Whatsapp

WhatsApp Messenger marupokan aplikasi pasan linteh platform nan mamungkinan untuak batuka pasan tanpa pulsa, karano WhatsApp mangunoan paket data internet. Aplikasi WhatsApp mangunokan koneksi internet 3G, 4G atau WiFi untuak komunikasi data. Salain bakirim pasan (chat daring), hal lain nan dapek dilakukan jo aplikasi ko adolah babagi file, batuka foto, suaro, panggilan, dan lainnyo.

WhatsApp Messenger

WhatsApp logo.svg
Pangambang	WhatsApp Inc.
Rilis awal	Januari 2009; 15 tahun nan lalu (2009-01)
Bahaso pamograman	Erlang
Sistim operasi	Android, iOS, Windows Phone, BlackBerry OS, Symbian (ada aplikasi Windows, macOS, dan web yang beroperasi apabila tersambung dengan aplikasi seluler)
Jenis	Pesan instan dan media sosial
Lisensi	Perangkat lunak gratis
Paringkek Alexa	52 (Templat:Asof)
Situs web rasmi	whatsapp.com

WhatsApp Inc.

Jenis usaha	Anak parusahaan
Didirikan	24 Februari 2009; 15 tahun nan lalu (2009-02-24)
Markas	Mountain View, California, Amerika Serikat
Pendiri	Jan Koum Brian Acton
CEO	Chris Daniels
Karyawan	50
Perusahaan induk	Facebook
Situs web	whatsapp.com

2009-2014

WhatsApp dibuek dek Brian Acton jo Jan Koum, nan sabalumnyo karyawan di Yahoo!.

Pado Januari 2009, katiko mambali iPhone, Koum jo Acton manyadari potensi dari industri aplikasi software di App Store(iOS), kamudian inyo manamui Alex Fishman nan marupokan kawan Koum di West San Jose untuak mangecekan model baru aplikasi bakirim pasan nan akan manunjuakan "status di sampiang namo individu". Inyo tau bahwasanyo untuak malangkah jauah dibutuahan saurang pagambang iPhone. Fishman mangunjuangi situs RentAcoder.com, batamu jo developer urang rusia banamo Igor Solomennikov, jo mampakenalannyo kapado Koum.

Koum manamoan aplikasinyo WhatsApp bia tadanga sarupo "What's up" nan bararti apo kaba. Pado 24 Februari 2009 inyo malegalannyo manjadi parusahaan WhatsApp Inc. Di California versi paliang mulo dari WhatsApp acok mangalami crash komputer, mambuek Koum mampatimbangan untuak manyarah dan mancari karajo baru. Tapi Acton mamintaknyo basaba manunggu santa lai.

Pado Juni 2009, Apple maluncuakan push teknologi nan maijinan pangguno untuak di-ping katiko indak sadang manggunoan aplikasi, Koum langsuang mangubah WhatsApp sahinggo satiok urang dalam jaringan pangguno akan diagiah tau katiko status pangguno diubah. Katiko WhatsApp 2.0 dirilih jo komponen bakirim pasan, tibo-tibo sajo jumlah pangguno aktif malonjak ka 250.000. Maskipun Acton sadang bakarajo di parusahaan rintisan lain, inyo mamutuihan untuak bagabuang ka dalam parusahaan sacaro panuah. Pado Oktober 2009, Acton mambujuak 5 urang kawannyo nan dikenalnyo katiko karajo di Yahoo! untuak manginvestasian $250.000 dalam pandanaan modal baniah, salanjuiknyo Acton manjadi co-founder dan mandapekan saham. Acton sacaro resmi bagabuang ka WhatsApp pado 1 November. Sasudah babulan-bulan mode beta diluncua'an, aplikasi dirilih pado November 2009, ekslusif di App Store nan ado pado iPhone, Koum mampakarajon kawannyo di Los Angeles, Chris Peiffer, untuak mangambangan versi BlackBerry, nan salasai 2 bulan kamudian. Pado 2010, WhatsApp mandapekan banyak tawaran akuisisi dari Google nan kamudian ditulak.

Untuk manutuik biaya dari pangiriman teks verikasi kapado pangguno, WhatsApp mangubah layanan gratisnyo manjadi babayia. Pado Desember 2009, menu bakirim poto ditambahan untuak versi iOS. Pado awal taun 2011, WhatsApp manjadi salah ciek dari 20 aplikasi tarateh di App Store Apple Amerika.

Pado April 2011, Sequoia Capital manginvestasian $8 juta dengan labiah dari 15% saham kapunyoan di parusahaan sasudah proses negosiasi babulan-bulan jo pihak Sequoia nan diwakili Jim Goetz.

Februari 2013, WhatsApp mampunyoi 200 juta pangguno aktif jo 50 staff. Sequoia mangucua'an dana baliak sabanyak 50 juta, manjadian valuasi parusahaan banilai $1.5 miliar. Pado taun nan samo WhatsApp ma'akuisisi Santa Clara parusahaan babasis rintisan, SkyMobius, pagambang Vtok, sabuah aplikasi vidio jo panggilan suaro.

Pado Desember 2013 WhatsApp mamposting di WhatsApp blog nan mangklaim bahwa 400 juta pangguno aktif manggunoan layanannyo satiok bulan.

Anak parusahaan Facebook (2014-sekarang)

Pado 19 Februari 2014, satahun sasudah ventura kapital mamvaluasian $1.5 miliar valuasi, Facebook, Inc. mangumuman akuisisi pado WhatsApp jo nilai US$19 miliar, akuisisi tasabuik marupokan nan tagadang hinggo saat iko, parusahaan ventura nan mandukuang WhatsApp, Sequoia Capital manarimo kiro-kiro 5000% kauntuangan barasiah dari investasi awalnyo. Facebook, nan diwakili dek Allen & co, mambayia $4 miliar sacaro tunai, $12 miliar dalam bantuak kapunyoan saham di Facebook, jo sisonyo (diwakili dek Morgan Stanley) $3 miliar dalam bantuak unit saham tabateh diagiahan ka pandiri WhatsApp Koum jo Acton. Saham karyawan dijadwalan untuak dibagian 4 taun salanjuiknyo sasudah panutupan. Hari-hari sasudah pangumuman akuisisi, pangguno WhatsApp mangalami kahilangan layanan nan manyababkan kamarahan di media sosial.

Akuisisi manyababkan gadangnyo pangguno nan mancubo jo atau pindah ka layanan bakirim pasan lainnyo. Telegram klaim bahwa inyo mandapekan 8 juta pangguno baru, dan Line, 2 juta pangguno.

Dalam presentasinyo sabagai pangecek utamo Mobile World Congress di Barcelona katiko bulan Februari 2014, CEO Facebook Mark Zuckerberg mangatoan bahwasanyo akuisisi Facebook tahadok WhatsApp sangek dakek hubuangannyo jo visi dari internet.org. Sabuah artikel dari TechCrunch mangatoan bahwa iko iolah tantang visi dari Zuckerberg:

Salang 3 hari sasudah pangumuman pambalian dek Facebook, Koum bakato inyo sadang bakarajo untuak mambuek panggilan suaro. Inyo manambahan bahwa ponsel ganggam nan baru akan dijua di jerman dengan merek WhatsApp dan tujuan utamonyo adolah WhatsApp ado di sadoalah ponsel cadiak.

Pado Agustus 2014, WhatsApp marupokan aplikasi bakirim pasan nan paliang populer sacaro global, jo labiah 600 juta pangguno. Pado awal Januari 2015, Forbes mamprediksian bahwa antaro taun 2012 hinggo 2018, industri telekomunikasi akan mangalami panurunan $386 miliar karano layanan babasis OTT sarupo WhatsApp jo Skype. Pado bulan itu juo WhatsApp mandapekan labiah dari 800 juta pangguno. Di September 2015, panggunonyo naiak 900 juta, dan katiko Februari 2016 manjadi 1 miliar.

Menu pasan suaro nan dapek dilakuan dek 2 akun ditambah'an ka aplikasi katiko bulan Maret jo April 2015.

Tapek 30 November 2015, pangguno WhatsApp Android nan mambuek tauik'an ka layanan bakirim pasan lain, sarupo Telegram indak bisa lai diklik jo disalin. Banyak sumber mangkonfirmasian hal tasabuik disangajoan, indak dek kutu (komputer), babarapo urang bapandapek tindakan tasabuik anti persaingan usaho, namun pihak WhatsApp indak namuah maagiah panjalehan.

Kajadian baru-baru iko (2016-kini ko)

Tapek tanggal 18 Januari 2016 pandiri WhatsApp Jan Koum ma'umuman bahwasanyo layanannyo indak lai mambabani biaya kapado palanggan sabanyak $1 per taun, iko adolah usaho untuak mahilangan masalah nan dihadok'i dek pangguno nan indak mampunyoi kartu kredit.

Juni 2016, malalui postingan blok parusahaannyo, WhatsApp malaporan bahwa labiah dari 100 juta pasan suaro par hari alah tajadi.

Di tanggal 10 November 2016, WhatsApp marilih versi beta dari duo-langkah-verifikasi untuak pangguno Android, nan maijinan pangguno untuak manggunoan alamek email inyo surang sabagai palinduangan akun. Pado bulan nan samo Facebook baranti mangumpuan data untuak pariklanan di Eropa. Pado bulan salanjuiknyo, menu panggilan vidio antaro duo akun dipakenalan.

Pado tanggal 10 November 2016, WhatsApp marilih versi beta dari duo-langkah-verifikasi untuak pangguno Android, nan maijinan pangguno untuak mangunoan alamek email inyo untuak malakuan palinduangan akun. Pado bulan nan samo, Facebook baranti mangumpua'an data untuak pariklanan di Eropa. Pado bulan salanjuiknyo, menu panggilan vidio antaro duo akun dipakenalan.

Pado 24 Februari 2017, (ulang taun WhatsApp ka-8), WhatsApp marilih fitur baru Status nan samo jo Snapchat jo Facebook Stories.

Pado 18 Mei 2017, dilaporan bahwasanyo Komisi Eropa ka mandando Facebook €110 juta nan disabuik jo istilah "informasi manyasek'an" nan tajadi salamo 2014 katiko Facebook mangakuisisi WhatsApp, pihak Facebook "sacaro kaliru mangklaim bahwa sacaro teknik indak mungkin manggabuang'gan informasi pangguno dari Facebook jo WhatsApp sacaro otomatih". Namun pado musim angek 2016, WhatsApp alah mulai mambagian informasi pangguno jo parusahaan induaknyo, nan maijinan informasi sarupo nomor talepon nan digunoan di WhatsApp sabagai target dari iklan Facebook. Pihak Facebook mangaku jo palanggaran iko, tatapi inyo mangatoan kasalahan dalam pangajuan di taun 2014 tasabuik "indak disangajo".

Bulan September 2017, pandiri WhatsApp Brian Acton maninga'an parusahaan untuak mamulai organisasi nirlaba, nan salanjuiknyo dikenal sabagai Signal Foundation, dimano kiniko bakambang manjadi kompetitor WhatsApp yaitunyo Signal. WhatsApp juo mangumuman bantuak bisnis inyo untuak maso mandatang nan bisa manjangkau parusahaan-parusahaan panyadio layanan palanggan, dan maskapai kapa tabang KLM jo Aeromexico mangumuman partisipasi inyo untuak tahap pacuboannyo. Maskapai panabangan tasabuik sabalumnyo alah maluncua'an layanan palanggan inyo di Facebook Messenger.

Pado Januari 2018, WhatsApp marilih WhatsApp bisnis untuak pangguno bisnis ketek.

Bulan April 2018, pandiri WhatsApp jo CEO Jan Koum mangumuman inyo ka maningga'an parusahaan. Facebook salanjuiknyo mangumuman posisi Koum digantian dek Chris Daniels.

Salanjuiknyo bulan September 2018, WhatsApp mampakenalan fitur panggilan audio jo vidio bakalompok. Pado bulan Oktober piliahan, "usok untuak mambaleh" ditambahan ka Android versi beta, 16 bulan salanjuiknyo dipakenalan untuak versi iOS.

Tapek 25 Oktober 2018, WhatsApp mangumuman dukuangannyo untuak panggunoan Stiker. Namun indak sarupo aplikasi lain, WhatsApp manyadio'an aplikasi pihak katigo untuak manambahan Stiker ka kolom pasan diaplikasinyo.

Pado tanggal 25 November 2019, WhatsApp mangumuman investasi sagadang $250.000 untuak ekosistem startup malalui karajo samo jo parusahaan rintisan India, nan mano manyadio'an 500 startup dengan dukuangan iklan Facebook masiang-masiang $500.

Bulan Desember 2019, WhatsApp mangumuman update tabaru ka malarang pangguno Apple nan alum update ka iOS 9 atau labiah tinggi dan untuak pangguno Samsung, Huawei, Sony, jo Google nan alum malakuan update Android ka versi 4.0 per tanggal 1 Februari 2020. Parusahaan juo malaporan sistem operasi Windows Phone indak ka didukuang sasudah tanggal 31 Desember 2019. Pado bulan nan samo WhatsApp juo mangumuman manjadi aplikasi ponsel cadiak nomor tigo tabanyak diunduah salamo ciek dekade tarakhir dari 2010 hinggo 2019.

Di awal taun 2020, WhatsApp marilih "mode galok" untuak parangkaik iPhone jo Android-sabuah disain baru nan dibuek jo tema galok itam. Bulan Maret, WhatsApp bakarajo samo jo Organisasi Kesehatan Dunia jo UNICEF untuak manyadio'an panggilan saluran siago supayo satiok urang mandapek'an informasi Pandemi COVID-19. Bulan nan samo, WhatsApp mulai manguji cubo fitur untuak manolong pangguno nan manamuan labiah banyak informasi jo konteks informasi nan inyo tarimo.

Pado Oktober 2020, WhatsApp maluncua'an fitur nan maijinan panggunonyo untuak ma'sanyok'an di antaro individu jo di grup chat untuak salamonyo. Mode chat sanyok kini bisa diatur jo mamiliah '8 jam', '1 minggu', jo 'Selalu'. Pilihan sabalumnyo. Fitur baru iko kini tasadio pado parangkaik iOS jo Android, sarato pado WhatsApp versi web.

Pado Januari 2021, WhatsApp mangumuman kabijakan privasi baru nan mano pangguno dipaso untuak manarimo atau baranti manggunoan aplikasi per tanggal 8 Februari 2021. Kabijakan baru iko akan mangijinkan WhatsApp untuak babagi data masalah WhatsApp manundo implementasi pambaruan kabijakan privasi iko nan saharuihnyo 8 Februari 2021 manjadi 15 Mei 2021.

1 Maret 2021, WhatsApp muai marilih dukuangan untuak layanan pihak katigo nan manyadio'an stiker animasi nan tasadio di Iran, Brazil, jo Indonesia. Pangguno WhatsApp kini bisa mangunoan aplikasi populer sarupo "Sticker Maker" jo mangimpor paket stiker animasi ka kolom chat.

24 Maret 2021, WhatsApp mampaluweh dukuangannyo untuak layanan pihak katigo nan manyadio'an stiker animasi ka saluaruah dunia.

2019 gugek peradilan

Pado Mei 2019, WhatsApp disarang dek paretas nan mananam parangkaik pangintai pado sajumlah ponsel korbannyo. Paretasan, dituduah dikambangan dek parusahaan teknologi pangawasan Israel NSO Grup, manyuntiak'an malware ka dalam ponsel pangguno WhatsApp via kutu eksloit nan barado dalam fungsi panggilan suaro nan manargetan IP aplikasi. Wired malaporan sajumlah catatan serangan nan takanai malware iko malalui panggilan untuak manargetan ponsel, bahkan jikok pangguna indak manjawek panggilan. Pado 29 Oktober, WhatsApp mangajuan gugek'an malawan NSO Grup di paradilan San Francisco, nan mangklaim bahwasanyo dugaan serangan cyber alah malang'ga hukum AS tamasuak pakta panyalahgunaan jo panipuan komputer. Manuruik pihak WhatsApp "exploit alah manargetan satidaknyo 100 tokoh pambela hak asasi manusia, jurnalis, jo anggota masyarakek sipil lainnyo" dengan total 1400 pangguno di 20 nagori.

Sasudah babarapo bulan di mode beta, rilih partamo sacaro resmi WhatsApp pado November 2009, ekslusif di App Store nan ado di iPhone, Pado Januari 2010, ditambahan untuak pangguno Bl ackBerry. Pado Januari 2010, ditambahan untuak pangguno BlackBerry; jo kamudian untuak Symbian pado Mei 2010, jo untuak Android Agustus 2010. Agustus 2011, versi beta untuak Nokia jo sistem operasi Series 40 ditambahan . Ciek bulan sasudah tuh, dukuangan untuak Windows Phone ditambahan, salanjuiknyo Blackberry 10 pado Maret 2013. Pado April 2015, dukuangan untuak operasi sistem Samsung, Tizen ditambahan. Parangkaik tatuo nan bisa ma'operasian WhatsApp adolah Symbian untuak Nokia N95 nan rilih pado Maret 2007. (pado Juni 2017, WhatsApp indak lai kompetibel jo OS iko).

Pado Agustus 2014, WhatsApp marilih pambaruan untuak versi Android, manambahan dukuangan untuak jam tangan cadiak wear OS.

Pado 21 Januari 2015, WhatsApp maluncua'an WhatsApp Web, sabuah browser babsis situs web nan bisa digunoan jo sinkronisasi dari parangkaik ponsel tahubuang.

Pado 26 Februari 2016, WhatsApp mangumuman inyo akan baranti mandukuang layanannyo untuak parangkaik BlackBerry (tamasuak BlackBerry 10), Series 40, Symbian S60, sarato versi nan labiah lamo dari Android (2.2), Windows Phone (7.0), jo iOS (6), pado akhir taun 2016. BlackBerry, Series 40, jo Symbian salanjuiknyo dipapanjang hinggo 30 Juni 2017. Pado Juni 2017, dukuangn untuak BlackBerry jo Series 40 sakali lai dipapanjang sampai akhir taun 2017, samantaro Symbian dibarantian.

Dukuangan untuak BlackBerry jo nan labiah lamo (versi 8.0), Windows Phone jo nan labiah lamo (versi 6) sarato parangkaik iOS dibarantian pado 1 januari 2018, tapi dipapanjang hinggo Desember 2018 untuak Nokia Seri 40. Pado Juli 2018, WhatsApp mangumuman ka basigiro manyadio'an layanan untuak ponsel fitur KaiOS.

Pado Oktober 2019, WhatsApp sacaro resmi maluncua'an sabuah fitur baru pangunci aplikasi manguno'an sidik jari bagi pangguno Android.

WhatsApp Web

WhatsApp sacaro resmi manyadio'an layanan untuak PC malalui situs web, diagiah namo WhatsApp Web,[] Pado akhir Januari 2015 malalui pangumuman nan dibuek dek Koum pado halaman Facebooknyo: "situs web kami ko dirancang sederhano sabagai papanjangan ponsel kito: web browser akan mancaminan tampilan mangecek jo pasan layaknyo dari parangkaik ponsel kito—iko artinyo sadoalah pasan kito masih tahubuang ka ponsel kito". Para pangguno WhatsApp harus tahubuang jo internet supayo browser aplikasinyo bafungsi. Sadoalah desktop browser didukuang kacuali Internet Explorer. Antarmuko WhatsApp Web disandaan ka mode default Android 1 jo bisa diakses malalui web.whatsapp.com. Akses diagiah sasudah pangguno mamindai kode QR personal inyo malalui aplikasi WhatsApp di ponsel.

Tapek 21 Januari 2015, versi desktop hanyo tasadio untuak pangguno Android, BlackBerry, jo Windows Phone. Salanjuiknyo ditambahan dukuangan untuak iOS, Nokia seri 40, jo Nokia S60 (Symbian).

Ado banyk kasamoan solusi untuak macOS, sarupo open-source ChitChat, nan sabalumnyo dikenal sabagai WhatsMac.

Microsoft Windows dan Mac

Pado 10 Mai 2016, layanan pasan dipakenalan dek sistim operasi Microsoft Windows jo macOS. Nan takini, WhatsApp manambahan dukuangan untuak panggilan vidio jo panggilan suaro dari desktop browser inyo. Sarupo jo format WhatsApp Web, aplikasi akan disinkronan dek parangkaik ponsel pangguno, layanan iko tasadio untuak diunduah di situs web. Layanan iko didukuang dek sistim operasi dari Windows 8 jo OS X 10.10 jo diatehnyo.

WhatsApp mangunoan versi panyasuaian dari standar tabukak protokol internet.[] Salamo instalasi WhatsApp akan mambuek akun pangguno nan manggunoan ciek nomor ponsel sabagai username (Jabber ID: [phone number]@s.whatsapp.net)

Parangkaik lunak WhatsApp sacaro otomatih akan mambandiang'an sadoalah nomor ponsel dari buku alamaik nan ado pado parangkaik ka pusek database dari pangguno WhatsApp nan sacaro otomatih manambahannyo ka daftar kontak pangguno WhatsApp. Sabalumnyo versi Android jo Nokia seri 40 mangunoan hash MD5, versi sabaliaknyo dari IMEI ponsel sabagai password. Samantaro pado versi iOS mangunoan alamaik MAC Wi-Fi ponsel sabagai ganti dari IMEI. Pambaharuan pado taun 2012 mangarahan password sacaro acak pado server sampiang. Sacaro alternatif pangguno bisa manggirim kontak siapo sajo di pangkalan data WhatsApp malalui alamaik url https://api.whatsapp.com/send/?phone=[phone number] di mana[phone number]adolah nomor kontak nan juo tamasuak kode nagori.

Babarapo parangkaik nan mandukuang dual SIM mungkin indak sasuai jo WhatsApp, maskipun ado babarapo pangarajoan solusi untuak hal iko ko.

Pado Februari 2015, WhatsApp mampakenalan fitur panggilan suaro; fitur ko manolong WhatsApp untuak manarik pangguno dari segmen lain nan babeda. Pangkodean suaro WhatsApp adolah Opus nan mano mangunoan modified discret cosine transform (LPC) nan marupokan algoritma kompresi audio. WhatsApp mangunoan Opus di 8-16 kHz untuak taksiran sinyalnyo. Pado 14 November 2016, WhatsApp manambahan fitur panggilan vidio bagi pangguno di sadoalah parangkaik Android, iPhone, jo Windows Phone.

Pado November 2017, WhatsApp marilih fitur baru nan bisa mambuek panggunonyo mahapuih pasan nan alah takirim dikaranoan kasalahan dalam rantang wakatu 7 minik.

Pasan multimedia dikirim dengan mangunggah gambar, audio, atau vidio nan dikirim ka server web nan salanjuiknyo mangirim tauikan konten basamo tumbnail pangkodean Base64 encoded (jikok balaku).

WhatsApp mangikuti mekanisme "simpan jo taruihan" untuak patukaran pasan di antaro 2 pangguno. katiko pangguno mangirim sabuah pasan, pasan patamo akan pai ka server WhatsApp di mano pasan disimpan, salanjuiknyo server sacaro barulang akan mamintak si panarimo pasan untuak mangkonfirmasi panarimoan pasan. Sagiro sasudah pasan dikonfirmasi server akan mangiriman pasan ka si panarimo pasan; pasan indak ado lai di pangkalan data server. Server WhatsApp akan taruih manyimpan pasan dalam wakatu 30 hari katiko pasan indak takirim (katiko WhatsApp si panarimo pasan indak aktif salamo 30 hari).

Enkripsi ujuang-ka-ujuang

Pado 18 November 2014, pagambang parangkaik lunak Open Whisper System mangumuman sabuah karajo samo jo WhatsApp untuak manyadio'an enkripsi ujuang-ka-ujuang dengan mamasuakan protokol enkripsi nan digunoan di Signal ka satiok platform klien WhatsApp. Pihak Open Whisper System mangatoan bahwa inyo alah salasai mamasuakan protokol ka dalam klien WhatsApp versi takini untuak Android, jo dukuangan tasabuik untuak klien lainnyo sarupo pasan grup/media, jo kunci verifikasi akan disalasaian sagiro sasudahnyo. WhatsApp mangkonfirmasi karajo samo tasabuik kapado awak media, akan tatapi indak ado pangumuman atau dokumentasi manganai fitur enkripsi pado website resmi inyo, jo pamintaan untuak komentar nan labiah jauah manganai hal tasabuik ditulak. Pado April 2015, majalah jerman Heise Security manggunoan ARP Spoofing untuak mangkonfirmasi bahwa protokol alah diimplementasikan untuak pasan Android-ka-Android, jo bahwasanyo pasan WhatsApp dari atau ka iPhone nan dijalanan iOS tetap bukan enkripsi ujuang-ka-ujuang. Inyo mangatoan keprihatinan bahwa pangguno WhatsApp biaso masih alum bisa mambedaan antaro pasan taenkripsi ujuang-ka-ujuang jo pasan biaso.

Pado 5 April 2016, WhatsApp jo Open Whisper System mangumuman bahwa inyo alah salasai manambahan enkripsi ujuang-ka-ujuang untuak "satiok bantuak komunikasi" di WhatsApp, jo bahwa pangguno kini bisa mamverifikasi kunci pangguno lain. Pangguno juo diagiah pilihan untuak mambuliahan mekanisme autentifikasi sabagai parintah untuak maagiah tau jikok kunci koresponden barubah. Manuruik buku putiah nan dirilih jo pangumuman tasabuik, pasan WhatsApp dienkripsi jo Signal Protocol. sadangkan panggilan WhatsApp dienkripsi dek SRTP, jo sadoalah komunikasi server klien dilapisi jo saluran enkripsi nan tapisah.

Cade Metz, manulih di Wired, mangatoan, "WhatsApp labiah daripado parusahaan manosajo sabalumnyo nan alah manggunoan enkripsi dalam cakupan nan labiah luweh."

Fitur WhatsApp Payments

WhatsApp Payments (dipasa'an sabagai WhatsApp Pay) adolah fitur transfer pitih pado jaringan peer to peer (P2P) nan kini ko hanyo tasadio di India. WhatsApp alah mangantongi ijin dari organisasi parusahaan pambayaran nasional India (NPCL) untuak manjalanan karajosamo jo banyak bank pado Juli 2017 nan mambuek pangguno bisa mambayia jo transfer pitih mangunoan United Payments Interface (UPI). UPI mamungkinan transfer dari akun-ka-akun WhatsApp tanpa paralu ditail dari bank panarimo. Pado 6 November 2020, WhatsApp mangumuman alah manarimo pasatujuan untuak manyadiokan layanan pambayia'an, maskipun pado awalnyo dibatasi maksimal 20 juta pangguno, sasudah sadoalah proses tasabuik layanan iko diluncua'an di India.

pado