C'l artìcul chè 'l è scrit in Miranduléś
Aldo Cazzullo 'l è un giurnalìsta piemuntéś, scritōr e upiniunìsta televiśìṿ nâ a Alba al 17 ad Setémbar dal 1966.
Cazzullo al taca a lauràr in dal 1988 cuma giurnalìsta a La Stampa faghénd al praticànt. In dal 1998 al và a star a Róma.
In dal 2003, dòp quind'ś an a La Stampa, al pasa a 'l Corriere della Sera, ciamâ par Stefano Folli, in alóra diretōr dal giurnàŀ.
Spuśâ cun dū fiōi (Francesco e Rossana), al scriv anc adès par la testàda milanéśa, faghénd 'l inviâ speciàŀ e scrivénd di edituriàŀ.
In dla sò caréra 'l à cuntâ i śóg ulìmpic 'd Aténe e anc quéi cinéś ad Pechîṅ, al reasiòṅ in dal mónd àrab in séguit a gl'atintâ d'l 11 ad Setémbar, i fat dal G8 ad Gènuva, i masamènt ad Massimo D'Antona e ad Marco Biagi (profesōr dl'Università ad Mòdna e Rèz), al vìnsidi ad George W. Bush, Barack Obama, David Cameron, José Luis Rodríguez Zapatero, Nicolas Sarkozy, Recep Tayyip Erdoğan e dla nasiunàŀ ad balòṅ in di mundiài ad Germàgna dal 2006.
In dal 2011 i gh'aṅ dâ al prèmi nasiunàŀ ANPI "Renato Benedetto Fabrizi" p'r al lìbar Viva l'Italia.
This article uses material from the Wikipedia Emiliàn e rumagnòl article Aldo Cazzullo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.