સફેદ ઢોંક

તેના પીંછા મુખ્યત્વે સફેદ, પાંખો પર કાળા હોય છે. પુખ્ત પક્ષીને લાંબા લાલ પગ અને લાંબી અણીયાળી લાલ ચાંચ હોય છે. આ પક્ષીની ચાંચની અણીથી પૂંછડીના છેડા સુધીની સરેરાશ લંબાઈ 100–115 cm (39–45 in) હોય છે અને પાંખોનો વ્યાપ 155–215 cm (61–85 in) હોય છે. આ પક્ષી યુરોપ, ઉત્તરપશ્ચિમ આફ્રિકા, દક્ષિણપશ્ચિમ એશિયા અને દક્ષીણોત્તર આફ્રિકામાં પ્રજોપ્તિ કરે છે. શિયાળામાં તે યુરોપથી ભારતીય ઉપખંડ કે દક્ષિણ આફ્રિકામાં સ્થળાંતર કરે છે. ઉડયનમાં ગરમ હવાના ઉધર્વપ્રવાહનો લાભ લેવા માટે સ્થળાંતરણ દરમિયાન તે ભૂમધ્ય સાગરને ઓળંગવાનું ટાળી અને જમીન માર્ગો પરથી પસાર થવાનું પસંદ કરે છે.

 

આ પક્ષીની લંબાઈ 100–115 cm (39–45 in), અને ઉંચાઈ 100–125 cm (39–49 in) હોય છે. પાંખોનો વ્યાપ 155–215 cm (61–85 in) અને વજન 2.3–4.5 kg (5.1–9.9 lb) હોય છે. બધા બગલાઓની જેમ, આને પણ લાંબા પગ અને લાંબી અણીયાળી ચાંચ હોય છે. નર અને માદા કદને કારણે ઓળખાઈ જાય છે, સરેરાશ નર માદા કરતાં કદમાં મોટો હોય છે. પીંછા મુખ્યત્વે સફેદ અને પાંખોના છેડે કાળા હોય છે. આ કાળો રંગ ‘મેલાનીન’ નામક રંગદ્રવ્યને કારણે હોય છે.