Paru-paru iku organ ing sistem ambegan (respirasi) langegandhèngan karo sistem paredaran getih (sirkulasi) vertebrata kang ambegan mawa udara.
Fungsiné yaiku ngijolaké oksigèn saka udara karo karbon dioksida saka getih. Prosèsé karan "ambegan èksternal" utawa ambegan. Paru-paru uga nduwé fungsi nonrespirasi. Istilah kadhokteran kang gegandhèngan karo paru-paru asring diwiwiti pulmo-, saka tembung Latin pulmones kanggo paru-paru.
Paru-paru mamalia tèksturé kaya spons lan katutup déning epitelium, saéngga lumah totalé adoh luwih gedhé tinimbang lumah njaba paru-paru iku dhéwé. Paru-paru manungsa iku conto tipikal paru-paru jinis iki.
Ambegan mligi diobahké déning otot diafragma ing ngisor. Yèn otot iki ngerut, ruwang kang nampung paru-paru bakal saya amba, lan semono uga sawaliké. Balung rusuk uga bisa nambah amba lan ngerut sithik. Akibaté, udara kaserot lumebu lan kesurung metu paru-paru liwat trakea lan tube bronkial utawa bronchi, kang cawang-cawang lan pucuké wujud alveoli, yaiku kanthong-kanthong cilik kang dikupengi kapilèr kang isiné getih. Ing kéné oksigèn saka udara ndhifusi ing getih, lan banjur digawa déning hemoglobin.
Getih angka deoksigenisasi saka jantung tekan paru-paru liwat arteri paru-paru lan, sawisé dioksigenisasi, ngedhar manèh liwat vena paru-paru.
Sistem ambegan - sunting |
---|
Irung | Rongga irung | Faring | Laring | Trakea | Paru-paru | Zona pangubung | Zona respiratori |
Wiki Commons duwé médhia ngenani Paru-Paru. |
Artikel iki minangka artikel rintisan. Kowé bisa ngéwangi Wikipédia ngembangaké. |
This article uses material from the Wikipedia Basa Jawa article Paru-paru, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.