Արամ Հապետի Ասատրյան (մարտի 3, 1953(1953-03-03), Վաղարշապատ, Հայկական ԽՍՀ, ԽՍՀՄ - նոյեմբերի 7, 2006(2006-11-07), Օշական, Արագածոտնի մարզ, Հայաստան), հայ ռաբիզ երգիչ, գուսան և երգահան։
Արամ Ասատրյան | |
---|---|
Ծնվել է | 1953 մարտի 3 Վաղարշապատ, Հայկական ԽՍՀ, ԽՍՀՄ |
Երկիր | Հայաստան |
Մահացել է | նոյեմբերի 7, 2006 Օշական, Արագածոտնի մարզ, Հայաստան | (տարիքը 53)
Գերեզման | Վաղարշապատ |
Ժանրեր | ռաբիզ |
Մասնագիտություն | Երգիչ |
Գործիքներ | վոկալ |
Գործունեություն | 1974-2006 |
Արամ Ասատրյանը ծնվել է Վաղարշապատում, Արևմտյան Հայաստանից տեղափոխված փախստականների ընտանիքում։ Մանուկ հասակից սկսել է զբաղվել երաժշտությամբ, սակայն հայտնի է դարձել 1980-ական թվականների կեսերից։ 1985 թվականին Լևոն Աբրահամյանի, Խաչիկ Սահակյանի, Սուրեն Գասպարյանի և Սիմոն Սիսոյանի հետ միասին ստեղծել է սեփական խումբը։ Հայրենասիրական և սիրային երգերով ելույթներ էր ունենում Արցախյան պատերազմի մասնակիցների համար։
Ելույթներով հանդես էր գալիս Ասիայում, Եվրոպայում, Ռուսաստանում, ԱՄՆ-ում և արաբական երկրներում։ Ավելի քան 500 երգերի հեղինակ է։
2003 թվականին Հայաստանի մշակույթի նախարարությունը Արամ Ասատրյանին պարգևատրել է «Գուսան» պատվավոր տիտղոսով։
Արամ Ասատրյանը մահացել է 2006 թվականի նոյեմբերի 7-ին սրտի կաթվածից։
2013 թվականին Վաղարշապատում բացվել է Արամ Ասատրյանի թանգարանը, որտեղ ցուցադրվում են երաժշտի բոլոր մրցանակներն ու պատվոգրերը և նրան պատկանած իրեր։
Արամ Ասատրյանը ունեցել է երեք որդի և մեկ դուստր։
Թա'նկ ես ինձ համար, իմ անգի'ն Նվարդ,
Իմ բալիկների և' ծաղիկ, և' վարդ,
Տիգրան, Սեդրակ, Արտաշ, Զվարթ՝
Ի'նձ ես պարգևել իմ անգի'ն Նվարդ։
Արամ Ասատրյան (գուսան Արամ)։
Հատուկ շնորհակալություն՝ Մ. Կարապետյանին սկավառակագրությունը կազմելուն մեզ օգնելու համար։
This article uses material from the Wikipedia Հայերեն article Արամ Ասատրյան, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.