WhatsApp (denominación curta de WhatsApp Messenger) é un servizo de mensaxería instantánea, de balde dende 2016 (anteriormente tiña un período de proba de 365 días, despois dese período esixía o pago de 1 USD ao ano) para dispositivos móbiles mediante Internet.
Permite a creación de grupos e o envío de texto, imaxe, son e vídeo. A aplicación está dispoñible para diversos sistemas operativos iOS, Android, BlackBerry OS, Windows Phone e algúns dos dispositivos que utilizan Symbian de Nokia. Segundo datos de 2016, a aplicación supera os 1.000 millóns de usuarios. O seu nome é un xogo de palabras da expresión inglesa "What's up?" que significa "Que pasa?" ou "Como che vai?".
WhatsApp Messenger | |
---|---|
Desenvolvedor(es) | Facebook Inc. (Antes WhatsApp Inc.) |
Publicación inicial | Xaneiro de 2003 |
Última versión | 2.17.427 (Android) (26 de novembro de 2020) |
Escrito en | Erlang |
Sistema operativo | Android, BlackBerry OS, iOS, Symbian e Windows Phone |
Lingua/s | Multilinguaxe Galego: Non |
Tipo | Mensaxería instantánea |
Licenza | Freeware |
Sitio web | whatsapp.com |
A empresa californiana foi creada no ano 2003 por Brian Acton e Koum Jan, ambos ex traballadores de Yahoo!. En decembro de 2013, a aplicación acadou os 400 millóns de usuarios activos. Foi comprada por Facebook Inc. en febreiro de 2014. por 19.300 millóns de USD.
En 2017 anunciouse un servizo para pequenas e medianas empresas co nome de WhatsApp Business.
WhatsApp emprega unha versión personalizada do estándar aberto Extensible Messaging and Presence Protocol (XMPP).
Despois da instalación, créase unha conta de usuario mediante o número de teléfono como nome de usuario. Mentres que na versión de Android utiliza un algoritmo hash MD5, empregando a versión do teléfono e o seu IMEI como contrasinal, a versión iOS duplica a tarxeta do teléfono e o enderezo MAC empregando TI-MD5. Para funcionar Whatsapp require que o aparello no que se instale teña unha axenda de números de teléfono asociada, se non se cumpre esta condición aínda sendo o software compatible non funcionará, tendo esta limitación na configuración.
As mensaxes multimedia son enviadas xunto coa imaxe, son ou vídeo a un servidor HTTP que as reenvía como unha ligazón que conten en Base64 a codificación xunto dunha imaxe en miniatura (se é necesario).
WhatsApp sincronízase coa axenda telefónica do dispositivo de xeito que non require engadir contactos directamente na aplicación. Por ese motivo é obrigatorio que o dispositivo conte cunha axenda de contactos e que estes estean rexistrados na axenda (dados de alta) antes de poder utilizalos no WhatsApp.
This article uses material from the Wikipedia Galego article WhatsApp, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.