C'l artìcul chè 'l è scrit in Miranduléś
Boston (a s lèś /ˈbɒstən/ in ingléś) l'è na sità dal nòrd-èst di Stat Unî, capitàl dal stat dal Massachusetts. La mùcia sù dagnóra siesènt-sinquantamìla abitànt e la s cata in dla cuntèa ad Suffolk dand pròpria su 'l Ucéan Atlàntic.
Da sèmpar na sità liberal, Boston 'l è cgnusùda cuma la capitàl inteletuàla di Stat Unî avénd-ag anc l'impurtànta università 'd Harvard. Al cōst dla vita chè 'l è dimóndi élt acsè cuma la qualità dla vita e i pòst ad lavōr.
In sità a s dróa dimóndi 'l “asènt ad Boston” in dua la cunsunànta R in fiṅ ad paròla la n s diś minga se la paròla dòp la n taca minga par vucàl. Inóltar la A l'è sèmpar dimóndi lunga (invéci ad dir "bath" i dìśan "baath").
L'ecunumìa ad Boston l'è rica e la fà riferimènt a la tecnulugìa, a la biutecnulugìa, a 'l cumèrs letrònic, a i servìsi finansiàri e anc a 'l turìśum.
Al sò sìndig, da 'l 2014, 'l è 'l demucràtic Marty Walsh.
This article uses material from the Wikipedia Emiliàn e rumagnòl article Boston, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.