La enfermedá del coronavirus 2019 (COVID-19), tamién conocida como enfermedá respiratoria aguda nCoV 2019, ye una enfermedá infeiciosa causada por SARS-CoV-2 (enantes conocida como coronavirus nuevu 2019 o virus de Wuhan), un virus estrechamente rellacionáu col SARS Co-V. La enfermedá descubrióse cola epidemia de neumonía por coronavirus de Wuhan de 2019-2020.
COVID-19 | ||
---|---|---|
Imaxe de Microscopiu amosando'l SARS-CoV-2. Los picos nel berbesu de les partícules del virus aseméyense a una corona, dando a la malura el so nome carauterísticu. | ||
Clasificación y recursos esternos | ||
CIE-10 | B97.2 | |
DiseasesDB | 60833 | |
Especialidá | Infectoloxía | |
Síntomes | Fiebre, tos, disnea, mialxa, astenia | |
Complicaciones | Neumonía, síndrome de dificultá respiratoria aguda, insuficiencia renal aguda | |
Causes | SARS-CoV-2 | |
Diagnósticu | PCR en tiempu real, inmunoensayu, tomografía axal computarizada | |
Sinónimos | ||
Avisu médicu | ||
[editar datos en Wikidata] |
El mou principal d'infeición n'humanos ye la tresmisión de persona a persona, que se produz davezu al traviés de gotes que surden de les víes respiratories d'individuos infeutaos que tusen, estornuden o exhalen. Tien un periodu d'incubación d'ente 2 y 14 díes. La tresmisió pue amenorgase llimpiando bien les manes con una bona hixene en xeneral.
Nun primer momentu, la enfermedá pue presentase asintomática o con pocos síntomes, o pue apaecer fiebre, tos, dificultá respiratoria, dolor nos músculos y cansanciu. Cuando ta más desenvuelta apaez una neumonía, síndrome de dificultá respiratoria aguda y muerte. Nun hai vacunes nin tratamientos efectivos y los esfuercios céntrense normalmente na xestión de los síntomes y midíes d'apoyu.
La Organización Mundial de la Salú (OMS) y los Centros pal Control y Prevención d'Enfermedaes (CDC) recomienden que les persones que sospechen ser portadores del virus lleven una mázcara facial quirúrxica y que pidan asesoramientu llamando al médicu en cuenta de visitar direutamente una clínica. La OMS tien declarao que'l brote de coronavirus 2019-2020 ye una emerxencia sanitaria de preocupación internacional (PHEIC).
This article uses material from the Wikipedia Asturianu article COVID-19, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.