Paru-Paru
Paru-paru yakuwe salah sijining organ nang sistem pernapasan sing fungsine nggo tempat pertukaran oksigen sekang udara sing nggantekna karbondioksida nang njero getih.
Proses giye dijenengna proses respirasi sing nggunakna bantuan haemoglobin nggo pengiket oksigen. Sewise oksigen nang njero getih dijiret nang haemoglobin banjur dialirna nang kabeh bagian awak.
Alat pernapasan
Mung vertebrata utawa makhluk bertulang belakang sing nduwe paru-paru nggo alat pernapasan. Tekstur paru-paru berongga karo nduwe akeh sekat, panggone nang njero rongga dada dilindungi nang tulang selangka karo diselimuti nang kantong dinding ganda (pleura) sing nempel nang permukaan njaba paru-paru.
Menungsa duwe loro paru-paru. Sebelah kiwa kebagi nang rong bagian karo sebelah tengen kebagi dadi telu bagian. Amben sebagian ngandung sekitar 1500 butir udara karo 300 juta alveolus sing amba permukaane ngantek 140 m2 nggo ukuran wong dewasa utawa sepadan kambi lapangan tenis.
Penyakit
Penyakit-penyakit sing ana hubungane kambi paru-paru:
Asma (bengek)
Watuk
Watuk yakuwe salah siji gangguan nang tenggorokan, paru-paru utawa bronkus (saluran pipa udara sing mlebu nang paru-paru). Jenis watuk guwe ana watuk kering sing dahake setitik utawa ora ana dahake blas. Ana uga watuk berdahak, awatuk taunan, utawa watuk getih.
Bronkitis
Tanda-tandane Bronkitis yakuwe:
- Watuk berlendir karo holih watuk suwe ngantek sasi-sasia utawa malah taunan
- Sering nyerang aring wong usia lanjut karo perokok berat
- Marakna efek emphysema yakuwe suatu penyakit paru-paru sing kronis sebabe angel ambegan utamane nek lagi kerja utawa gerak.
Pneumonia (radang paru-paru)
Pneumonia yakuwe infeksi paru-paru akut. Infeksi giye sering nyerang sewise penyakit paru-paru liyane kaya campak watuk rejan, influenza, asma, peradangan saluran pernapasan (bronchitis) utawa penyakit liyane. Tanda-tandane:
- Pernpasane cepet (40 x per menit nang bayi), dangkal karo kadang-kadang ana suara mengik
- Watuk dialami nang wong dewasa seringe lendiren sing warnane kuning keijo-ijoan utawa setitik ana getihe. Nek nang bayi ora selalu dibarengi watuk. Lara nang dada.
- Penderita keton kesiksa.
Tindakan sing dilakokna:
- Diwei antibiotic nggo penderita pneumonia sesuai petunjuk dokter.
- Diwei oksigen nek sekirane dibutuhna.
- Obat aspirin utawa acetaminophen nggo nuruna panas karo ngurangi rasa lara.
- Diakei holi nginum men ora dehidrasi
This article uses material from the Wikipedia Basa Banyumasan article Paru-paru, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Banyumasan (DUHOCTRUNGQUOC.VN) is an independent company and has no affiliation with Wiki Foundation.