Դանի Օլմո (իսպ.՝ Dani Olmo, մայիսի 7, 1998(1998-05-07), Տեռասա, Àmbit metropolità de Barcelona, Բարսելոնայի պրովինցիա, Կատալոնիա, Իսպանիա), իսպանացի պրոֆեսիոնալ ֆուտբոլիստ։ Ներկայումս հանդես է գալիս Դինամո Զագրեբի և Իսպանիայի ազգային հավաքականի կազմում։ Խաղում է հարձակվողական կիսապաշտպանի և վինգերի դիրքում։
Անձնական տվյալներ | |||
---|---|---|---|
Ամբողջական անուն | Daniel Olmo Carvajal | ||
Քաղաքացիությունը | Իսպանիա | ||
Ծննդյան ամսաթիվ | մայիսի 7, 1998 (25 տարեկան) | ||
Ծննդավայր | Տեռասա, Àmbit metropolità de Barcelona, Բարսելոնայի պրովինցիա, Կատալոնիա, Իսպանիա | ||
Հասակ | 179 սմ | ||
Քաշ | 72 կգ | ||
Դիրք | վինգեր, հարձակվողական կիսապաշտպան | ||
Ակումբային տեղեկություններ | |||
Ներկա ակումբ | Դինամո Զագրեբ | ||
Համար | 7 | ||
Պատանեկան կարիերա | |||
2006-2007 | Էսպանյոլ | ||
2007-2014 | Բարսելոնա | ||
2014-2015 | Դինամո Զագրեբ | ||
Մասնագիտական կարիերա* | |||
Տարի | Ակումբ | Խաղ (գոլ) | |
2015-2017 | Դինամո Զագրեբ II | 25 | (3) |
2015-ներկա | Դինամո Զագրեբ | 80 | (20) |
Ազգային հավաքական‡ | |||
2014 | Իսպանիա Մ16 | 3 | (0) |
2015 | Իսպանիա Մ17 | 9 | (1) |
2016 | Իսպանիա Մ18 | 2 | (1) |
2018-ներկա | Իսպանիա Մ21 | 14 | (6) |
2019-ներկա | Իսպանիա | 1 | (1) |
| |||
* Մասնագիտական կարիերայում ընդգրկված են միայն առաջնության խաղերը և գոլերը |
Օլմոն հանդես է եկել Էսպանյոլի և Բարսելոնայի ակադեմիաներում։ 2014 թվականին նա անակնկալ տրանսֆերով միացավ Դինամո Զագրեբին։ Իր պրոֆեսիոնալ դեբյուտը Օլմոն նշեց 2015 թվականի փետրվարի 7-ին՝ փոխարինման մտնելով Լոկոմոտիվայի դեմ խաղում։ Իր առաջին գոլը խփեց սեպտեմբերի 22-ին՝ Խորվաթիայի գավաթի Օշտրց Զլատորի դեմ խաղում։ 2016 թվականի օգոստոսի 22-ին Օլմոն նոր 4 տարվա պայմանագիր կնքեց Դինամոյի հետ։ Սեպտեմբերի 20-ին նա դուբլ ձևակերպեց Խորվաթիայի գավաթի Վելի Վրհի դեմ խաղում։ 2017 թվականի ապրիլի 29-ին իսպանացին 2 գոլային փոխանցում տվեց Ցիբալիայի դեմ խաղում։ Իր առաջին գոլը Խորվաթիայի առաջնությունում Օլմոն խփեց մայիսի 27-ին՝ Ռիեկայի դեմ խաղում՝ այս խաղում դառնալով նաև գոլային փոխանցման հեղինակ։ 2016-17 մրցաշրջանում նա անցկացրեց 18 հանդիպում՝ դառնալով 4 գոլի և 5 գոլային փոխանցման հեղինակ։
Իր առաջին հանդիպումը եվրոպական առաջնություններում Օլմոն անցկացրեց 2017 թվականի օգոստոսի 3-ին՝ Եվրոպայի Լիգայի որակավորման երրորդ փուլի Օդի դեմ խաղում։ Իսպանացին փոխարինեց Անտե Չորիչին այս հանդիպման 75-րդ րոպեին և հեռացվեց խաղադաշտից 11 րոպե անց՝ ստանալով երկրորդ դեղին քարտը։ Սեպտեմբերի 30-ին նա դուբլ ձևակերպեց Ցիբալիայի դեմ խաղում։ Դեկտեմբերի 3-ին Օլմոն խփեց Ինտեր Զապրեշիչի դեմ հանդիպման միակ գնդակը՝ 1-0 հաշվով հաղթանակ պարգևելով իր թիմին։ 2018 թվականի մայիսի 23-ին իսպանացին խաղադաշտ դուրս եկավ Խորվաթիայի գավաթի եզրափակչի Հայդուկ Սպլիտի դեմ խաղում՝ օգնելով Դինամո Զագրեբին հաղթել 1-0 հաշվով և նվաճել գավաթը։ 2017-18 մրցաշրջանում Օլմոն անցկացրեց 33 հանդիպում՝ դառնալով 9 գոլի և 6 գոլային փոխանցման հեղինակ։
Իր առաջին գոլը եվրոպական առաջնություններում Օլմոն խփեց 2018 թվականի օգոստոսի 7-ին՝ Չեմպիոնների Լիգայի որակավորման երրորդ փուլի Աստանայի դեմ խաղում՝ այս խաղում դառնալով նաև գոլային փոխանցման հեղինակ։ Սեպտեմբերի 15-ին իսպանացին խփեց Գորիցայի դեմ հանդիպման միակ գնդակը՝ 1-0 հաշվով հաղթանակ պարգևելով Դինամո Զագրեբին։ Սեպտեմբերի 20-ին նա գոլի և գոլային փոխանցման հեղինակ դարձավ Եվրոպայի Լիգայի խմբային փուլի Ֆեներբահչեի դեմ խաղում։ Դեկտեմբերի 17-ին Օլմոն Tportal-ի կողմից ճանաչվեց 2018 թվականի Խորվաթիայի առաջնության լավագույն ֆուտբոլիստ։ 2019 թվականի ապրիլի 13-ին իսպանացին 2 գոլի և գոլային փոխանցման հեղինակ դարձավ Իստրա 1961-ի դեմ խաղում։ Մայիսի 22-ին նա մասնակցեց Խորվաթիայի գավաթի եզրափակչի Ռիեկայի դեմ հանդիպմանը, սակայն Դինամոն պարտվեց 3-1 հաշվով։ 2018-19 մրցաշրջանում Օլմոն անցկացրեց 44 հանդիպում՝ դառնալով 12 գոլի և 9 գոլային փոխանցման հեղինակ՝ օգնելով իր թիմին պատմության մեջ 20-րդ անգամ հաղթել Խորվաթիայի առաջնությունը։ Նա Football Oscar-ի կողմից ճանաչվեց Խորվաթիայի առաջնության լավագույն ֆուտբոլիստ, լավագույն երիտասարդ ֆուտբոլիստ, ընդգրկվեց մրցաշարի խորհրդանշական հավաքականում, ինչպես նաև՝ ճանաչվեց Դինամո Զագրեբի տարվա լավագույն ֆուտբոլիստ։
2019 թվականի օգոստոսի 2-ին՝ Գորիցայի դեմ խաղում Օլմոն դարձավ գոլի և գոլային փոխանցման հեղինակ՝ օգնելով Դինամոյին հաղթել 3-1 հաշվով։ Իր դեբյուտը Չեմպիոնների Լիգայում նշեց սեպտեմբերի 18-ին՝ մեկնարկային կազմում խաղադաշտ դուրս գալով խմբային փուլի Ատալանտայի դեմ խաղում։ Սեպտեմբերի 27-ին իսպանացին գոլի և գոլային փոխանցման հեղինակ դարձավ Լոկոմոտիվայի դեմ խաղում։ Չեմպիոնների Լիգայում իր առաջին գոլը խփեց հոկտեմբերի 22-ին՝ Շախտյոր Դոնեցկի դեմ խաղում։ Դեկտեմբերի 5-ին Օլմոն ճանաչվեց Բալկանների տարվա լավագույն ֆուտբոլիստ։ Դեկտեմբերի 30-ին նա ընդգրկվեց Չեմպիոնների Լիգայի 2019 թվականի հայտնությունների խորհրդանշական հավաքականում։
Օլմոն ներկայացրել է Իսպանիան տարբեր տարիքային երիտասարդական հավաքականներում, սակայն ցանկանում էր հանդես գալ Խորվաթիայի կազմում։ 2015 թվականին նա մինչև 17 տարեկանների երիտասարդական հավաքականի կազմում մասնակցեց Եվրոպայի առաջնությանը՝ խաղադաշտ դուրս գալով իր թիմի բոլոր 5 խաղերում։ Իսպանիան դուրս մնաց մրցաշարի քառորդ եզրափակչից՝ հանդիպման հետխաղյա 11-մետրանոցների հարվածաշարում պարտվելով Գերմանիային։ 2019 թվականին Օլմոն մասնակցեց Եվրոպայի Մ21 առաջնությանը՝ անցկացնելով 4 հանդիպում և դառնալով 3 գոլի ու 1 գոլային փոխանցման հեղինակ։ Իսպանիան հաղթեց մրցաշարը՝ եզրափակչում 2-1 հաշվով պարտության մատնելով Գերմանիային, իսկ Օլմոն ընդգրկվեց խորհրդանշական հավաքականում։
Իսպանիայի ազգային հավաքական Օլմոն առաջին անգամ հրավիրվեց 2019 թվականի նոյեմբերի 8-ին՝ Մալթայի և Ռումինիայի դեմ խաղերի համար։ Իր դեբյուտը ազգային հավաքականում նշեց նոյեմբերի 15-ին՝ փոխարինելով Ալվարո Մորատային Մալթայի դեմ հանդիպման 66-րդ րոպեին և գոլի հեղինակ դառնալով 3 րոպե անց։
2020 թվականի հունվարի 20-ի դրությամբ
Ակումբ | Մրցաշրջան | Առաջնություն | Գավաթ | Եվրոպա | Այլ | Ընդհանուր | ||||||
---|---|---|---|---|---|---|---|---|---|---|---|---|
Դիվիզիոն | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | ||
Դինամո Զագրեբ | 2014–15 | Պրվա Լիգա | 5 | 0 | 0 | 0 | 0 | 0 | — | 5 | 0 | |
2015–16 | 1 | 0 | 1 | 1 | 0 | 0 | 2 | 1 | ||||
2016–17 | 14 | 1 | 4 | 3 | 0 | 0 | 18 | 4 | ||||
2017–18 | 26 | 8 | 5 | 1 | 2 | 0 | 33 | 9 | ||||
2018–19 | 25 | 8 | 3 | 1 | 16 | 3 | 44 | 12 | ||||
2019–20 | 9 | 3 | 2 | 0 | 11 | 5 | 22 | 8 | ||||
Ընդհանուր | 80 | 20 | 15 | 6 | 29 | 8 | 0 | 0 | 124 | 34 | ||
Կարիերայի ընդհանուր | 80 | 20 | 15 | 6 | 29 | 8 | 0 | 0 | 124 | 34 |
2020 թվականի հունվարի 20-ի դրությամբ
Իսպանիա | ||
---|---|---|
Տարի | Խաղեր | Գոլեր |
2019 | 1 | 1 |
Ընդհանուր | 1 | 1 |
# | Ամսաթիվ | Մարզադաշտ | Մրցակից | Հաշիվ | Արդյունք | Մրցաշար |
---|---|---|---|---|---|---|
1. | Նոյեմբերի 15, 2019 | Ռամոն դե Կարանսա մարզադաշտ, Կադիս, Իսպանիա | Մալթա | 5–0 | 7–0 | Եվրո 2020 Որակավորում |
Դինամո Զագրեբ
Իսպանիա Մ21
Վիքիպահեստն ունի նյութեր, որոնք վերաբերում են «Դանի Օլմո» հոդվածին։ |
This article uses material from the Wikipedia Հայերեն article Դանի Օլմո, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.