C'l artìcul chè 'l è scrit in Miranduléś
Al palmòṅ (da 'l grèc “pneuma” ch'a vōl dir spìrit, ària) 'l è 'n òrgan dal bèsti ch'al parmét ad purtàr 'l usìgen dl'ària in dal sànguv tirànd fiâ e 'd butàr pò fóra l'anidrîd carbònica ch'la riva da 'l véni. In di vertebrâ più śvilupâ al scambi di gas 'l è fat da dal céluli specialiśàdi ch'i fórman gl'alvéui mént'r i ragn e i scurpiòṅ i gh'aṅ di palmòṅ a lìbar.
In di mamìfar al palmòṅ 'l è 'n ambînt piutòst mój e dònca 'l è fàcil ch'al pòsa subìr di atàc da part di vìrus o di batēr che, s'al sistéma imunitàri al n è minga bòṅ ad cumbàt'r-i, i pōlan purtàr a di infesiòṅ ciamàdi palmunît.
In d'l óm i palmòṅ i èṅ prutèt p'r al custajóli e, a sò vòlta, i prutéś'n al cōr.
This article uses material from the Wikipedia Emiliàn e rumagnòl article Palmòṅ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.