Hard Rock
C'l artìcul chè 'l è scrit in Miranduléś
Miranduléś
'L Hard rock (a s lèś [hɑːd rɒk] in ingléś, Rock dûr in miranduléś, cgnusû da spés anc sōl cuma „Metal“) 'l è 'n gènar muśicàl ch'al s è śvilupâ a la fiṅ di an Ssanta in dal Régn Unî da la mùśica rock & roll da 'l blues rock.
A s trata dna versiòṅ dal rock dûr in du i sòṅ i èṅ dimóndi amplificâ e rabî e in du la chitàra la la fà da pardóna c'n i sò riff e i sò asōi e la baterìa la martèla e la gh dà dèntar. La vóś l'è sigàda dagnóra sèmpar e i tèst i dascóran spés ad sès e 'd divertimènt, dal vòlti 'd eśuterìśum.
Cal gènar muśicàl chè 'l à dâ vita a na sò versiòṅ incóra più pēśa, 'l heavy metal, e 'l gh'à abû 'l sò perìud 'd òr in di an Stanta rivànd anc a i an Utànta e Nuànta.
Fra i grup più famóś ch'i aṅ sunâ cal gènar lè a 'rcurdém i Deep Purple, i Led Zeppelin, gl'Aerosmith, i ZZ Top, i Bon Jovi, Alice Cooper, i Kiss, i Queen, i Van Halen e i Guns N' Roses.
Culegamènt estéran
This article uses material from the Wikipedia Emiliàn e rumagnòl article Hard rock, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.