության «Բոավիստայի» դեմ եզրափակիչ խաղում (իրականացնում է տուգանային հարվածը 24 մետր հեռավորությունից, Տիագո Նևեսիյ դեմ խախտման համար)։ Հուլիսի 28-ին, «Սանթոսի» դեմ խաղում, Ռոնալդինյոն դառնում է երեք գոլի և մեկ գոլային փոխանցման հեղինակ, հաղթանակ պարգևելով իր թիմին 5-4 հաշվով։
«Ատլետիկո Մինեյրո»
2012 թվականի մրցաշրջան
2012 թվականի հունիսի 4-ին Ռոնալդինյոն պայմանագիր է ստորագրում «Ատլետիկո Մինեյրոյի» հետ, վեց ամիս ժամկետով։ Նա վերցնում է 49 համարի մարզաշապիկը այն պատճառով, որ նրա սիրելի 10 համարի մարզաշապիկը զբաղեցված էր Գուսման Գիլյերմեի կողմից։ Ռոնալդինյոն թիմի կազմում առաջին հանդիպումը անց է կացնում հունիսի 9-ին, «Պալմեյրասի» դեմ հանդիպման ժամանակ, որն ավարտվում է «Ատլետիկի» հաղթանակով՝ 1-0: Ակումբի կազմում առաջին գոլը խփում է հունիսի 23-ին, «Նաուտիկո Ռեսիֆի» դեմ հանդիպման ժամանակ, որը նա խփում է 11 մետրանոցից։
2014 թվականի մրցաշրջան
2014 թվականի հունվարի 9-ին Ռոնալդինյոն նոր պայմանագիր է ստորագրում բրազիլական ակումբի հետ։ 2014 թվականի հուլիսի 28-ին ֆուտբոլիստը խզում է ակումբի հետ պայմանագիրը։
«Կերետարո»
2014 թվականի սեպտեմբերի 5-ին Ռոնալդինյոն մեկ տարվա պայմանագիր է ստորագրում մեքսիկական «Կերետարո» ակումբի հետ։ Սեպտեմբերի 17-ին իր առաջին հանդիպումն է անցկացնում թիմի կազմում «Տիգրեսի» դեմ հանդիպման ժամանակ, որում «Կերետարոն» պարտություն է կրում 0-1 հաշվով, իսկ ինքը՝ բրազիլացին, չի իրացնում 11 մետրանոց հարվածը։
Հավաքականում
Ռոնալդինյոն իր միջազգային հանդիպումները սկսում է մինչև 17 տարեկանների հավաքականում, որի հետ հաղթանակ է տանում աշխարհի առաջնությունում, որն անցկացվում էր 1997 թվականին Եգիպտոսում։ Այդ մրցաշարում նա խփում է երկու գնդակ։ Առաջինը Ավստրիայի հետ կայացած առաջին հանդիպման ժամանակ, որն ավարտվում է 7-0 հաշվով։ Բացի այդ, մրցաշարի արդյունքներով, նա արժանանում է «Բրոնզե գնդակի»՝ մրցանակ մրցաշարի երրորդ խաղացողին։
1999 թվականին Ռոնալդինյոն մասնակցություն է ունենում աշխարհի երիտասարդական առաջնությունում, որտեղ գոլի հեղինակ է դառնում խմբային մրցաշարի վերջին հանդիպման ժամանակ, Զամբիայի դարպասը։ 1/8 եզրափակիչում Ռոնալդինյոն երկու գոլ է խփում Խորվաթիայի դարապասը, իսկ նրա թիմը հաղթանակ է տանում 4-0 հաշվով։ 1/4 եզրափակիչում Բրազիլիայի հավաքականը պարտություն է կրում Ուրուգվայի հավաքականից։
1999 թվականի հունիսի 26-ին՝ Ամերիկայի գավաթի սկսվելուց 3 օր առաջ, Ռոնալդինյոն նորամուտն է նշում Բրազիլիայի առաջվին հավաքականի կազմում, Լատվիայի հետ ընկերական հանդիպման ժամանակ, որը բրազիլացիները հաղթում են 3-0 հաշվով։ Իր երկրորդ հանդիպման ժամանակ, Ամերիկայի գավաթի խաղարկությունում Վենեսուելայի հավաքականի դեմ, Ռոնալդինյոն խփում է իր թիմի յոթ անպատասխան գնդակներից մեկը։ Այդ Ամերիկայի գավաթը բրազիլացիները հաղթում են, իսկ Ռոնալդինյոն անց է կացնում 4 հանդիպում և դառնում 1 գոլի հեղինակ։ Ամերիկայի գավաթի խաղարկությունից մեկ շաբաթ անց Ռոնալդինյոն կանչվում է Կոնֆեդերացիայի գավաթին, որտեղ նա անց է կացնում բոլոր հանդիպումները, բացի եզրափակիչ հանդիպումից (որում Բրազիլիան պարտություն է կրում Մեքսիկայից՝ 3-4), ինչպես նաև, Սաուդյան Արաբիայի հետ օգոստոսի 1-ին կայացած ունեցած հանդիպման ժամանակ դառնում է հեթ-տրիկի հեղինակ, որում բրազիլացիները հաղթանակ են տանում 8-2 հաշվով։ Ռոնալդինյոն իր ելույթների համար ճանաչվում է լավագույն ֆուտբոլիստ և մրցաշարի լավագույն հարձակվող՝ 6 խփած գոլերով (նույնքան գոլ են խփում նաև Մարզուկ ալ Օտաիբը և Կուաուտեմոկ Բլանկոն)։
2000 թվականին Ռոնալդինյոն Բրազիլիայի երիտասարդական հավաքականի կազմում մասնակցում է Սիդնեյում կայացած Օլիմպիական խաղերին։ Ավելի վաղ, նույն թվականին, նա օգնում է բրազիլացիներին հաղթելու նախաօլիմպիական մրցաշարում, խփելով 9 գնդակ 7 խաղերում։ Սակայն բուն մրցաշարում Բրազիլիան դուրս է մնում 1/4 եզրափակիչում, պարտվելով Կամերունին։ Ռոնալդինյոն մրցաշարում մասնակցում է բոլոր 4 խաղերին և խփում մեկ գնդակ՝ Կամերունից պարտություն կրած խաղում։
2002 թվականին Ռոնալդինյոն մասնակցում է իր առաջին աշխարհի առաջնությանը։ Մրցաշարում նա խաղում 5 խաղ և խփում երկու գոլ։ Առաջին գոլը նա խվում է խմբային մրցաշարում, Չինաստանի դարպասը, խաղում, որը բրազիլացիները հաղթում են 4-0 հաշվով։ Երկրորդ գնդակը Ռոնալդինյոն խփում է Անգլիայի դարպասը, հունիսի 21-ին, այդ գոլը բրազիլացիներին հաղթանակ է բերում՝ խաղի 50-րդ րոպեին Ռոնալդինյոն 35 մետրից խոցում է Դևիդ Սիմենի դարպասը։ 7 րոպե անց նա հեռացվում է խաղադաշտից՝ անգլիացիների պաշտպան Դեննի Միլզի դեմ խախտման համար։ Այդ պատճառով նա բաց է թողնում կիսաեզրափակիչ հանդիպումը, սակայն մասնակցում է եզրափակիչ խաղին և օգնում իր թիմին հաղթելու Գերմանիային և հռչակվելու Աշխարհի չեմպիոն։
2003 թվականին Ռոնալդինյոն մասնակցում է կոնֆեդերացիաների գավաթին, սակայն այնտեղ բրազիլացիները չեն կարողանում հաղթահարել խմբային արգելքը, իսկ Ռոնին մասնակցում է թիմի բոլոր 3 խաղերին, սակայն գնդակ չի խփում։ Հաջորդ տարի Ռոնալդինյոն չի մեկնում Ամերիկայի գավաթի խաղարկությանը, քանի որ գլխավոր մարզիչ Կառլոս Ալբերտո Պերեյրան հանգիստ է տալիս իր «աստղերին» և մրցաշար է տանում երկրորդ կազմը։ 2005 թվականին Ռոնալդինյոն օգնում է իր թիմին նվաճելու կոնֆեդերացիաների գավաթը, նաև ճանաչվում է եզրափակիչ խաղի լավագույն խաղացող, որտեղ բրազիլացիները հաղթում են Արգենտինային 4-1 հաշվով։ Մրցաշարում Ռոնալդինյոն դառնում է 3 գոլի հեղինակ։
2006 թվականին նա մասնակցում է աշխարհի առաջնությանը, որտեղ անցկացնում է բոլոր 5 հանդիպումները։ Նա մաս էր կազմում թիմի հարձակման «կախարդական խորանարդի»՝ կազմված Ռոնալդոյից, Կակայից, Ադրիանոյից և իրենից։ Սակայն հարձակվողների քառյակը մրցաշարում խփում է ընդամենը 5 գնդակ։ Ինքը՝ Ռոնալդինյոն, գնդակ չի խփում, ավելին՝ նա կատարում է միայն մեկ գոլային փոխանցում (Ճապոնիայի հետ հանդիպման ժամանակ Ժիլբերտոյին)։ 1/4 եզրափակիչում Բրազիլիան պարտություն է կրում Ֆրանսիայի հավաքականից՝ 0-1, ֆրանսիացիների դարպասին ուղղելով միայն մեկ հարված։ Տուն վերադառնալուն պես ամբողջ թիմը ենթարթվում է խիստ քննադատության։ Հունիսի 3-ին, ֆրանսիացիներից կրած պարտությունից 2 օր անց, բարբարոսները ավերում են Ռոնալդինյոյի Շապեկոյի 7,5 մետրանոց արձանը ապակեթելից և ձութից, որը կառուցվել էր 2004 թվականին, ի պատիվ ֆուտբոլիստի կողմից ՖԻՖԱ-ի վարկածով աշխարհի լավագույն ֆուտբոլիստի կոչման արժանանալուն։ Նույն օրը Ռոնալդինյոն, ում միանում է նաև Ադրիանոն, ուղևորվում են Բարսելոնա և երեկույթ են անց կացնում Ռոնալդինյոյի տանը, մրը շարունակվում է մինչ առավոտ՝ գիշերային ակումբում։ Դա բերում է այն կարծիքի համախոհների մասնաբաժնի ավելացմանը, որոնք համարում են, որ բրազիլացի ֆուտբոլիստները ամբողջությանբ չեն խաղում դաշտում։
2007 թվականի մայիսի 24-ին Ռոնայդինյոն երկու անգամ գրավում է Չիլիի դարպասը, որը դառնում է նրա առաջին արդյունավետ հանդիպումը 2005 թվականի կոնֆեդերացիաների գավաթից հետո, այդպիսով նա ընդհատում է ազգային հավաքականի կազմում իր 2 տարվա ոչգոլային ժամանակաշրջանը։ Նույն թվականին նա խնդրում է իրեն չկանչել Ամերիկայի գավաթին, այն հիմնավորելով հոգնածությամբ։ Հոկտեմբերի 18-ին Ռոնալդինյոն ուշանում է «Բարսելոնայի» հավաքից, հավաքականի կազմում Էկվադորի հավաքականի հետ հանդիպումից հետո այն պատճառով, որ նա հավաքականի մի քանի խաղացողներպի հետ միասին ուրախանում էին Ռիո դե Ժանեյրոի հեղինակություն վայելող գիշերային ակումբներից մեկում և այնտեղից հեռանում են միայն առավոտյան ժամը 11-ին։
2008 թվականի հուլիսի 7-ին Ռոնալդինյոն նշվում է այն երեք տարիքավոր ֆուտբոլիստների ցուցակում, որոնք պետք է մեկնեն Օլիմպիադա։ «Բարսելոնան» սկզբնապես արգելում է ֆուտբոլիստին մեկնել մրցաշարին, սակայն բրազիլացին տեղափոխվում է «Միլան», որը խոչընդոտ չի հանդիսանում իր խաղացողին մրցաշարին մասնակցելու համար։ Ռոնալդինյոն մրցաշարում է խփում է երկու գոլ, երկուսն էլ Նոր Զելանդիայի դարպասը։ Բրազիլացիները հասնում են մինչև կիսաեզրափակիչ, որտեղ պարտվում են Արգենտինային։ Երրորդ տեղի համար խաղում Բրազիլիան հաղթում է Բելգիային՝ 3-0:
«Միլան» հեղափոխվելուց հետո Ռոնալդինյոն սկզբում կորցնում է տեղը բրազիլացիների մեկնարկային կազմում, իսկ այնուհետև դադարում են նրան կանչել ազգային հավաքականի ճամբար։ 2009 թվականի աշնանը Ռոնալդինյոն լավ մարզավիճակ է ձեռք բերում և ցանկություն է հայտնում վերադառնալու ազգային հավաքական։ Չնայած հաջող ելույթներին, Ռոնալդինյոն ընդգրկվում է միայն հավաքականի պահեստային խաղացողների ցանկում։ Այդ որոշումը քննադատության է արժանանում աշխարտի առաջնության կազմկոմիտեի նախագահ Դեննի Ջորդանի կողմից։
2010 թվականի սեպտեմբերի 6-ին, Բրազիլիայի հավաքականի նոր մարզիչ Մանո Մենեզեսը հայտարարում է, որ Ռոնալդինյոյին հնարավորություն կտա ամրապնդվելու ազգային հավաքականում։ Հոկտեմբերի 29-ին, մեկ ու կես տարվա ընթացքում առաջին անգամ, Ռոնալդինյոն կանչվում է Բրազիլիայի հավաքական, Արգենտինայի հետ ընկերական հանդիպման։ Նոյեմբերի 17-ին Ռոնալդինյոն, 1,5 տարվա դադարից հետո, առաջին անգամ հավաքականի մարզաշապիկով դաշտ է դուրս գալիս Արգենտինայի հավաքականի հետ խաղում, որը բրազիլացիները տանուլ են տալիս 0-1 հաշվով։
2011 թվականի օգոստոսի 18-ին Մանո Մենեզեսը Ռոնալդինյոյին կանչում է Գանայի հավաքականի հետ ընկերական հանդիպմանը, որը կայանում է սեպտեմբերի 5-ին և ավարտվում է բրազիլացիների նվազագույն հաղթանակով՝ 1-0: Շուտով Ռոնալդինյոն կանչվում է Ռոկիի գավաթի երկու խաղերին՝ Արգենիտինայի հավաքականի դեմ, որոնք կայանում են սեպտեմբերի 15-ին և 29-ին: Առաջին խաղին նա դուրս է գալիս ավագի թևկապով, իսկ հանդիպումը, արդյունքում, ավարտվում է անարդյունավետ ոչ-ոքիով։ Նաև Մանո Մենեզեսը Ռոնալդինյոյին կանչում է Կոստա Ռիկայի և Մեքսիկայի հավաքականների հետ ընկերական հանդիպումներին, որոնք կայանում են հոկտեմբերի 7-ին և 11-ին՝ համապատասխանաբար։
2014 թվականի աշխարհի առաջնության հայտացուցակում Ռոնալդինյոն չի ընդգրկվում՝ իր տեղը զիջելով ավելի երիտասարդ ընկերներին։
Անձնական կյանքը
Ռոբերտոն, Ռոնալդինյոյի եղբայրը, այժմ հանդիսանում է նրա գործակալը։ Իսկ քույրը՝ Դեյզին, աշխատում է ԶԼՄ-ների հետ կապի համակարգող։
2001 թվականին նկարահանվել է «Կլոն» հեռուստասերիալի դրվագներից մեկում։
2005 թվականի փետրվարի 25-ին Ռոնալդինյոն հայր է դառնում, նրա որդուն անվանում են Ժուան, ի պատիվ Ռոնալդինյոյի մահացած հոր։ Որդին ծնվել է «Դոմինգան դե Ֆաուստան» ակումբի պարուհի Ժանայնա Նաթիենել Վիանա Մենդեսից։
2007 թվականի օգոստոսի 27-ին Ռոնալդինյոն ստանում է իսպանական հպատակություն։
Ելույթների վիճակագրություն
Ակումբային վիճակագրություն
Տվյալները ներկայացված են 2012 թվականի հոկտեմբերի 14-ի դրությամբ։
| Ելույթներ | Առաջնություն | Գավաթ | Միջազգային | Այլ | Ընդամենը | |||||||
|---|---|---|---|---|---|---|---|---|---|---|---|---|
| Ակումբ | Լիգա | Մրցաշրջան | Խաղ | Գոլ | Խաղ | Գոլ | Խաղ | Գոլ | Խաղ | Գոլ | Խաղ | Գոլ |
| Գրեմիո | ||||||||||||
| Սերիա Ա | 1998 | 14 | 1 | 2 | 0 | 15 | 3 | 17 | 4 | 48 | 4 | |
| 1999 | 17 | 6 | 3 | 0 | 14 | 2 | 24 | 25 | 58 | 33 | ||
| 2000 | 21 | 14 | 6 | 6 | - | 22 | 21 | 49 | 41 | |||
| Ընդամենը | 52 | 21 | 11 | 6 | 29 | 5 | 63 | 50 | 155 | 82 | ||
| Պարի Սեն Ժերմեն | Լիգա 1 | 2001-2002 | 28 | 9 | 6 | 2 | 14 | 2 | - | 48 | 13 | |
| 2002-2003 | 27 | 8 | 7 | 3 | 4 | 1 | - | 38 | 12 | |||
| Ընդամենը | 55 | 17 | 13 | 15 | 18 | 3 | - | 86 | 25 | |||
| Բարսելոնա | Պրիմերա | 2003-2004 | 32 | 15 | 6 | 3 | 7 | 4 | - | 145 | 22 | |
| 2004-2005 | 35 | 9 | 0 | 0 | 7 | 4 | - | 42 | 13 | |||
| 2005-2006 | 29 | 17 | 2 | 1 | 12 | 7 | 2 | 1 | 45 | 26 | ||
| 2006-2007 | 32 | 21 | 6 | 0 | 11 | 3 | - | 49 | 24 | |||
| 2007-2008 | 17 | 8 | 1 | 0 | 8 | 1 | - | 26 | 9 | |||
| Ընդամենը | 145 | 70 | 15 | 4 | 45 | 19 | 2 | 1 | 207 | 94 | ||
| Միլան | Սերիա Ա | 2008-2009 | 29 | 8 | 1 | 0 | 6 | 2 | 7 | 1 | 43 | 11 |
| 2009-2010 | 36 | 2 | 0 | 0 | 7 | 3 | 14 | 2 | 57 | 17 | ||
| 2010-2011 | 11 | 0 | 0 | 0 | 5 | 1 | - | 16 | 1 | |||
| Ընդամենը | 76 | 20 | 1 | 0 | 18 | 6 | 21 | 3 | 116 | 29 | ||
| Ֆլամենգո | Սերիա Ա | 2011 | 31 | 14 | 5 | 1 | 3 | 2 | 13 | 4 | 52 | 21 |
| 2012 | 27 | 7 | 12 | 0 | 8 | 2 | 9 | 4 | 56 | 13 | ||
| Ընդամենը | 58 | 21 | 17 | 1 | 11 | 4 | 22 | 8 | 108 | 34 | ||
| Ընդամենը կարիերայի ընթացքում | 376 | 149 | 73 | 16 | 113 | 37 | 107 | 52 | 669 | 254 | ||
Միջազգային վիճակագրություն
| Հավաքական | Մրցաշրջան | Ընկերական | Մրցաշարեր | Ընդամենը | |||
|---|---|---|---|---|---|---|---|
| Խաղեր | Գոլեր | Խաղեր | Գոլեր | Խաղեր | Գոլեր | ||
| Բրազիլիա | |||||||
| 1999 | 4 | 0 | 9 | 7 | 13 | 7 | |
| 2000 | 0 | 0 | 5 | 1 | 5 | 1 | |
| 2001 | 2 | 1 | 2 | 0 | 4 | 1 | |
| 2002 | 5 | 2 | 5 | 2 | 10 | 4 | |
| 2003 | 4 | 1 | 4 | 1 | 8 | 2 | |
| 2004 | 5 | 5 | 5 | 1 | 10 | 6 | |
| 2005 | 1 | 0 | 11 | 6 | 12 | 6 | |
| 2006 | 4 | 0 | 5 | 0 | 9 | 0 | |
| 2007 | 7 | 4 | 4 | 1 | 11 | 5 | |
| 2008 | 0 | 0 | 2 | 0 | 2 | 0 | |
| 2009 | 1 | 0 | 2 | 0 | 3 | 0 | |
| 2010 | 1 | 0 | 0 | 0 | 1 | 0 | |
| 2011 | 5 | 1 | 0 | 0 | 5 | 1 | |
| 2012 | 1 | 0 | 0 | 0 | 1 | 0 | |
| 2013 | 2 | 0 | 0 | 0 | 2 | 0 | |
| Ընդամենը կարիերայի ընթացքում | 42 | 14 | 54 | 19 | 96 | 33 | |
Խաղեր և գոլեր հավաքականի կազմում
| № | Ամսաթիվ | Անցկացման վայրը | Մրցակից | Հաշիվ | Գոլ | Մրցաշար |
| 1 | 1999 հունիսի 26 | Կուրիտիբա |  Լատվիա | 3:0 | - | Ընկերական հանդիպում |
| 2 | 1999 հունիսի 30 |  Սյուդադ դել Էստե |  Վենեսուելա | 7:0 | 1 | Ամերիկայի Գավաթ |
| 3 | 1999 հուլիսի 3 | Սյուդադ դել Էստե | Մեքսիկա | 2:1 | - | Ամերիկայի Գավաթ |
| 4 | 1999 հուլիսի 6 | Սյուդադ դել Էստե |  Չիլի | 1:0 | - | Ամերիկայի Գավաթ |
| 5 | 1999 հուլիսի 15 | Սյուդադ դել Էստե | Մեքսիկա | 2:0 | - | Ամերիկայի Գավաթ |
| 6 | 1999 հուլիսի 24 | Գվադալահարա |  Գերմանիա | 4:0 | 1 | Կոնֆեդերացիայի գավաթ |
| 7 | 1999 հուլիսի 27 | Գվադալահարա |  ԱՄՆ | 1:0 | 1 | Կոնֆեդերացիայի գավաթ |
| 8 | 1999 հուլիսի 30 | Գվադալահարա |  Նոր Զելանդիա | 2:0 | 1 | Կոնֆեդերացիայի գավաթ |
| 9 | 1999 օգոստոսի 2 | Գվադալահարա |  Սաուդյան Արաբիա | 8:2 | 3 | Կոնֆեդերացիայի գավաթ |
| 10 | 1999 օգոստոսի 4 | Մեխիկո | Մեքսիկա | 3:4 | - | Կոնֆեդերացիայի գավաթ |
| 11 | 1999 սեպտեմբերի 4 |  Բուենոս Այրես | Արգենտինա | 0:2 | - | Ընկերական հանդիպում |
| 12 | 1999 սեպտեմբերի 7 | Պորտու Ալեգրի | Արգենտինա | 4:2 | - | Ընկերական հանդիպում |
| 13 | 1999 հոկտեմբերի 9 |  Ամստերդամ | Նիդերլանդներ | 2:2 | - | Ընկերական հանդիպում |
| 14 | 2000 փետրվարի 23 |  Բանգկոկ | Թաիլանդ | 7:0 | 1 | Ընկերական հանդիպում |
| 15 | 2000 մարտի 28 |  Բոգոտա | Կոլումբիա | 0:0 | - | 2002 թվականի Աշխարհի առաջնության ընտրական մրցաշար |
| 16 | 2000 հունիսի 28 | Ռիո դե Ժանեյրո |  Ուրուգվայ | 1:1 | - | 2002 թվականի Աշխարհի առաջնության ընտրական մրցաշար |
| 17 | 2000 հուլիսի 26 | Սան Պաուլու | Արգենտինա | 3:1 | - | 2002 թվականի Աշխարհի առաջնության ընտրական մրցաշար |
| 18 | 2000 սեպտեմբերի 3 | Ռիո դե Ժանեյրո |  Բոլիվիա | 5:0 | - | 2002 թվականի Աշխարհի առաջնության ընտրական մրցաշար |
| 19 | 2001 մարտի 3 | Փասադենա | ԱՄՆ | 2:1 | 1 | Ընկերական հանդիպում |
| 20 | 2001 մարտի 7 | Գվադալահարա | Մեքսիկա | 3:3 | - | Ընկերական հանդիպում |
| 21 | 2001 մարտի 28 |  Կիտո | Էկվադոր | 0:1 | - | 2002 թվականի Աշխարհի առաջնության ընտրական մրցաշար |
| 22 | 2001 նոյեմբերի 14 | Սան Լուիս | Վենեսուելա | 3:0 | - | 2002 թվականի Աշխարհի առաջնության ընտրական մրցաշար |
| 23 | 2002 մարտի 27 | Ֆորտալեզա | .svg) Հարավսլավիա | 1:0 | - | Ընկերական հանդիպում |
| 24 | 2002 ապրիլի 17 |  Լիսսաբոն | Պորտուգալիա | 1:1 | 1 | Ընկերական հանդիպում |
| 25 | 2002 մայիսի 25 |  Կուալա Լումպուր | Մալայզիա | 4:1 | - | Ընկերական հանդիպում |
| 26 | 2002 հունիսի 3 |  Ուլսան |  Թուրքիա | 2:1 | - | 2002 թվականի Աշխարհի առաջնություն |
| 27 | 2002 հունիսի 8 | Սոգվիպհո |  Չինաստան | 4:0 | 1 | 2002 թվականի Աշխարհի առաջնություն |
| 28 | 2002 հունիսի 17 |  Կոբե |  Բելգիա | 2:0 | - | 2002 թվականի Աշխարհի առաջնություն |
| 29 | 2002 հունիսի 28 | Ֆուկուրոի |  Անգլիա | 2:1 | 1 | 2002 թվականի Աշխարհի առաջնություն |
| 30 | 2002 հունիսի 30 | Յոկոհամա | Գերմանիա | 2:0 | - | 2002 թվականի Աշխարհի առաջնություն |
| 31 | 2002 օգոստոսի 21 | Ֆորտալեզա | Պարագվայ | 0:1 | - | Ընկերական հանդիպում |
| 32 | 2002 նոյեմբերի 20 | Սեուլ | Հարավային Կորեա | 3:2 | 1 | Ընկերական հանդիպում |
| 33 | 2003 փետրվարի 12 | Գուանչժոու | Չինաստան | 0:0 | - | Ընկերական հանդիպում |
| 34 | 2003 մարտի 29 | Պորտու | Պորտուգալիա | 1:2 | 1 | Ընկերական հանդիպում |
| 35 | 2003 ապրիլի 30 | Գվադալահարա | Մեքսիկա | 0:0 | - | Ընկերական հանդիպում |
| 36 | 2003 մայիսի 30 |  Աբուջա | Նիգերիա | 3:0 | - | Ընկերական հանդիպում |
| 37 | 2003 հունիսի 19 | Սեն Դենի |  Կամերուն | 0:1 | - | Կոնֆեդերեցիայի գավաթ |
| 38 | 2003 հունիսի 21 | Լիոն | ԱՄՆ | 1:0 | - | Կոնֆեդերացիայի գավաթ |
| 39 | 2003 հունիսի 23 | Սենտ Էտյեն | Թուրքիա | 2:2 | - | Կոնֆեդերացիայի գավաթ |
| 40 | 2003 սեպտեմբերի 10 | Մանաուս | Էկվադոր | 1:0 | 1 | 2006 թվականի Աշխարհի առաջնության ընտրական մրցաշար |
| 41 | 2004 փետրվարի 18 |  Դուբլին | Իռլանդիա | 0:0 | - | Ընկերական հանդիպում |
| 42 | 2004 մարտի 31 | Ասունսյոն | Պարագվայ | 0:0 | - | 2006 թվականի Աշխարհի առաջնության ընտրական մրցաշար |
| 43 | 2004 ապրիլի 28 |  Բուդապեշտ | Հունգարիա | 4:1 | 1 | Ընկերական հանդիպում |
| 44 | 2004 մայիսի 20 | Սեն Դենի | Ֆրանսիա | 0:0 | - | Ընկերական հանդիպում |
| 45 | 2004 օգոստոսի 18 |  Պորտ-օ-Պրենս | Հայիթի | 6:0 | 3 | Ընկերական հանդիպում |
| 46 | 2004 սեպտեմբերի 5 | Սան Պաուլու | Բոլիվիա | 3:1 | 1 | 2006 թվականի Աշխարհի առաջնության ընտրական մրցաշար |
| 47 | 2004 սեպտեմբերի 8 | Բեռլին | Գերմանիա | 1:1 | 1 | Ընկերական հանդիպում |
| 48 | 2004 հոկտեմբերի 9 | Մարակաիբո | Վենեսուելա | 5:2 | - | 2006 թվականի Աշխարհի առաջնության ընտրական մրցաշար |
| 49 | 2004 հոկտեմբերի 19 | Մասեյո | Կոլումբիա | 0:0 | - | 2006 թվականի Աշխարհի առաջնության ընտրական մրցաշար |
| 50 | 2004 նոյեմբերի 17 | Կիտո | Էկվադոր | 0:1 | - | 2006 թվականի Աշխարհի առաջնության ընտրական մրցաշար |
| 51 | 2005 փետրվարի 9 |  Հոնկոնգ | Հոնկոնգ | 7:1 | 1 | Ընկերական հանդիպում |
| 52 | 2005 մարտի 27 | Գոանիյա |  Պերու | 1:0 | - | 2006 թվականի Աշխարհի առաջնության ընտրական մրցաշար |
| 53 | 2005 մարտի 30 | Մոնտեվիդեո | Ուրուգվայ | 1:1 | - | 2006 թվականի Աշխարհի առաջնության ընտրական մրցաշար |
| 54 | 2005 հունիսի 5 | Պորտու Ալեգրի | Պարագվայ | 4:1 | 2 | 2006 թվականի Աշխարհի առաջնության ընտրական մրցաշար |
| 55 | 2005 հունիսի 8 | Բուենոս Այրես | Արգենտինա | 1:3 | - | 2006 թվականի Աշխարհի առաջնության ընտրական մրցաշար |
| 56 | 2005 հունիսի 16 | Լայպցիգ |  Հունաստան | 3:0 | - | Կոնֆեդերացիայի գավաթ |
| 57 | 2005 հունիսի 19 | Հաննովեր | Մեքսիկա | 0:1 | - | Կոնֆեդերացիայի գավաթ |
| 58 | 2005 հունիսի 22 | Քյոլն | Ճապոնիա | 2:2 | 1 | Կոնֆեդերացիայի գավաթ |
| 59 | 2005 հունիսի 25 | Նյուրենբերգ | Գերմանիա | 3:2 | 1 | Կոնֆեդերացիայի գավաթ |
| 60 | 2005 հունիսի 29 | Մայնի Ֆրանկֆուրտ | Արգենտինա | 4:1 | 1 | Կոնֆեդերացիայի գավաթ |
| 61 | 2005 հոկտեմբերի 19 | Բելեն | Վենեսուելա | 3:0 | - | 2006 թվականի Աշխարհի առաջնության ընտրական մրցաշար |
| 62 | 2005 նոյեմբերի 12 |  Աբու Դաբի | ԱՄ Էմիրաթներ | 8:0 | - | Ընկերական հանդիպում |
| 63 | 2006 հունիսի 4 |  Ժնև | Նոր Զելանդիա | 4:0 | - | Ընկերական հանդիպում |
| 64 | 2006 հունիսի 13 | Բեռլին |  Խորվաթիա | 1:0 | - | 2006 թվականի Աշխարհի առաջնություն |
| 65 | 2006 հունիսի 18 | Մյունխեն |  Ավստրալիա | 2:0 | - | 2006 թվականի Աշխարհի առաջնություն |
| 66 | 2006 հունիսի 22 | Դորտմունդ | Ճապոնիա | 4:1 | - | 2006 թվականի Աշխարհի առաջնություն |
| 67 | 2006 հունիսի 27 | Դորտմունդ |  Գանա | 3:0 | - | 2006 թվականի Աշխարհի առաջնություն |
| 68 | 2006 հուլիսի 1 | Մայնի Ֆրանկֆուրտ | Ֆրանսիա | 0:1 | - | 2006 թվականի Աշխարհի առաջնություն |
| 69 | 2006 սեպտեմբերի 5 | .svg) Լոնդոն |  Ուելս | 2:0 | - | Ընկերական հանդիպում |
| 70 | 2006 հոկտեմբերի 10 |  Ստոկհոլմ | Էկվադոր | 2:1 | - | Ընկերական հանդիպում |
| 71 | 2006 նոյեմբերի 15 | Բազել | Շվեյցարիա | 2:1 | - | Ընկերական հանդիպում |
| 72 | 2007 մարտի 24 | Գյոթեբորգ | Չիլի | 4:0 | 2 | Ընկերական հանդիպում |
| 73 | 2007 մարտի 27 | Ստոկհոլմ | Գանա | 1:0 | - | Ընկերական հանդիպում |
| 74 | 2007 հունիսի 1 | Լոնդոն | Անգլիա | 1:1 | - | Ընկերական հանդիպում |
| 75 | 2007 հունիսի 5 | Դորտմունդ | Թուրքիա | 0:0 | - | Ընկերական հանդիպում |
| 76 | 2007 օգոստոսի 22 | Մոնպելյե |  Ալժիր | 2:0 | 1 | Ընկերական հանդիպում |
| 77 | 2007 սեպտեմբերի 9 | Չիկագո | ԱՄՆ | 4:2 | 1 | Ընկերական հանդիպում |
| 78 | 2007 սեպտեմբերի 12 | Բոստոն | Մեքսիկա | 3:1 | - | Ընկերական հանդիպում |
| 79 | 2007 հոկտեմբերի 14 | Բոգոտա | Կոլումբիա | 0:0 | - | 2010 թվականի Աշխարհի առաջնության ընտրական մրցաշար |
| 80 | 2007 հոկտեմբերի 17 | Ռիո դե Ժանեյրո | Էկվադոր | 5:0 | 1 | 2010 թվականի Աշխարհի առաջնության ընտրական մրցաշար |
| 81 | 2007 նոյեմբերի 18 | Լիմա | Պերու | 1:1 | - | 2010 թվականի Աշխարհի առաջնության ընտրական մրցաշար |
| 82 | 2007 նոյեմբերի 21 | Սան Պաուլու | Ուրուգվայ | 2:1 | - | 2010 թվականի Աշխարհի առաջնության ընտրական մրցաշար |
| 83 | 2008 սեպտեմբերի 7 | Սանտյագո | Չիլի | 3:0 | - | 2010 թվականի Աշխարհի առաջնության ընտրական մրցաշար |
| 84 | 2008 սեպտեմբերի 10 | Ռիո դե Ժանեյրո | Բիլիվիա | 0:0 | - | 2010 թվականի Աշխարհի առաջնության ընտրական մրցաշար |
| 85 | 2009 փետրվարի 10 | Լոնդոն | Իտալիա | 2:0 | - | Ընկերական հանդիպում |
| 86 | 2009 մարտի 29 | Կիտո | Էկվադոր | 1:1 | - | 2010 թվականի Աշխարհի առաջնության ընտրական մրցաշար |
| 87 | 2009 ապրիլի 1 | Պորտու Ալեգրի | Պերու | 3:0 | - | 2010 թվականի Աշխարհի առաջնության ընտրական մրցաշար |
| 88 | 2010 նոյեմբերի 10 |  Դոհա | Արգենտինա | 0:1 | - | Ընկերական հանդիպում |
| 89 | 2011 սեպտեմբերի 5 | Լոնդոն | Գանա | 1:0 | - | Ընկերական հանդիպում |
| 90 | 2011 սեպտեմբերի 15 | Կորդովա | Արգենտինա | 0:0 | - | Ընկերական հանդիպում |
| 91 | 2011 սեպտեմբերի 28 | Բելեն | Արգենտինա | 2:0 | - | Ընկերական հանդիպում |
| 92 | 2011 հոկտեմբերի 8 |  Սան Խոսե | Կոստա Ռիկա | 1:0 | - | Ընկերական հանդիպում |
| 93 | 2011 հոկտեմբերի 11 | Տորեոն | Մեքսիկա | 2:1 | 1 | Ընկերական հանդիպում |
| 94 | 2012 փետրվարի 28 | Սանկտ Գալլեն |  Բոսնիա և Հերցեգովինա | 2:1 | - | Ընկերական հանդիպում |
| 95 | 2013 փետրվարի 6 | Լոնդոն | Անգլիա | 1:2 | - | Ընկերական հանդիպում |
| 96 | 2013 ապրիլի 6 | Սանտա Կրուս դե լա Սիեռռա | Բոլիվիա | 4:0 | - | Ընկերական հանդիպում |
| 97 | 2013 ապրիլի 24 | Ասունսիոն | Չիլի | 2:2 | - | Ընկերական հանդիպում |
| № | Ամսաթիվ | Մրցակից | Հաշիվ | Գոլեր | Մրցաշար |
| 1 | 1999 նոյեմբերի 14 | Ավստրալիա | 2:0 | - | Ընկերական հանդիպում |
| 2 | 1999 նոյեմբերի 17 | Ավստրալիա | 2:2 | 1 | Ընկերական հանդիպում |
| 3 | 1999 դեկտեմբերի 10 | Բոլիվիա | 3:0 | - | Ընկերական հանդիպում |
| 4 | 1999 դեկտեմբերի 14 | Պարագվայ | 3:3 | - | Ընկերական հանդիպում |
| 5 | 2000 հունվարի 12 |  Տրինիդադ և Տոբագո | 7:0 | 2 | Ընկերական հանդիպում |
| 6 | 2000 հունվարի 15 | Կոստա Ռիկա | 4:1 | - | Ընկերական հանդիպում |
| 7 | 2000 հունվարի 19 | Չիլի | 1:1 | - | 2000 թվականի Օլիմպական խաղերի ընտրական փուլ |
| 8 | 2000 հունվարի 23 | Էկվադոր | 2:0 | 1 | 2000 թվականի Օլիմպական խաղերի ընտրական փուլ |
| 9 | 2000 Հունվարի 26 | .svg) Վենեսուելա | 3:0 | 2 | 2000 թվականի Օլիմպական խաղերի ընտրական փուլ |
| 10 | 2000 հունվարի 30 | Կոլումբիա | 9:0 | 2 | 2000 թվականի Օլիմպական խաղերի ընտրական փուլ |
| 11 | 2000 փետրվարի 2 | Արգենտինա | 4:2 | 3 | 2000 թվականի Օլիմպական խաղերի ընտրական փուլ |
| 12 | 2000 փետրվարի 4 | Չիլի | 3:1 | 1 | 2000 թվականի Օլիմպական խաղերի ընտրական փուլ |
| 13 | 2000 փետրվարի 6 | Ուրուգվայ | 2:2 | - | 2000 թվականի Օլիմպական խաղերի ընտրական փուլ |
| 14 | 2000 օգոստոսի 9 | Չիլի | 5:3 | 2 | Ընկերական հանդիպում |
| 15 | 2000 օգոստոսի 12 | Չիլի | 3:0 | - | Ընկերական հանդիպում |
| 16 | 2000 սեպտեմբերի 14 |  Սլովակիա | 3:1 | - | 2000 թվականի Օլիմպական խաղեր |
| 17 | 2000 սեպտեմբերի 17 |  ՀԱՀ | 1:3 | - | 2000 թվականի Օլիմպական խաղեր |
| 18 | 2000սեպտեմբերի 20 | Ճապոնիա | 1:0 | - | 2000 թվականի Օլիմպական խաղեր |
| 19 | 2000 սեպտեմբերի 23 | Կամերուն | 1:2 | 1 | 2000 թվականի Օլիմպական խաղեր |
| 20 | 2008 հուլիսի 28 |  Սինգապուր | 3:0 | 1 | Ընկերական հանդիպում |
| 21 | 2008 օգոստոսի 1 |  Վիետնամ | 3:0 | - | Ընկերական հանդիպում |
| 22 | 2008 օգոստոսի 7 | Բելգիա | 1:0 | - | 2008 թվականի Օլիմպիական խաղեր |
| 23 | 2008 օգոստոսի 10 | Նոր Զելանդիա | 5:0 | 2 | 2008 թվականի Օլիմպիական խաղեր |
| 24 | 2008 օգոստոսի 13 | Չինաստան | 3:0 | - | 2008 թվականի Օլիմպիական խաղեր |
| 25 | 2008 օգոստոսի 16 | Կամերուն | 2:0 | - | 2008 թվականի Օլիմպիական խաղեր |
| 26 | 2008 օգոստոսի 19 | Արգենտինա | 0:3 | - | 2008 թվականի Օլիմպիական խաղեր |
| 27 | 2008 օգոստոսի 22 | Բելգիա | 3:0 | - | 2008 թվականի Օլիմպիական խաղեր |
Ընդամենը. 27 խաղ / 18 գոլ, 20 հաղթանակ, 4 ոչ-ոքի, 3 պարտություն.
Նվաճումներ
Ակումբային
Գրեմիո
_-_005.jpg)
- Ռիու Գրանդի դու Սուլ նահանգի չեմպիոն - 1999 թվական
- Սուլ Մինաս Գավաթի տիրակալ - 1999 թվական
Պարի Սեն Ժերմեն
- Ինտերտոտո Գավաթի տիրակալ - 2001 թվական
Բարսելոնա
- Իսպանիայի չեմպիոն (2) - 2004-2005, 2005-2006 մրցաշրջան
- Իսպանիայի Սուպերգավաթի տիրակալ - 2005 թվական, 2006 թվական
- Չեմպիոնների Լիգայի հաղթող - 2005-2006 մրցաշրջան
Միլան
- Իտալիայի չեմպիոն - 2010-2011 մրցաշրջան
Ֆլամենգո
- Գուանարաբի գավաթի հաղթող - 2011 թվական
- Ռիոյի Գավաթի տիրակալ - 2011 թվական
- Ռիո դե Ժանեյրո նահանգի չեմպիոն - 2011 թվական
Ատլետիկո Մինեյրո
- Մինաս Ժերայս նահանգի չեմպիոն - 2013 թվական
- Լիբերտադորեսի գավաթի տիրակալ - 2013 թվական
- Հարավային Ամերիկայի Ռեկոպի տիրակալ - 2014 թվական
Կերետարո
- Մեքսիկայի Գավաթի տիրակալ - 2015 թվական
Բրազիլիայի հավաքական
- Ամերիկայի Գավաթի տիրակալ - 1999 թվական
- Աշխարհի չեմպիոն - 2002 թվական
- Կոնֆեդերացիայի գավաթի տիրակալ - 2005 թվական
Անձնական նվաճումներ
- Ռիու Գրանդի դու Սուլ նահանգի առաջնության լավագույն ռմբարկու - 1999 թվական (15 գնդակ)
- Կոֆեդերացիայի գավաթի լավագույն ռմբարկու - 1999 թվական (6 գնդակ)
- Կոնֆեդերացիայի գավաթի պատմության լավագույն ռմբարկու - 9 գոլ
- Կոնֆեդերացիայի գավաթի լավագույն ֆուտբոլիստ - 1999 թվական
- Բրազիլիայի «Արծաթե գնդակի» տիրակալ - 2000 թվական
- Մտնում է աշխարհի առաջնության խորհրդանշական հավաքականի կազմի մեջ - 2002 թվական
- Իսպանիայի առաջնության լավագույն օտարերկրյա ֆուտբոլիստ - 2004 թվական
- Իսպանիայի առաջնությունում լավագույն հարավամերիկացի ֆուտբոլիստ - 2004 թվական
- ՖԻՖԱ-ի վարկածով տարվա ֆուտբոլիստ - 2004 թվական, 2005 թվական
- World Soccer-ի վարկածով տարվա ֆուտբոլիստ - 2004 թվական, 2005 թվական
- «Ոսկե գնդակի տիրակալ» որպես Եվրոպայի լավագույն ֆուտբոլիստ՝ ըստ France Football-ի վարկածի - 2005 թվական
- ՈՒԵՖԱ լավագույն հարձակվող - 2005 թվական
- Աշխարհի լավագույն ֆուտբոլիստ ըստ Onze-ի վարկածի - 2005 թվական
- ՈՒԵՖԱ-ի վարկածով տարվա լավագույն ակումբային ֆուտբոլիստ - 2006 թվական
- Պրոֆեսիոնալ ֆուտբոլիստների ասոցիացիայի միջազգային ֆեդերացիայի վարկածով տարվա լավագույն ֆուտբոլիստ - 2005 թվական, 2006 թվական
- Մտնում է պրոֆեսիոնալ ֆուտբոլիստների ասոցիացիայի միջազգային ֆեդերացիայի խորհրդանշական հավաքականի կազմի մեջ - 2005, 2006, 2007 թվականներ
- Golden Foot - 2009 թվական
- Իտալիայի առաջնության լավագույն ասիստենտ - 2009-2010 թվականների մրցաշրջան (15 գոլային փոխանցում)
- Մտնում է Ռիո դե Ժանեյրո նահանգի առաջնության խորհրդանշական հավաքականի կազմի մեջ - 2011 թվական
- Մտնում է Բրազիլիայի առաջնության խորհրդանշական հավաքականի կազմի մեջ - 2011 թվական
- Մտնում է Բրազիլիայի առաջնության խորհրդանշական հավաքականի կազմի մեջ - 2012 թվական
- ГЛОБО-ի վարկածով Բրազիլիայի առաջնության լավագույն ֆուտբոլիստ - 2012 թվական
Աղբյուրներ
- Ռոնալդինյո Ֆեյսբուքում
- Профиль игрока на Sports.ru (ռուս.)
- Фотохроника игрока на Sports.ru (ռուս.)
- Статистика выступлений в Бразилии (ռուս.)
- Профиль на официальном сайте ФК «Атлетико Минейро» Արխիվացված 2013-10-14 Wayback Machine (պորտ.)
- Профиль на официальном сайте ФК «Барселона» Արխիվացված 2010-06-03 Wayback Machine (անգլ.)
- Профиль в Футпедии Արխիվացված 2010-03-28 Wayback Machine
- Статистика выступлений за «Барселону» по сезонам
- Профиль на soccernet.espn.go.com Արխիվացված 2012-10-24 Wayback Machine
Ծանոթագրություններ
Արտաքին հղումներ
- Պաշտոնական կայք Արխիվացված 2010-03-06 Wayback Machine
Վիքիպահեստն ունի նյութեր, որոնք վերաբերում են «Ռոնալդինյո» հոդվածին։
| Այս հոդվածն ընտրվել է Հայերեն Վիքիպեդիայի օրվա հոդված: |
This article uses material from the Wikipedia Հայերեն article Ռոնալդինյո, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.