Un: Número natural

1
Cardinal	Un
Ordinal	Primeiro
Propiedades matemáticas
Factorización	N/A
Función totiente	φ(1) = 1
Número de divisores	τ(1) = 1
Suma dos divisores	σ(1) = 1
Conta de primos	π(1) = 0
Función de Möbius	μ(1) = 1
Función de Mertens	‘‘M’‘(1) = 1
Outros sistemas de numeración
Sistema binario	1
Sistema octal	1
Sistema duodecimal	1
Sistema hexadecimal	1
Numeración romana	I
Numeración exipcia
Numeración grega	Ι
Numeración xónica	α´
Numeración chinesa	一
Numeración hebraica	'א
Numeración armenia	Ա
Numeración Āryabhaṭa	क
Numeración maia
Lista de números

O un (1) é o número enteiro que se sitúa logo do cero e antes do dous.

O un é o elemento neutro do produto. É dicir, calquera número a multiplicado por 1 volve dar a.

Aínda que en teoría pode considerarse un número primo (xa que o seu único divisor é un), tómase como convenio que non o é. Se o fose, entón os números naturais non terían unha factorización única (salvo orde), senón que terían infinitas (por exemplo, 6 =2⋅3=1⋅2⋅3=1⋅1⋅2⋅3= ...) e as definicións de moitas propiedades matemáticas veríanse afectadas, por exemplo a dos números perfectos.

O 1 é tanto o primeiro termo como o segundo da sucesión de Fibonacci. O seguinte termo da sucesión é o 2.

En informática o 1 asóciase coa posición de "acendido" en lóxica positiva e coa posición de "apagado" en lóxica negativa e é un dos dous díxitos do sistema binario.

Existen varios prefixos que significan un e participan na construción dunha gran cantidade de palabras de uso cotián: mono e uni, como en monóculo e univalente.

En moitas culturas o 1 represéntase mediante un punto ou un trazo (horizontal, vertical ou máis ou menos sinuoso). Por exemplo, na numeración romana (I), na numeración chinesa (一), na árabe (١), na hangzhou (〡), na bengalí (১) ou na tibetana (༡).

Na simboloxía cristiá, o 1 simboliza a Unidade e o Principio Creador do que proceden tódalas cousas.

Wiki Commons ten máis contidos multimedia na categoría:  Un

Outros artigos

• 0,999...