Covid-19
| ახალი კორონავირუსი (2019-nCoV) | ||||
|---|---|---|---|---|
.png) ახალი კორონავირუსი (2019-nCoV) | ||||
| მენცარული კლასიფიკაცია | ||||
| ||||
| ლათინური ჯოხო | ||||
| SARS-CoV-2 | ||||
| თხილუაშ სტატუსი | ||||
|
კორონავირუსული ლახარა 2019 (COVID-19) — ინფექციური ლახარა, ნამუსჷთ გჷმიჭანუანს კონწარი რესპირატორული სინდრომიშ კორონავირუსი 2 (SARS-CoV-2). 2019 წანაშ ბოლოშე მოჸუნაფილი, ვირუსიქ გლობალურო გიფაჩჷ დო გჷმიჭანჷ კორონავირუსიშ პანდემია 2019-2020. ართამ სიმპტომეფს შქას რე ტემპერატურაშ მოძინა, ხვალუა დო შურღალაშ უბაღერობა. ელაზჷმაფათ მერკეთ გჷმორჩქინელი სიმპტომეფი რე კუთეფიშ ჭუა, ნახვალა დო ჸალიშ ჭუა. შვანეფიშ უმენტაშალა ლექინი სიმპტომეფით მეურს, მარა კანკალე შვანს ივითარებჷ პნევმონია დო პოლიორგანული უბაღერობა. ინფიცირებულეფიშ შქას ღურალაშ მაძირაფალი 1-შე 5 პროცენტშახ რე, მარა იძანძჷ ხანიშ დო შხვა გემაჸვენჯი ლახარეფიშ გოთოლწონუათ.
ართი ადამიერიშე მაჟირაშა ინფექცია გინმურს რესპირატორული ჭვათეფით, ნამუეფჷთ თარო ხვალუაშ დო ჩიონუაშ ბორჯის გითმიჭყაფუ. სიმპტომეფი ინფიცირაფაშე 2-14 დღაშა გჷმორჩქინდჷ, ოშქაშეთ 5 დღაშა. დიაგნოზირაფაშ სტანდარტული მეთოდი რე ჸალ-ჩხვინდიშ ნასუმაშ ვარ-და ნახვალაშ მინუშიშ პოლიმერაზიშ ჯაჭვიშ რევერსულ-ტრანსკრიფციული რეაქცია (rRT-PCR). თაშნეშე შილებე ზისხირიშ წრუქიშ იმუნოანალიზიშ გჷმორინაფა. ინფექციაშ დიაგნოზიშ დოხუნა შილებე სიმპტომეფიშ კომბინაციათ, რისკ-ფაქტორეფით დო კომპიუტერული ტომოგრაფიაშის პნევმონიაშ მახასიათაფალეფიშ დოფიქსირაფათ.
ლახარაშ დუდშე აღებაშ რეკომენდებულ ზჷმეფს შქას რე ხელეფიშ შხირი ბონუა, შხვა ადამიერეფშე დისტანციაშ თხილუა დო დორხველ სახეშა ხელეფიშ ვემეღალა. პიჯაკათაშ გჷმორინაფა რეკომენდაფილი რე ხვალე თინეფშო, მისჷთ ვირუსიშ დჷმახასიათაფალი სათაკილო შანეფი უღჷნ; აკათაშ გჷმორინაფა ჭყანთელი ადამიერიშო ურგებელი რე. ლახარაშ მართუაშა მიშმურს სიმპტომეფის კურნალუას, მუკოლუაფას დო ექსპერიმენტულ ზჷმეფს.
2020 წანაშ 30 ღურთუთას, ჭყანთხილუაშ მოსოფელიშ ორგანიზაციაქ კორონავირუსიშ 2019-2020 წანაშ ეპიდემია ჯარალობური ჭყანთხილუაშ ოერეფოშქაშე ოშქურანჯეთ გჷმაცხადჷ, 11 მელახის პანდემიათ. აბანობური გინოდვალაქ დეფიქსირჷ ლახარაშ გოფაჩუაშ არძა რეგიონს.
რესურსეფი ინტერნეტის
სქოლიო
This article uses material from the Wikipedia მარგალური (Margaluri) article COVID-19, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.